საქართველოს ერთ-ერთ ციხეში პატიმრებმა მასობრივი შიმშილობა გამოაცხადეს

© photo: Sputnik / Stringerრუსთავის ციხე
რუსთავის ციხე - Sputnik საქართველო, 1920, 26.08.2022
გამოწერა
НовостиTelegram
შიმშილობის მიზეზად სახელდება არსებული სარეჟიმო პირობები და არასაკმარისი სამედიცინო მომსახურება.
თბილისი, 25 აგვისტო – Sputnik. გარდაბნის მუნიციპალიტეტის სოფელ მთისძირში მდებარე №6 პენიტენციურ დაწესებულებაში 75 მსჯავრდებული შიმშილობს, ნათქვამია სპეციალური პენიტენციური სამსახურის განცხადებაში.
„მოშიმშილე მსჯავრდებულები იმყოფებიან ჯანმრთელობის ყოველდღიური მონიტორინგისა და სამედიცინო პერსონალის განსაკუთრებული მეთვალყურეობის ქვეშ“, - აღნიშნულია განცხადებაში.
სამსახურის ინფორმაციით, შიმშილობის მიზეზად სახელდება არსებული სარეჟიმო პირობები და არასაკმარისი სამედიცინო მომსახურება.
„N6 პენიტენციური დაწესებულება არის დახურული ტიპის დაწესებულება, რომელშიც განთავსებულნი არიან მაღალი და მომეტებული რისკის მქონე პატიმრები“, - ნათქვამია განცხადებაში.
რისკის სტატუსი მსჯავრდებულს ენიჭება დანაშაულის სიმძიმის და ახალი დანაშაულის ჩადენის რისკის, ასევე მის მიერ ციხის შინაგანაწესის დაცვის გათვალისწინებით.
გარდა ამისა, სამსახური აღნიშნავს, რომ სამედიცინო პერსონალი მსჯავრდებულებს 24 საათიან რეჟიმში უწევს სამედიცინო მომსახურებას. საჭიროებისამებრ, ისინი უზრუნველყოფილნი არიან სამოქალაქო სექტორის კლინიკებიდან მოწვეული ვიწრო პროფილის ექიმ-სპეციალისტების კონსულტაციითაც. გეგმური სტაციონარული მომსახურებისთვის, ჯანმრთელობის მდგომარების ობიექტური შეფასების საფუძველზე, რეგისტრირდებიან რეფერალთა ელექტრონულ ბაზაში და რიგითობის მიხედვით მიეწოდებათ შესაბამისი სამედიცინო სერვისები, გადაუდებელ შემთხვევაში - დაუყოვნებლივ, ნათქვამია განცხადებაში.
ფსიქიატრიულ კლინიკაში დაჭრილი პატიმარი გარდაიცვალა >>
როგორ სამსახური აღნიშნავს, ბოლო ერთი თვის განმავლობაში აღნიშნული დაწესებულებიდან 21 მსჯავრდებულს გაეწია სამედიცინო მომსახურეობა დაწესებულების გარეთ.
მანამდე ტელეკომპანია „მთავარმა არხმა“ ამ დაწესებულების პატიმრების წერილი გაავრცელა, სადაც ნათქვამია, რომ პატიმრები გაუსაძლის პირობებში იმყოფებიან და მათი უფლებები მუდმივად ირღვევა. პენიტენციურ სამსახურში წერილს „რეალობის უხეში დამახინჯება" უწოდეს და აღნიშნეს, რომ პატიმრებს ერთობლივი წერილის გაგზავნა არ შეუძლიათ, რადგან არ აქვთ უფლება ერთმანეთს ფიზიკურად შეხვდნენ და გაცვალონ კორესპონდენცია/ინფორმაცია.
ყველა ახალი ამბავი
0