https://sputnik-georgia.com/20220923/hyavda-tu-ara-saqartvelos-bankze-tavdamsxmels-tanamzraxveli-270701388.html
ჰყავდა თუ არა „საქართველოს ბანკზე“ თავდამსხმელს თანამზრახველი?
ჰყავდა თუ არა „საქართველოს ბანკზე“ თავდამსხმელს თანამზრახველი?
Sputnik საქართველო
ჯერჯერობით გამოძიებისთვის უცნობია, ბანკზე თავდასხმაში ბრალდებულმა სად იშოვა იარაღი. 23.09.2022-ს, Sputnik საქართველო
2022-09-23T09:41+0400
2022-09-23T09:41+0400
2022-09-23T15:25+0400
საქართველო
თავდასხმა „საქართველოს ბანკზე“ - ბოლო ცნობები
კრიმინალი საქართველოში
საზოგადოება
ახალი ამბები
https://cdnn1.img.sputnik-georgia.com/img/07e6/09/14/270624588_0:256:2730:1792_1920x0_80_0_0_52716489c58cf0a85bdcdab495d5f629.jpg
თბილისი, 23 სექეტმბერი – Sputnik. ამ ეტაპზე გამოძიებას „საქართველოს ბანკზე“ თავდასხმის საქმეზე, გელა ნარსიას გარდა, საქმის სხვა ფიგურანტები არ გამოუვლენია, განაცხადა დასავლეთ საქართველოს საოლქო პროკურორმა დავით ჩხარტიშვილმა ბრიფინგზე.ქუთაისში „საქართველოს ბანკის“ ერთ-ერთ ფილიალზე შეიარაღებული თავდასხმა სამშაბათს, 20 სექტემბერს მოხდა. ხუთშაბათს სასამართლომ ნარსიას აღკვეთის ღონისძიების სახით პატიმრობა შეუფარდა. მას ბრალი წარედგენა სსკ-ის სამი მუხლით - „ტერორისტული აქტი“, „ტერორისტული მიზნით ადამიანების მძევლად აყვანა“ და „ცეცხლსასროლი იარაღისა და საბრძოლო მასალის მართლსაწინააღმდეგო შეძენა-შენახვა-ტარება“.მისი თქმით, პროკურატურა არ გეგმავს იარაღის ნაწილში საქმის კვალიფიკაციის შეცვლას.„იარაღის და ასაფეთქებელი ნივთიერებების ექსპერტიზა უკვე ჩატარდა და ამ ნაწილში საქმე არ გადაკვალიფიცირდება“, – განაცხადა ჩხარტიშვილმა.თავდასხმა „საქართველოს ბანკზე“: ნარსიას აღკვეთის ღონისძიების სახით პატიმრობა შეეფარდა>>>მისი თქმით, ამ ეტაპზე გამოძიებისთვის უცნობია, სად იშოვა ნარსიამ იარაღი. ამასთან, საოლქო პროკურორმა არ გამორიცხა მთლიანობაში საქმის გადაკვალიფიცირება.„გამოძიება საწყის ეტაპზეა და გამორიცხული არაფერია“, – განაცხადა ჩხარტიშვილმა ჟურნალისტებთან.ბრალის დამტკიცების შემთხვევაში ნარსიას 10-დან 15 წლამდე ვადით პატიმრობა ემუქრება.მძევლები და მოთხოვნებიგამოძიების ცნობით, 20 სექტემბერს, 11:15 საათზე სამხედრო უნიფორმით, ნიღბით და ხელთათმანებით შემოსილი პირი, რომელიც იყო შეიარაღებული ხელყუმბარით, კუსტარულად გადაკეთებული ცეცხლსასროლი იარაღითა და საბრძოლო ვაზნებით, დანით, ხელნაკეთი იმიტირებული ასაფეთქებელი მოწყობილობით, ქუთაისში, „საქართველოს ბანკის“ ერთ-ერთ სერვის-ცენტრში შეიჭრა და იქ მყოფი მოქალაქეების შესაშინებლად იარაღი გაისროლა.მან შენობაში მყოფ მოქალაქეებს სიცოცხლის მოსპობის მუქარით მისი მითითებების შესრულება მოსთხოვა. ბანკის ცენტრალურ კარებზე იმიტირებული ასაფეთქებელი მოწყობილობა დაამაგრა, რომლის მსგავსი ნივთიც ასევე დამაგრებული ჰქონდა სხეულზე.