მმართველი პარტია: „ნაცმოძრაობა" პოლიტიკური რადარებიდან გაქრება

© photo: Sputnik / Stringerნიკა მელია
ნიკა მელია - Sputnik საქართველო, 1920, 26.09.2022
გამოწერა
НовостиTelegram
როგორც „ქართულ ოცნებაში“ განაცხადეს, ოპოზიციურ პარტიაში მიმდინარეობს ბრძოლა ფინანსებისა და შიდა გავლენების მოსაპოვებლად.
თბილისი, 26 სექტემბერი — Sputnik. ოპოზიციური პარტია „ერთიანი ნაციონალური მოძრაობა“ დაშლის ზღვარზეა და მომავალი არჩევნებისთვის გაქრება პოლიტიკური რადარებიდან, განაცხადა საპარლამენტო უმრავლესობის წევრმა გიორგი ამილახვარმა.
ოპოზიციურ პარტიაში არსებული პრობლემები განსჯის თემა გახდა „ნაციონალური მოძრაობის“ თავმჯდომარის ნიკა მელიას განცხადების შემდეგ, რომელმაც თავდაცვის ექს-მინისტრს, ოპოზიციური ტელეკომპანია „ფორმულას" დამფუძნებელ დავით კეზერაშვილს ღიად უწოდა ოლიგარქი და აღნიშნა, რომ მისი ფიგურა საზიანოა დღევანდელი ოპოზიციისთვის.
მელიას განცხადება არ მოეწონა პარტიის რამდენიმე ავტორიტეტულ წარმომადგენელს, მათ შორის, დეპუტატებს ლევან ხაბეიშვილსა და დავით კირკიტაძეს.
ხოშტარია ოპოზიციას „ურთიერთობებში წესიერებისკენ“ მოუწოდებს>>>
როგორც „ქართულ ოცნებაში“ განაცხადეს, ოპოზიციურ პარტიაში მიმდინარეობს ბრძოლა ფინანსებისა და შიდა გავლენების მოსაპოვებლად, რომელიც განსაკუთრებით მას შემდეგ გამწვავდა, რაც პარტიის დამფუძნებელმა მიხეილ სააკაშვილმა, მისი თქმით, ქართული პოლიტიკიდან წასვლა გადაწყვიტა.

„ეს პარტია არა მხოლოდ დაკავებულია სახელმწიფოსთან ბრძოლითა და სახელმწიფო ინსტიტუტების რყევით, არამედ უკვე პარტიის შიგნითაც რამდენიმე დაჯგუფებაა – სააკაშვილის, მელიასი თუ კეზერაშვილის. ისინი ერთმანეთს უპირისპირდებიან და უკვე პარტიისთვის იბრძვიან. პრაქტიკულად, შეგვიძლია ვთქვათ, რომ დღეს „ნაცმოძრაობა“ დაშლის პირასაა. მომავალ არჩევნებზე პარტია პოლიტიკური რადარებიდან საერთოდ გაქრება“, – განაცხადა ამილახვარმა.

„ნაციონალურ მოძრაობის" შიგნით სერიოზული დაპირისპირების თაობაზე უფრო ადრე განცხადება გააკეთა „ქართული ოცნების" თავმჯდომარემ ირაკლი კობახიძემაც. მისი თქმით, კეზერაშვილი „ნაცმოძრაობის“ ერთ-ერთ ლიდერს, დეპუტატ ლევან ხაბეიშვილს აფინანსებს.
მმართველი პარტიის ლიდერის თქმით, აღნიშნული ფაქტი „ნაცმოძრაობის“ თავმჯდომარემ ნიკა მელიამ გააპროტესტა. კეზერაშვილმა კი, თავის მხრივ, მელიას მიანიშნა, რომ იგი მხოლოდ ფორმალური თავმჯდომარეა პარტიის.
კობახიძე არ გამორიცხავს, რომ კეზერაშვილი ცდილობს „ნაცმოძრაობის“ შიგნით მეტი ძალაუფლება მოიპოვოს.
ბოლო მოვლენებთან დაკავშირებით კომენტარი გააკეთა ლევან ხაბეიშვილმაც. მან არასწორი უწოდა მელიას განცხადებას და აღნიშნა, რომ „გულწრფელად წუხს“. ამასთან, მან კეზერაშვილს პოლიტიკური დევნის მსხვერპლი უწოდა.
ეწვიეთ „Sputnik საქართველოს“ Telegram-არხს
ყველა ახალი ამბავი
0