https://sputnik-georgia.com/20220621/gvenetaze-saqartvelos-mraval-gamowvevastan-uwevs-gamklaveba-267670136.html
კობა გვენეტაძე: საქართველოს ერთდროულად მრავალ გამოწვევასთან უწევს გამკლავება
კობა გვენეტაძე: საქართველოს ერთდროულად მრავალ გამოწვევასთან უწევს გამკლავება
Sputnik საქართველო
ეროვნული ბანკის გუნდმა მთელი მსოფლიოს წინაშე მდგარი გლობალური გამოწვევების საპასუხოდ ადეკვატური ზომები მიიღო, ამტკიცებს გვენეტაძე. 21.06.2022-ს, Sputnik საქართველო
2022-06-21T11:28+0400
2022-06-21T11:28+0400
2022-06-21T17:08+0400
საქართველოს ეკონომიკა
ახალი ამბები
ეკონომიკა
საქართველო
https://cdnn1.img.sputnik-georgia.com/img/07e6/06/15/267668118_0:0:1800:1014_1920x0_80_0_0_a0d16ca4fdd3294af5b744755e5a2c3b.jpg
თბილისი, 21 ივნისი – Spurnik. ეროვნული ბანკი ყველაფერს გააკეთებს, რათა გლობალური გამოწვევების ზეწოლა მოსახლეობაზე შეამსუბუქოს, განაცხადა საქართველოს ეროვნული ბანკის პრეზიდენტმა კობა გვენეტაძემ.„ინფლაცია გახდა აშკარა საფრთხე მსოფლიოს მრავალი ქვეყნისთვის. საქართველოს, როგორც მცირე ზომის ღია ეკონომიკის მქონე ქვეყანას, არაერთ გამოწვევასთან ერთდროულად გამკლავება უწევს, რაც საბოლოო ჯამში ფასებზე აისახება. ჩვენთვის მნიშვნელოვანია, რომ ჩვენს მოქალაქეებს ესმოდეთ, რომ ეროვნული ბანკის პროფესიონალებით დაკომპლექტებულმა გუნდმა გაატარა ადეკვატური ღონისძიებები იმ გლობალურ გამოწვევებზე საპასუხოდ, რომელთა წინაშეც დღეს მსოფლიო დგას“, – განაცხადა გვენეტაძემ.ეროვნული ბანკი აკეთებს და გააკეთებს ყველაფერს თავისი ბერკეტების გათვალისწინებით, რომ მოსახლეობაზე ინფლაციის ზეწოლა შეამსუბუქოს, დასძინა მან.პირველადი მოხმარების საქონელზე მომხმარებელთა დანახარჯები იზრდება: კვლევა>>თავის მხრივ, მსოფლიო ბანკის რეგიონულმა დირექტორმა სამხრეთ კავკასიაში სებასტიან მოლინეუსმა აღნიშნა, რომ საქართველოს პერსპექტივები ეკონომიკური ზრდის კუთხით ოპტიმისტურია.რაც შეეხება ინფლაციას, მსოფლიო ბანკის პროგნოზით, მისი ზეწოლა გაგრძელდება უკრაინის მოვლენებისა და სანქციების მეორადი ეფექტის გამო.წლიურმა ინფლაციამ (2022 წლის მაისში, გასული წლის მაისთან შედარებით) 13,3% შეადგინა, მიზნობრივი მაჩვენებელია 3%. წელიწადში ფასები გაიზარდა ტრანსპორტზე – 20%, სასტუმროებსა და რესტორნებზე – 12,6%, ჯანდაცვაზე – 2%-ით. მაისში სურსათზე ფასები წლიური 22%-ით გაიზარდა.როდის მიუახლოვდება ინფლაცია მიზნობრივ მაჩვენებელს? ეროვნული ბანკის პასუხი>>საქართველოს ეროვნული ბანკის ინფორმაციით, კორონავირუსის პანდემიამ მსოფლიო ეკონომიკა მრავალი სირთულის წინაშე დააყენა და ამ მხრივ ერთ-ერთი მნიშვნელოვანი ფაქტორია ფასების დაჩქარებული ზრდის ტენდენცია, რომელიც ბოლო დროს პრობლემად რჩება როგორც განვითარებულ, ისე განვითარებად ქვეყნებში.საქართველოს ხელისუფლება ინფლაციის დონის შემცირებას 2022 წლის მეორე ნახევარში ელოდება, განაცხადა ეკონომიკის მინისტრმა ლევან დავითაშვილმა. თუმცა, მისი თქმით, მსოფლიოში მიმდინარე მოვლენებიდან გამომდინარე, პროგნოზირება ძალიან რთულია.