პროკურატურამ „საქართველოს ბანკზე“ თავდასხმის დეტალები გაასაჯაროვა>>>თავდამსხმელის ბანკში შეჭრისთანავე რამდენიმე ადამიანმა შენობის დატოვება მოახერხა, ხოლო შენობაში დარჩენილი 13 ადამიანი ბრალდებულმა მძევლად აიყვანა. მან მძევლები ძალადობის მუქარით სერვის-ცენტრის ერთ სივრცეში შეკრიბა და მოითხოვა დაკავშირებოდნენ პოლიციას, ბანკის ხელმძღვანელობას, ასევე სოციალური ქსელის გამოყენებით ჩაერთოთ პირდაპირი ეთერი, რათა საზოგადოებას ბანკზე თავდასხმის შესახებ ინფორმაცია ჰქონოდა.ხელისუფლების წარმომადგენლებთან კავშირის დამყარების შემდეგ თავდამსხმელმა მოითხოვა 2 მილიონი აშშ დოლარი, ვერტმფრენი, მიკროავტობუსი, რუსეთის ფედერაციის სახელმწიფო დროშა და ანკესი.მოთხოვნების შეუსრულებლობის და მძევლების გამოსახსნელად სპეცოპერაციის ჩატარების შემთხვევაში ბრალდებული საბრძოლო მდგომარეობაში მოყვანილი ხელყუმბარის აფეთქებით და მძევლების სიცოცხლის მოსპობით იმუქრებოდა, ნათქვამია საქმის მასალებში.რამდენიმე საათის შემდეგ, პოლიციის ჩართულობით ბანკის შენობიდან ხუთი მძევლის გამოყვანა მოხერხდა, ხოლო 19:36 საათზე სამართალდამცველებმა, გაწეული წინააღმდეგობის მიუხედევად, თავდამსხმელი ბანკის სერვის-ცენტრში დააკავეს, რის შემდეგაც ყველა მძევალი უვნებლად გაათავისუფლეს.
საქართველო
Sputnik საქართველო
media@sputniknews.com
+74956456601
MIA „Rossiya Segodnya“
2022
Sputnik საქართველო
media@sputniknews.com
+74956456601
MIA „Rossiya Segodnya“
ახალი ამბები
ka_KA
Sputnik საქართველო
media@sputniknews.com
+74956456601
MIA „Rossiya Segodnya“
Sputnik საქართველო
media@sputniknews.com
+74956456601
MIA „Rossiya Segodnya“
საქართველო, თავდასხმა „საქართველოს ბანკზე“ - ბოლო ცნობები, კრიმინალი საქართველოში, საზოგადოება, ახალი ამბები
საქართველო, თავდასხმა „საქართველოს ბანკზე“ - ბოლო ცნობები, კრიმინალი საქართველოში, საზოგადოება, ახალი ამბები
ჰყავდა თუ არა „საქართველოს ბანკზე“ თავდამსხმელს თანამზრახველი?
09:41 23.09.2022 (განახლებულია: 15:25 23.09.2022) ჯერჯერობით გამოძიებისთვის უცნობია, ბანკზე თავდასხმაში ბრალდებულმა სად იშოვა იარაღი.
თბილისი, 23 სექეტმბერი – Sputnik. ამ ეტაპზე გამოძიებას „საქართველოს ბანკზე“ თავდასხმის საქმეზე, გელა ნარსიას გარდა, საქმის სხვა ფიგურანტები არ გამოუვლენია, განაცხადა დასავლეთ საქართველოს საოლქო პროკურორმა დავით ჩხარტიშვილმა ბრიფინგზე.
ქუთაისში „საქართველოს ბანკის“ ერთ-ერთ ფილიალზე შეიარაღებული თავდასხმა სამშაბათს, 20 სექტემბერს მოხდა. ხუთშაბათს სასამართლომ ნარსიას აღკვეთის ღონისძიების სახით პატიმრობა შეუფარდა. მას ბრალი წარედგენა სსკ-ის სამი მუხლით - „ტერორისტული აქტი“, „ტერორისტული მიზნით ადამიანების მძევლად აყვანა“ და „ცეცხლსასროლი იარაღისა და საბრძოლო მასალის მართლსაწინააღმდეგო შეძენა-შენახვა-ტარება“.
