ივნისის თვეში ქუთაისის საერთაშორისო აეროპორტში მგზავრთნაკადი სრულად აღდგა

© Sputnik / STRINGERქუთაისის აეროპორტი
ქუთაისის აეროპორტი - Sputnik საქართველო, 1920, 07.07.2022
გამოწერა
Yandex newsTelegram
ქუთაისის საერთაშორისო აეროპორტში საჰაერო მიმოსვლის დადებითი დინამიკა შენარჩუნებულია.
თბილისი, 7 ივლისი — Sputnik. ქუთაისის დავით აღმაშენებლის სახელობის აეროპორტში 2022 წლის ივნისის თვეში, 2019 წლის ანალოგიურ პერიოდთან შედარებით, მგზავრთნაკადი 100%-ით აღდგა, იუწყება საქართველოს აეროპორტების გაერთიანება.
2022 წლის ივნისში ქუთაისის საერთაშორისო აეროპორტი 76.052 მგზავრს მოემსახურა. 2019 წლის ივნისში კი მათი რაოდენობა 76.208-ს შეადგენდა.
მგზავრთნაკადის გარდა ქუთაისის საერთაშორისო აეროპორტში დადებითი დინამიკაა ავიარეისების რაოდენობის ზრდის კუთხითაც. ივნისში აეროპორტში რეისების რაოდენობა 21%-ით გაიზარდა. აეროპორტი 298 რეისს მოემსახურა, მაშინ, როცა 2019 წლის ივნისში 247 რეისი შესრულდა.
საქართველოს აეროპორტების გაერთიანების ინფორმაციით, ამ ეტაპისთვის ქუთაისის საერთაშორისო აეროპორტში 5 ავიაკომპანია 14 ქვეყნის 25 მიმართულებით ოპერირებს. 1 აგვისტოდან ქუთაისის აეროპორტიდან ფრენები ტალინისა და პარიზის მიმართულებით დაემატება, ხოლო არსებულ 10 მიმართულებაზე სიხშირეები გაიზრდება.
ყველა ახალი ამბავი
0