https://sputnik-georgia.com/20220727/ivanishvili-credit-suissetan-sasamartlo-davaze-gancxadebas-aketebs-268923464.html
ივანიშვილი Credit Suisse-თან პრობლემებს საქართველოში მიმდინარე მოვლენებს უკავშირებს
ივანიშვილი Credit Suisse-თან პრობლემებს საქართველოში მიმდინარე მოვლენებს უკავშირებს
Sputnik საქართველო
ბიძინა ივანიშვილის განცხადებით, აღნიშნულ საქმეზე შედარებით დეტალურ განმარტებებს მისი ადვოკატი მომავალშიც გააკეთებს. 27.07.2022-ს, Sputnik საქართველო
2022-07-27T13:49+0400
2022-07-27T13:49+0400
2022-07-27T21:26+0400
საქართველო
ბიძინა ივანიშვილი
პოლიტიკა საქართველოში
საზოგადოება
ახალი ამბები
https://cdnn1.img.sputnik-georgia.com/img/24270/51/242705177_0:72:2000:1197_1920x0_80_0_0_3c9dd705454d616c1bbe9446acd4a72e.jpg
თბილისი, 27 ივლისი — Sputnik. შვეიცარიულ ბანკ Credit Suisse-თან პრობლემები და საქართველოში მიმდინარე მოვლენები ერთმანეთთან კავშირშია, თუმცა არ მინდა ეს პრობლემა საზოგადოებას ზედმეტად თავს მოვახვიო, ნათქვამია საქართველოს ყოფილი პრემიერ-მინისტრ ბიძინა ივანიშვილის განცხადებაში.ივანიშვილი უჩივის როგორც უშუალოდ Credit Suisse-ს, ისე ამ ბანკის მიერ დაფუძნებულ სატრასტო ფონდ Green Vals Trust-ს. პირველ შემთხვევაში საქმე ეხება თაღლითური ოპერაციების შედეგად მისი სადაზღვევო სქემიდან 400 მილიონი დოლარის გაქრობას, მეორე საქმე ეხება Green Vals Trust-ის უარს – გადაიხადოს ბენეფიციარების მიერ მოთხოვნილი თანხები.ექს-პრემიერის თქმით, გამომდინარე იქიდან, რომ საქართველომ პრაქტიკულად გადალახა რთული პერიოდი და „ომის უშუალო საფრთხე გადაიარა“, მას ურჩევნია შვეიცარიულ ბანკთან ურთიერთობა „საკუთარ პირად პრობლემად დატოვოს“.ამასთან, ივანიშვილის თქმით, უკვე მნიშვნელობა არ აქვს, თუ რაზე გეგმავდა შვეიცარიული ბანკის მიერ გაყინული თანხების დახარჯვას – პირადი მიზნებისთვის თუ საზოგადოებრივი საჭიროებისთვის.ბიძინა ივანიშვილმა დუმილი დაარღვია>>>„მირჩევნია ბანკის მიერ შექმნილი პრობლემა საზოგადოებამ ყველა შემთხვევაში ჩემ პირად პრობლემად განიხილოს“, – განაცხადა ივანიშვილმა.მმართველი პარტიის დამფუძნებლის განმარტებით, შედარებით დეტალურ განმარტებებს აღნიშნულ საქმეზე მისი ადვოკატი აკეთებდა და მომავალშიც ის გააკეთებს.„ჩემთვის მთავარია, რომ საქართველომ შეძლოს ურთულესი ვითარებიდან საბოლოოდ სათანადოდ გამოსვლა და მშვიდობის შენარჩუნება, ჩემ პირად საკითხზე კი მე თავად ვიზრუნებ და ამ პრობლემით საზოგადოების ზედმეტად დატვირთვას არ შევეცდები“, – ნათქვამია ივანიშვილის განცხადებაში.სატრასტო ფონდმა დაგვიანების საბაბად დაასახელა „გეოპოლიტიკური ვითარება აღმოსავლეთ ევროპაში“. რაც შეეხება თავად Credit Suisse-ს, ივანიშვილმა ბერმუდის კუნძულების სასამართლოში მოიგო საქმე ბანკის წინააღმდეგ 500 მლნ დოლარზე, მაგრამ ბანკმა აპელაცია შეიტანა.