მსოფლიო ხელისგულზე - Sputnik საქართველო, 1920
მსოფლიო დღეს
მსოფლიოში მიმდინარე უახლესი ახალი ამბები, მსოფლიოს წინაშე მდგარი გამოწვევები, აქტუალური თემები, მიმოხილვა და ანალიზი იხილეთ Sputnik საქართველოს ვებგვერდზე.

ჩინეთი შეერთებულ შტატებთან რიგ მიმართულებებზე თანამშრომლობას აჩერებს

© photo: Sputnik / Мария Плотникова / ფოტობანკში გადასვლაპეკინი
პეკინი - Sputnik საქართველო, 1920, 05.08.2022
გამოწერა
Yandex newsTelegram
პეკინმა ნენსი პელოსის ტაივანზე ვიზიტის საპასუხოდ ზომების მიღება დაიწყო.
თბილისი, 5 აგვისტო – Sputnik. ჩინეთის ხელისუფლებამ აშშ-თან კლიმატის ცვლილებების საკითხზე მოლაპარაკებები შეაჩერა. ამის მიზეზია აშშ-ის წარმომადგენელთა პალატის სპიკერის ნენსი პელოსის ტაივანზე ჩასვლა, განაცხადეს ჩინეთის საგარეო საქმეთა სამინისტროში.
განცხადებაში აღნიშნულია, რომ პელოსი ვიზიტით ტაივანს მაინც ეწვია, მიუხედავად ჩინეთის მხრიდან პროტესტისა.
განცხადებაში ასევე აღნიშნულია, რომ ჩინეთი შეაჩერებს თანამშრომლობას შეერთებულ შტატებთან სამშობლოში არალეგალური ემიგრანტების დაბრუნების საკითხზე, სისხლის სამართლებრივი დახმარების საკითხზე, ტრანსნაციონალურ დანაშაულთან ბრძოლაში, ნარკოტიკების კონტროლის სფეროში.
პელოსის ვიზიტი 1997 წლის შემდეგ ამერიკელი მაღალჩინოსნის პირველი ვიზიტია კუნძულზე. აშშ-ის ადმინისტრაციამ, რომელიც ჩინეთმა გააფრთხილა, რომ „ცეცხლს ეთამაშება“, დაარწმუნა პეკინი, რომ არ გადაუხვევს „ერთი ჩინეთის“ პოლიტიკას, მაგრამ დისტანცირებულია ვიზიტისგან. აშშ-ის ადმინისტრაციაში აღნიშნეს, რომ სპიკერი გადაწყვეტილებას დამოუკიდებლად იღებს.
შედეგად – ვიზიტი ტაივანის სრუტეში დაძაბულობის ახალი კერის ბიძგი გახდა. გარდა სამხედრო წვრთნების გამოცხადებისა 4–7 აგვისტოს, პეკინმა სანქციები დააწესა ტაივანის ორი ფონდის წინააღმდეგ, შეაჩერა ბუნებრივი ქვიშის ექსპორტი კუნძულზე და ტაივანის ციტრუსებისა და თევზის ზოგიერთი სახეობის ექსპორტი.
ნენსი პელოსი - Sputnik საქართველო, 1920, 05.08.2022
მსოფლიო დღეს
ჩინეთი ნენსი პელოსისა და მისი ნათესავების წინააღმდეგ სანქციებს დააწესებს
ჩინეთის საგარეო უწყებამ განაცხადა, რომ ქვეყანა მტკიცე და მკაცრი ზომების მიიღებას აპირებს; ასევე აღნიშნა, რომ ვიზიტის ყველა ნეგატიურ შედეგზე, რომელსაც პეკინი რამდენიმე თვე ეწინააღმდეგებოდა, პასუხისმგებლობა ვაშინგტონსა და ტაიბეის ეკისრება.
ყველა ახალი ამბავი
0