„დღეისათვის არსებული ინფორმაციით, დანაშაულში სხვა პირის მონაწილეობა არ გამოვლენილა“, – განაცხადა ჩხარტიშვილმა.
მისი თქმით, პროკურატურა არ გეგმავს იარაღის ნაწილში საქმის კვალიფიკაციის შეცვლას.
„იარაღის და ასაფეთქებელი ნივთიერებების ექსპერტიზა უკვე ჩატარდა და ამ ნაწილში საქმე არ გადაკვალიფიცირდება“, – განაცხადა ჩხარტიშვილმა.
მისი თქმით, ამ ეტაპზე გამოძიებისთვის უცნობია, სად იშოვა ნარსიამ იარაღი. ამასთან, საოლქო პროკურორმა არ გამორიცხა მთლიანობაში საქმის გადაკვალიფიცირება.
„გამოძიება საწყის ეტაპზეა და გამორიცხული არაფერია“, – განაცხადა ჩხარტიშვილმა ჟურნალისტებთან.
ბრალის დამტკიცების შემთხვევაში ნარსიას 10-დან 15 წლამდე ვადით პატიმრობა ემუქრება.
გამოძიების ცნობით, 20 სექტემბერს, 11:15 საათზე სამხედრო უნიფორმით, ნიღბით და ხელთათმანებით შემოსილი პირი, რომელიც იყო შეიარაღებული ხელყუმბარით, კუსტარულად გადაკეთებული ცეცხლსასროლი იარაღითა და საბრძოლო ვაზნებით, დანით, ხელნაკეთი იმიტირებული ასაფეთქებელი მოწყობილობით, ქუთაისში, „საქართველოს ბანკის“ ერთ-ერთ სერვის-ცენტრში შეიჭრა და იქ მყოფი მოქალაქეების შესაშინებლად იარაღი გაისროლა.
მან შენობაში მყოფ მოქალაქეებს სიცოცხლის მოსპობის მუქარით მისი მითითებების შესრულება მოსთხოვა. ბანკის ცენტრალურ კარებზე იმიტირებული ასაფეთქებელი მოწყობილობა დაამაგრა, რომლის მსგავსი ნივთიც ასევე დამაგრებული ჰქონდა სხეულზე.
თავდამსხმელის ბანკში შეჭრისთანავე რამდენიმე ადამიანმა შენობის დატოვება მოახერხა, ხოლო შენობაში დარჩენილი 13 ადამიანი ბრალდებულმა მძევლად აიყვანა. მან მძევლები ძალადობის მუქარით სერვის-ცენტრის ერთ სივრცეში შეკრიბა და მოითხოვა დაკავშირებოდნენ პოლიციას, ბანკის ხელმძღვანელობას, ასევე სოციალური ქსელის გამოყენებით ჩაერთოთ პირდაპირი ეთერი, რათა საზოგადოებას ბანკზე თავდასხმის შესახებ ინფორმაცია ჰქონოდა.
ხელისუფლების წარმომადგენლებთან კავშირის დამყარების შემდეგ თავდამსხმელმა მოითხოვა 2 მილიონი აშშ დოლარი, ვერტმფრენი, მიკროავტობუსი, რუსეთის ფედერაციის სახელმწიფო დროშა და ანკესი.
მოთხოვნების შეუსრულებლობის და მძევლების გამოსახსნელად სპეცოპერაციის ჩატარების შემთხვევაში ბრალდებული საბრძოლო მდგომარეობაში მოყვანილი ხელყუმბარის აფეთქებით და მძევლების სიცოცხლის მოსპობით იმუქრებოდა, ნათქვამია საქმის მასალებში.
რამდენიმე საათის შემდეგ, პოლიციის ჩართულობით ბანკის შენობიდან ხუთი მძევლის გამოყვანა მოხერხდა, ხოლო 19:36 საათზე სამართალდამცველებმა, გაწეული წინააღმდეგობის მიუხედევად, თავდამსხმელი ბანკის სერვის-ცენტრში დააკავეს, რის შემდეგაც ყველა მძევალი უვნებლად გაათავისუფლეს.