ივანიშვილის საბანკო დავაროგორც ადრე ივანიშვილის ადვოკატებმა განაცხადეს, 5 ივლისს ბანკმა ივანიშვილს წერილი გაუგზავნა, რომელშიც საუბარია ევროპარლამენტის რეზოლუციაზე და აღნიშნულია, რომ ამ გადაწყვეტილებით ბანკს გარკვეული ვალდებულებები დაეკისრა და სატრასტო ფონდი სასამართლოს თანხმობის გარეშე თანხის გადახდას არ განახორციელებს.Credit Suisse ივანიშვილისთვის პრობლემების შექმნით საკუთარ თავს აზიანებს: კობახიძე>>>ბიძინა ივანიშვილმა Credit Suisse-ს ხუთი წლის წინ უჩივლა. რუსეთში არსებული საკუთარი აქტივების ორ ეტაპად – 2005 და 2011 წლებში გაყიდვის შემდეგ მან მიღებული თანხა ბანკში განათავსა. საუბარია 755 მილიონი აშშ დოლარის მოცულობის დეპოზიტზე. 2015 წელს ივანიშვილმა აღმოაჩინა, რომ ბანკის მოხელე ლესკოდრონის თაღლითური ოპერაციების შედეგად მისი სადაზღვევო სქემიდან 400 მილიონი დოლარი გაქრა.ლესკოდრონის წინააღმდეგ თაღლითობის საქმე 2016 წელს გაიხსნა. მოგვიანებით მან აღიარა, რომ სხვა კლიენტების ანგარიშებიდან ფარულად ანაზღაურებდა დანაკარგს, რომელსაც მისი კლიენტები მისივე მცდარი საინვესტიციო გადაწყვეტილებების შედეგად განიცდიდნენ. თავად Credit Suisse ამტკიცებდა, რომ არაფერი იცოდა მენეჯერის მოქმედებების შესახებ.2018 წელს ლესკოდრონს თაღლითობისთვის 5 წლით თავისუფლების აღკვეთა მიუსაჯეს. 2020 წელს მან თავი მოიკლა.
საქართველო
Sputnik საქართველო
media@sputniknews.com
+74956456601
MIA „Rossiya Segodnya“
2022
Sputnik საქართველო
media@sputniknews.com
+74956456601
MIA „Rossiya Segodnya“
ახალი ამბები
ka_KA
Sputnik საქართველო
media@sputniknews.com
+74956456601
MIA „Rossiya Segodnya“
Sputnik საქართველო
media@sputniknews.com
+74956456601
MIA „Rossiya Segodnya“
საქართველო, ბიძინა ივანიშვილი , პოლიტიკა საქართველოში, საზოგადოება, ახალი ამბები
საქართველო, ბიძინა ივანიშვილი , პოლიტიკა საქართველოში, საზოგადოება, ახალი ამბები
ივანიშვილი Credit Suisse-თან პრობლემებს საქართველოში მიმდინარე მოვლენებს უკავშირებს
13:49 27.07.2022 (განახლებულია: 21:26 27.07.2022) ბიძინა ივანიშვილის განცხადებით, აღნიშნულ საქმეზე შედარებით დეტალურ განმარტებებს მისი ადვოკატი მომავალშიც გააკეთებს.
თბილისი, 27 ივლისი — Sputnik. შვეიცარიულ ბანკ Credit Suisse-თან პრობლემები და საქართველოში მიმდინარე მოვლენები ერთმანეთთან კავშირშია, თუმცა არ მინდა ეს პრობლემა საზოგადოებას ზედმეტად თავს მოვახვიო, ნათქვამია საქართველოს ყოფილი პრემიერ-მინისტრ ბიძინა ივანიშვილის განცხადებაში.
ივანიშვილი უჩივის როგორც უშუალოდ Credit Suisse-ს, ისე ამ ბანკის მიერ დაფუძნებულ სატრასტო ფონდ Green Vals Trust-ს. პირველ შემთხვევაში საქმე ეხება თაღლითური ოპერაციების შედეგად მისი სადაზღვევო სქემიდან 400 მილიონი დოლარის გაქრობას, მეორე საქმე ეხება Green Vals Trust-ის უარს – გადაიხადოს ბენეფიციარების მიერ მოთხოვნილი თანხები.
