მსოფლიო ხელისგულზე - Sputnik საქართველო, 1920
მსოფლიო დღეს
მსოფლიოში მიმდინარე უახლესი ახალი ამბები, მსოფლიოს წინაშე მდგარი გამოწვევები, აქტუალური თემები, მიმოხილვა და ანალიზი იხილეთ Sputnik საქართველოს ვებგვერდზე.

დიპლომატიური ურთიერთობების აღდგენა ისრაელსა და თურქეთს შორის: ჰერცოგმა კომენტარი გააკეთა

© photo: Sputnik / Vitaliy Belousov / გადასვლა მედიაბანკშიიცხაკ ჰერცოგი
იცხაკ ჰერცოგი - Sputnik საქართველო, 1920, 18.08.2022
გამოწერა
НовостиTelegram
თბილისი, 18 აგვისტო — Sputnik. თელ-ავივი მიესალმება ისრაელისა და თურქეთის მიერ ორ ქვეყანას შორის დიპლომატიური ურთიერთობების სრულად აღდგენას, რის თაობაზეც შეთანხმება უკვე მიღწეულია, განაცხადა ისრაელის პრეზიდენტმა იცხაკ ჰერცოგმა.

„ძალიან ვაფასებ თურქეთთან დიპლომატიური ურთიერთობების სრულად აღდგენას. ეს მნიშვნელოვანი მოვლენაა, რომელიც გასულ წელს დავიწყეთ და რომელიც ხელს შეუწყობს ეკონომიკური ურთიერთობების გაუმჯობესებას, ორმხრივი ტურიზმის განვითარებას და ისრაელისა და თურქი ხალხის მეგობრობას“, — დაწერა ჰერცოგმა სოციალურ ქსელში.

მისი თქმით, ისრაელი დიდ მნიშვნელობას ანიჭებს ახლო აღმოსავლეთში კეთილმეზობლური ურთიერთობების დამყარებას და პარტნიორულ სულისკვეთებას.
იცხაკ ჰერცოგი დარწმუნებულია, რომ ყველა რელიგიის წარმომადგენლებს, მათ შორის მუსლიმებს, ებრაელებსა და ქრისტიანებს, „შეუძლიათ და უნდა იცხოვრონ ერთად და მშვიდობიანად“.
მანამდე თურქეთის საგარეო საქმეთა მინისტრმა მევლუთ ჩავუშოღლუმ გაავრცელა განცხადება, რომ ანკარამ ისრაელში ელჩის დანიშვნა გადაწყვიტა, რომლის კანდიდატურასაც მალე წარუდგენენ ქვეყნის პრეზიდენტს.
ისრაელსა და თურქეთს შორის ურთიერთობა მკვეთრად გაუარესდა 2010 წელს, როცა ისრაელის სპეცრაზმმა თურქეთიდან ღაზის სექტორში შესული გემი Mavi Marmara დაიპყრო. 2018 წლის მაისში ანკარამ თურქეთში ისრაელის ელჩს ქვეყნის დატოვება მოსთხოვა იმ საპროტესტო აქციების ფონზე, რომლებიც ისრაელის დაარსებიდან 70 წლის იუბილეს და აშშ-ის საელჩოს თელ-ავივიდან იერუსალიმში გადატანას მოჰყვა ღაზის სექტორში. მაშინდელ შეტაკებებში 59 პალესტინელი დაიღუპა, 2,7 ათასზე მეტი კი დაშავდა.
ყველა ახალი ამბავი
0