ბიძინა ივანიშვილმა დუმილი დაარღვია

© courtesy of Georgian Dreamბიძინა ივანიშვილი
ბიძინა ივანიშვილი - Sputnik საქართველო, 1920, 27.07.2022
გამოწერა
Yandex newsTelegram
თბილისი, 27 ივლისი — Sputnik. მმართველი პარტია „ქართული ოცნება - დემოკრატიული საქართველოს“ დამფუძნებელმა ბიძინა ივანიშვილმა უარყო გავრცელებული ინფორმაცია იმის თაობაზე, რომ იგი ქვეყანას კულისებიდან მართავს.
ივანიშვილი მორიგ ჯერზე პოლიტიკიდან 2021 წლის იანვარში წავიდა, თუმცა ოპოზიცია მუდმივად ამტკიცებს, რომ ქვეყანაში რეალური ძალაუფლება დღემდე მის ხელშია. მსგავს მოსაზრებას იზიარებს ევროპარლამენტის დეპუტატების უმრავლესობა – სწორედ ევროპარლამენტმა გამოაქვეყნა 9 ივლისს საქართველოსთან დაკავშირებით კრიტიკული რეზოლუცია, სადაც ერთ-ერთ პუნქტში „დეოლიგარქიზაციაა“ ნახსენები, რაშიც ბიძინა ივანიშვილი იგულისხმება.

„უკვე წელიწადნახევარი გავიდა მას შემდეგ, რაც საზოგადოებას პოლიტიკიდან ჩემი გასვლის გადაწყვეტილების შესახებ ვაცნობე და მას შემდეგ ჩემივე გადაწყვეტილებას სრულად ვიცავდი და ვიცავ“, – ნათქვამია ივანიშვილის განცხადებაში.

მისი განცხადებით, მთელი ეს პერიოდი მან მხოლოდ ერთადერთი საჯარო განცხადება გამოაქვეყნა და „ისიც მხოლოდ იმისთვის, რომ ჩემი სახელით სპეკულირების საშუალება არავისთვის მიმეცა“.
„არ მინდოდა პოლიტიკურ პროცესებზე არათუ მე, თუნდაც ჩემს ფაქტორს რაიმე გავლენა ჰქონოდა და საჯარო სივრციდან ჩემი სრული დისტანცირების მიზეზი სწორედ ეს იყო და არის“, – დაწერა ივანიშვილმა.
ყველა ახალი ამბავი
0