„რაც შეეხება ჩემს პირად პრობლემას, რომელიც შვეიცარიულ ბანკთან ურთიერთობაში წარმოიშვა და დღესაც აქტუალურია, მიმაჩნია, რომ საქართველოში მიმდინარე პროცესებთან მას პირდაპირი კავშირი აქვს“, – დაწერა ივანიშვილმა.
ექს-პრემიერის თქმით, გამომდინარე იქიდან, რომ საქართველომ პრაქტიკულად გადალახა რთული პერიოდი და „ომის უშუალო საფრთხე გადაიარა“, მას ურჩევნია შვეიცარიულ ბანკთან ურთიერთობა „საკუთარ პირად პრობლემად დატოვოს“.
ამასთან, ივანიშვილის თქმით, უკვე მნიშვნელობა არ აქვს, თუ რაზე გეგმავდა შვეიცარიული ბანკის მიერ გაყინული თანხების დახარჯვას – პირადი მიზნებისთვის თუ საზოგადოებრივი საჭიროებისთვის.
„მირჩევნია ბანკის მიერ შექმნილი პრობლემა საზოგადოებამ ყველა შემთხვევაში ჩემ პირად პრობლემად განიხილოს“, – განაცხადა ივანიშვილმა.
მმართველი პარტიის დამფუძნებლის განმარტებით, შედარებით დეტალურ განმარტებებს აღნიშნულ საქმეზე მისი ადვოკატი აკეთებდა და მომავალშიც ის გააკეთებს.
„ჩემთვის მთავარია, რომ საქართველომ შეძლოს ურთულესი ვითარებიდან საბოლოოდ სათანადოდ გამოსვლა და მშვიდობის შენარჩუნება, ჩემ პირად საკითხზე კი მე თავად ვიზრუნებ და ამ პრობლემით საზოგადოების ზედმეტად დატვირთვას არ შევეცდები“, – ნათქვამია ივანიშვილის განცხადებაში.
სატრასტო ფონდმა დაგვიანების საბაბად დაასახელა „გეოპოლიტიკური ვითარება აღმოსავლეთ ევროპაში“. რაც შეეხება თავად Credit Suisse-ს, ივანიშვილმა ბერმუდის კუნძულების სასამართლოში მოიგო საქმე ბანკის წინააღმდეგ 500 მლნ დოლარზე, მაგრამ ბანკმა აპელაცია შეიტანა.
როგორც ადრე ივანიშვილის ადვოკატებმა განაცხადეს, 5 ივლისს ბანკმა ივანიშვილს წერილი გაუგზავნა, რომელშიც საუბარია ევროპარლამენტის რეზოლუციაზე და აღნიშნულია, რომ ამ გადაწყვეტილებით ბანკს გარკვეული ვალდებულებები დაეკისრა და სატრასტო ფონდი სასამართლოს თანხმობის გარეშე თანხის გადახდას არ განახორციელებს.
ბიძინა ივანიშვილმა Credit Suisse-ს ხუთი წლის წინ უჩივლა. რუსეთში არსებული საკუთარი აქტივების ორ ეტაპად – 2005 და 2011 წლებში გაყიდვის შემდეგ მან მიღებული თანხა ბანკში განათავსა. საუბარია 755 მილიონი აშშ დოლარის მოცულობის დეპოზიტზე. 2015 წელს ივანიშვილმა აღმოაჩინა, რომ ბანკის მოხელე ლესკოდრონის თაღლითური ოპერაციების შედეგად მისი სადაზღვევო სქემიდან 400 მილიონი დოლარი გაქრა.
ლესკოდრონის წინააღმდეგ თაღლითობის საქმე 2016 წელს გაიხსნა. მოგვიანებით მან აღიარა, რომ სხვა კლიენტების ანგარიშებიდან ფარულად ანაზღაურებდა დანაკარგს, რომელსაც მისი კლიენტები მისივე მცდარი საინვესტიციო გადაწყვეტილებების შედეგად განიცდიდნენ. თავად Credit Suisse ამტკიცებდა, რომ არაფერი იცოდა მენეჯერის მოქმედებების შესახებ.
2018 წელს ლესკოდრონს თაღლითობისთვის 5 წლით თავისუფლების აღკვეთა მიუსაჯეს. 2020 წელს მან თავი მოიკლა.
