„ტყუილია“ – კობახიძე ელჩის მიმართ შესაძლო ფარულ თვალთვალზე

© Government of Georgiaირაკლი კობახიძე
ირაკლი კობახიძე - Sputnik საქართველო, 1920, 01.08.2022
გამოწერა
Yandex newsTelegram
დეგნანი მწვავე კრიტიკის ობიექტი გახდა როგორც მმართველი პარტიის ლიდერების, ისე იმ დეპუტატების მხრიდან, რომლებმაც „ქართული ოცნება“ დატოვეს.
თბილისი, 1 აგვისტო – Sputnik. მმართველი პარტია „ქართული ოცნების“ თავმჯდომარე ირაკლი კობახიძემ ტყუილი უწოდა ინფორმაციას საქართველოში აშშ–ის ელჩის კელი დეგნანის შესაძლო ფარულ თვალთვალზე.
ოპოზიციური ტელეარხი „პირველის“ ეთერში გამოცხადდა ინფორმაცია იმის თაობაზე, რომ სპეცსამსახურების თანამშრომლები უკანონოდ უთვალთვალებენ ამერიკის ელჩს. ტელეარხის ინფორმაციით, საუბარია სუსიდან მიღებულ ხუთ ფაილზე – ორ ფოტოზე, ორ ვიდეოზე და ოპერატიული ინფორმაციის შემცველ კიდევ ერთ ფაილზე.
„ტყულია, ტყუილი“, – განუცხადა ჟურნალისტებს ირაკლი კობახიძემ.
ჟურნალისტის კითხვაზე, თუ საიდან აქვს ეს ინფორმაცია მას, რამდენადაც არსებობს ფარული მიყურადების დამადასტურებელი დოკუმენტები, კობახიძემ უპასუხა: „მე ვიცი“.
„აი, მე ვიცი, რომ ტყუილია“, – განაცხადა კობახიძემ.
კელი დეგნანი მწვავე კრიტიკის ობიექტი გახდა მმართველი პარტიის ლიდერების და ასევე იმ დეპუტატების მხრიდან, რომლებმაც „ქართული ოცნება“ დატოვეს. ესენი არიან სოზარ სუბარი, დიმიტრი ხუნდაძე და მიხეილ ყაველაშვილი.
მდინარაძე: არ დაუსვა კითხვები აშშ-ის ელჩს - ეს მონური ფსიქოლოგიაა>>
აშშ–ის ელჩს ბრალად დებენ საქართველოს სასამართლო ხელისუფლებაზე ზეწოლაში. კერძოდ, „მთავარი არხის“ დამფუძნებლის, ნიკა გვარამიას საქმეზე, ასევე „ქართული ოცნების“ დამფუძნებელ ბიძინა ივანიშვილზე ზეწოლაში, რომელთანაც პირადი შეხვედრისას დეგნანი მისგან თითქოსდა „რაღაცას ითხოვდა“.
ივანიშვილმა გასულ კვირაში დაარღვია დუმილი და გამოაქვეყნა წერილი, რომელშიც დაადასტურა, რომ ნამდვილად შეხვდა 21 მარტს კელი დეგნანს მისივე ინიციატივით და შეხვედრა 3 საათი გაგრძელდა.
ივანიშვილს არაფერი უთქვამს შეხვედრის დროს განხილულ საკითხებზე.
ყველა ახალი ამბავი
0