ქუთაისის აეროპორტი რემონტის გამო ორი კვირით დაიკეტება

© photo: Sputnik / Stringerქუთაისის აეროპორტი
ქუთაისის აეროპორტი - Sputnik საქართველო, 1920, 20.07.2022
გამოწერა
Yandex newsTelegram
მიმდინარე სარემონტო სამუშაოებს წლიური გეგმა ითვალისწინებს, რაც აეროპორტის ნორმალური მუშაობის უზრუნველყოფის შემადგენელ ნაწილს წარმოადგენს.
თბილისი, 20 ივლისი – Sputnik. დავით აღმაშენებლის სახელობის ქუთაისის საერთაშორისო აეროპორტი ასაფრენი ბილიკის რემონტთან დაკავშირებით 10–24 ოქტომბრის პერიოდში დაიკეტება, იუწყება საქართველოს აეროპორტების გაერთიანების პრეს-სამსახური.
აეროპორტის 2,5 კილომეტრიანი ასაფრენი ბილიკის გეგმური რემონტი ოქტომბერშია გაწერილი. გაერთიანებამ ტენდერი 8 მლნ ლარზე უკვე გამოაცხადა. რემონტი მთლიანად კომპანიის შემოსავლების ხარჯზე გაკეთდება.

„ქუთაისის აეროპორტის სააეროდრომო ნაწილის რეაბილიტაციისას სარემონტო სამუშაოები ჩაუტარდება ასაფრენ-დასაფრენი ზოლის საძირკვლის ცალკეულ ნაწილს, რისთვისაც საჭირო გახდება აეროპორტის დროებით დახურვა“, – განაცხადა აეროპორტების გაერთიანების დირექტორმა თამარ არჩუაძემ.

მისი თქმით, როგორც მთელ მსოფლიოში, ასევე საქართველოშიც ოპერატორი კომპანიები აეროპორტების ასაფრენ-დასაფრენი ზოლის პერმანენტულ მონიტორინგს ახორციელებენ უსაფრთხოების ზომებიდან გამომდინარე.
„სარემონტო სამუშაოები წლიური გეგმის მიხედვით განხორციელდება, რაც აეროპორტის გამართული ოპერირების შემადგენელი ნაწილია“, – აღნიშნა არჩუაძემ.
ივნისის თვეში ქუთაისის საერთაშორისო აეროპორტში მგზავრთნაკადი სრულად აღდგა>>
გაერთიანების ინფორმაციით, დროის ამ მონაკვეთში ფრენები არ შესრულდება, ხოლო ავიაკომპანიები თავად გადაწყვეტენ – განაგრძონ ფრენები სხვა აეროპორტებიდან თუ ორი კვირით შეაჩერონ მუშაობა.
რამდენ მგზავრს მოემსახურა საქართველოს აეროპორტები წლის დასაწყისიდან>>
აეროპორტი მიმდინარე წლის ივნისში 76 ათას მგზავრს მოემსახურა და შეასრულა 198 რეისი 14 ქვეყანაში 25 მიმართულებით. ამ ეტაპზე აეროპორტში ხუთი უცხოური ავიაკომპანია ასრულებს ფრენებს.
ყველა ახალი ამბავი
0