საქართველო პირველ გლობალურ ახალგაზრდულ ტურისტულ სამიტში მონაწილეობს

© photo: Sputnik / Alexander Imedashviliტურისტები ბათუმის ბოტანიკური ბაღის შესასვლელთან
ტურისტები ბათუმის ბოტანიკური ბაღის შესასვლელთან - Sputnik საქართველო, 1920, 07.07.2022
გამოწერა
Yandex newsTelegram
ახალგაზრდები 60 ქვეყნიდან იტალიის ქალაქ სორენტოში შეიკრიბნენ და ერთმანეთს ტურიზმის განვითარების საკუთარი ხედვა გაუზიარეს.
თბილისი, 7 ივლისი — Sputnik. საქართველომ გაეროს ტურიზმის მსოფლიო ორგანიზაციის პირველ გლობალურ ახალგაზრდულ სამიტში Global Youth Tourism Summit მიიღო მონაწილეობა, იუწყება ტურიზმის ეროვნული ადმინისტრაცია.
გლობალურ ახალგაზრდულ სამიტზე საქართველოს სახელით სვანეთში, უშგულში მცხოვრები 17 წლის გიდი გიორგი ქოჩქიანი წარდგა.
ახალგაზრდები მსოფლიოს 60 ქვეყნიდან იტალიის ქალაქ სორენტოში შეიკრიბნენ და ერთმანეთს ტურიზმის განვითარების საკუთარი ხედვა გაუზიარეს. სამიტზე ახალგაზრდებისთვის სხვადასხვა სახის მასტერ-კლასები ჩატარდა.
ახალგაზრდებს საკუთარი გამოცდილება გაუზიარა სპეციალური სტუმრის და საპატიო ელჩის სტატუსით მოწვეულმა ცნობილმა ფეხბურთელმა დიდიე დროგბამ. ახალგაზრდებს შეხვედრები ჰქონდათ ასევე სხვადასხვა ქვეყნის მინისტრებთან.
საქართველოში კურორტების განვითარების სააგენტო იქმნება>>
სამიტის ფარგლებში მაღალი რანგის მინისტერიალიც გაიმართა, რომელსაც ტურიზმის ეროვნული ადმინისტრაციის ხელმძღვანელის პირველი მოადგილე თამარ ყორიაული დაესწრო.
სამიტი რომის პაპის მისასალმებელი სიტყვით გაიხსნა. დამსწრე საზოგადოებას მიმართა ცნობილმა მსახიობმა სოფი ლორენმა.
ტურისტების რაოდენობა თითქმის ხუთჯერ გაიზარდა - მონაცემები განახლდა>>
ღონისძიების ფარგლებში სადისკუსიო პლატფორმებზე ტურიზმის სექტორის წინაშე არსებული გამოწვევები, სფეროს სტაბილური განვითარების მნიშვნელობა განიხილეს.
ღონისძიება 27 ივნისიდან 3 ივლისის ჩათვლით გაიმართა. სამიტში მონაწილეობა მიიღეს 12-დან 18 წლამდე მოზარდებმა. მათ წარმოადგინეს თავიანთი ხედვა ტურიზმის მომავლის შესახებ.
ყველა ახალი ამბავი
0