თუ წნევა დაგივარდათ: ხუთი მარტივი ხერხი, რაც სწრაფად გიშველით

CC BY-SA 2.0 / Quinn Dombrowski / Disposable blood pressure cuffწნევის გაზომვა
წნევის გაზომვა  - Sputnik საქართველო, 1920, 24.08.2022
გამოწერა
თბილისი, 24 აგვისტო — Sputnik. დაბალი წნევა (ჰიპოტონია) შეიძლება სერიოზული დაავადებებისა თუ სხვა ფარული მიზეზების სიმპტომი იყოს, აცხადებენ ექიმები.
სპეციალისტების თქმით, ადამიანს ჰიპოტონია აქვს, თუ წნევის მაჩვენებელი 90/60-ზე დაბალია.
მედიკოსების განმარტებით, ჰიპოტონიას, როგორც წესი, თან ახლავს: ძილიანობა, თავბრუსხვევა, მოდუნება, გულის რიტმის დარღვევა, მხედველობის დაბინდვა, გულისრევა, ოფლიანობა, კონცენტრაციის დაქვეითება.
რაც შეეხება გამომწვევ მიზეზებს, უმეტეს შემთხვევებში ჰიპოტონია გულ-სისხლძარღვთა პათოლოგიის, ასევე თირკმელების დაავადებისას ჩნდება. სწორედ ამიტომ გამუდმებული დაბალი წნევის დროს პირველ რიგში სწორედ ეს დაავადებები უნდა გამოირიცხოს.
არ გამოტოვოთ: ექვსი მიუტევებელი შეცდომა წნევის გაზომვისას - სავალდებულოა იცოდეთ!
თუ პათოლოგიები გამოირიცხება, ექიმმა პაციენტი ვიტამინებისა და მინერალური ნივთიერებების დეფიციტზე უნდა შეამოწმოს, რადგან ძალიან ხშირად ჰიპოტონიის მიზეზი რკინისა და ფტოლატების ნაკლებობაა.
ამასთან უნდა შემოწმდეს ფარისებრი ჯირკვალიც. მისი ჰორმონების ნაკლებობა ასევე შეიძლება იყოს დაბალი წნევის მიზეზი.
ჰიპოტონია ასევე შეიძლება გაჩნდეს რეგულარული უძილობისა და ქრონიკული სტრესის ფონზე.

როგორ მოვიყვანოთ ნორმაში დაბალი წნევა

ექიმების თქმით, აუცილებლად გასათვალისწინებელია ის, რომ 90/60 ნორმალური რიცხვებია და ეს მაჩვენებელი ჰიპოტონიად არ მიიჩნევა. თუ ადამიანი დაბალი წნევის შემთხვევაში თავს ნორმალურად გრძნობს, ე.ი. ეს მისი ორგანიზმის თავისებურებაა და ტონობით შავი შოკოლადის ჭამა საჭირო არ არის.
არ გამოტოვოთ: აუცილებლად გაიზომეთ წნევა ორივე ხელზე - ეს უკიდურესად მნიშვნელოვანია
ხოლო თუ დაბალი წნევა დისკომფორტს გიქმნით, უპირველესად ექიმთან უნდა წახვიდეთ, გამომწვევი მიზეზი დაადგინოთ და პრობლემა აღმოფხვრათ. მაგრამ სანამ ექიმთან მიხვალთ, წნევის მალე ასაწევად შეგიძლიათ „შინაურული“ მეთოდებიც გამოიყენოთ, რომლებსაც აქვე გთავაზობთ.

შეჭამეთ რაიმე მარილიანი

მაგალითად კიტრის მწნილი ან მარილიანი ყველი. ნატრიუმის ქლორიდი (ანუ სუფრის მარილი) არტერიულ წნევას მაღლა სწევს — ზოგჯერ ძალიან მკვეთრადაც, ამიტომაც ეკრძალებათ ჰიპერტონიკებს მარილიანი საკვები.
დაიმახსოვრეთ: არ შეიძლება დავარდნილი წნევის მუდმივად მარილიანი საკვებით აწევა. ამან შესაძლოა გულის უკმარისობაც კი გამოიწვიოს, მით უმეტეს, თუ საქმე ასაკოვან ადამიანთან გვაქვს!
არ გამოტოვოთ: არტერიული წნევა — ნორმალური დონე ასაკის მიხედვით და დარეგულირების უეფექტურესი რეცეპტი

დალიეთ რამდენიმე ჭიქა წყალი

დათვალეთ ჩვეულებრივად რამდენ წყალს სვამთ დღის განმავლობაში და 1,5-ჯერ გაზარდეთ ეს მოცულობა.

ჩაიცვით კომპრესიული წინდები

როგორც წესი, ასეთ წინდებსა და გოლფებს ვარიკოზული ვენების დროს იცვამენ ტკივილებისა და შეშუპებების მოსახსნელად. კომპრესიული წინდების მეშვეობით ფეხებიდან განდევნილი სისხლი ორგანიზმის ძირითად სისხლძარღვებში წნევის მატებას იწვევს.

მიიღეთ სწორი პოზა

ეს მეთოდი კომპრესიული წინდების ერთგვარი ალტერნატივაა:
თუ ზიხართ, ფეხი ფეხზე გადაიდეთ — ასე ქვედა კიდურებში სისხლის მოცულობას შეამცირებთ და მთავარ სისხლძარღვებში წნევა მოიმატებს. სხვათა შორის, სწორედ ამიტომაა ეს პოზა უკუჩვენებითი ჰიპერტონიკებისთვის.
თუ დგახართ, ფეხები ისე გადააჯვარედინეთ, რომ ბარძაყები მჭიდროდ შეატყუპოთ და ძლიერად მიაჭიროთ ერთმანეთს. ეფექტი იგივე იქნება.
კიდევ ერთი ვარიანტი: დადგით ერთი ფეხი სკამზე და რაც შეიძლება ღრმად გადაიხარეთ წინ მთელი სხეულით.

დალიეთ ყავა

მართალია, ეს ერთ-ერთი ყველაზე პოპულარული მეთოდია, მაგრამ ეფექტური მხოლოდ მათთვისაა, ვინც ყავას იშვიათად სვამს. „ყავომანებს“ ეს ნაკლებად ან საერთოდ არ უშველის.
ყველა ახალი ამბავი
0