საქართველო
Sputnik საქართველო
media@sputniknews.com
+74956456601
MIA „Rossiya Segodnya“
2022
Sputnik საქართველო
media@sputniknews.com
+74956456601
MIA „Rossiya Segodnya“
ახალი ამბები
ka_KA
Sputnik საქართველო
media@sputniknews.com
+74956456601
MIA „Rossiya Segodnya“
https://cdnn1.img.sputnik-georgia.com/img/07e6/06/15/267668118_123:0:1723:1200_1920x0_80_0_0_48108425ee4d647e0fd2bc9908dde2b4.jpgSputnik საქართველო
media@sputniknews.com
+74956456601
MIA „Rossiya Segodnya“
საქართველოს ეკონომიკა, ახალი ამბები, ეკონომიკა, საქართველო
საქართველოს ეკონომიკა, ახალი ამბები, ეკონომიკა, საქართველო
კობა გვენეტაძე: საქართველოს ერთდროულად მრავალ გამოწვევასთან უწევს გამკლავება
11:28 21.06.2022 (განახლებულია: 17:08 21.06.2022) ეროვნული ბანკის გუნდმა მთელი მსოფლიოს წინაშე მდგარი გლობალური გამოწვევების საპასუხოდ ადეკვატური ზომები მიიღო, ამტკიცებს გვენეტაძე.
თბილისი, 21 ივნისი – Spurnik. ეროვნული ბანკი ყველაფერს გააკეთებს, რათა გლობალური გამოწვევების ზეწოლა მოსახლეობაზე შეამსუბუქოს, განაცხადა საქართველოს ეროვნული ბანკის პრეზიდენტმა კობა გვენეტაძემ.
„ინფლაცია გახდა აშკარა საფრთხე მსოფლიოს მრავალი ქვეყნისთვის. საქართველოს, როგორც მცირე ზომის ღია ეკონომიკის მქონე ქვეყანას, არაერთ გამოწვევასთან ერთდროულად გამკლავება უწევს, რაც საბოლოო ჯამში ფასებზე აისახება. ჩვენთვის მნიშვნელოვანია, რომ ჩვენს მოქალაქეებს ესმოდეთ, რომ ეროვნული ბანკის პროფესიონალებით დაკომპლექტებულმა გუნდმა გაატარა ადეკვატური ღონისძიებები იმ გლობალურ გამოწვევებზე საპასუხოდ, რომელთა წინაშეც დღეს მსოფლიო დგას“, – განაცხადა გვენეტაძემ.
ეროვნული ბანკი აკეთებს და გააკეთებს ყველაფერს თავისი ბერკეტების გათვალისწინებით, რომ მოსახლეობაზე ინფლაციის ზეწოლა შეამსუბუქოს, დასძინა მან.
თავის მხრივ, მსოფლიო ბანკის რეგიონულმა დირექტორმა სამხრეთ კავკასიაში სებასტიან მოლინეუსმა აღნიშნა, რომ საქართველოს პერსპექტივები ეკონომიკური ზრდის კუთხით ოპტიმისტურია.
„ველოდებით, რომ საქართველოს ეკონომიკის ზრდა დაახლოებით 5,5%-ს მიაღწევს, რაც თავდაპირველ პროგნოზზე 2,5%-ით მეტია“, – განაცხადა მოლინეუსმა.
რაც შეეხება ინფლაციას, მსოფლიო ბანკის პროგნოზით, მისი ზეწოლა გაგრძელდება უკრაინის მოვლენებისა და სანქციების მეორადი ეფექტის გამო.
წლიურმა ინფლაციამ (2022 წლის მაისში, გასული წლის მაისთან შედარებით) 13,3% შეადგინა, მიზნობრივი მაჩვენებელია 3%. წელიწადში ფასები გაიზარდა ტრანსპორტზე – 20%, სასტუმროებსა და რესტორნებზე – 12,6%, ჯანდაცვაზე – 2%-ით. მაისში სურსათზე ფასები წლიური 22%-ით გაიზარდა.
საქართველოს ეროვნული ბანკის ინფორმაციით, კორონავირუსის პანდემიამ მსოფლიო ეკონომიკა მრავალი სირთულის წინაშე დააყენა და ამ მხრივ ერთ-ერთი მნიშვნელოვანი ფაქტორია ფასების დაჩქარებული ზრდის ტენდენცია, რომელიც ბოლო დროს პრობლემად რჩება როგორც განვითარებულ, ისე განვითარებად ქვეყნებში.
საქართველოს ხელისუფლება ინფლაციის დონის შემცირებას 2022 წლის მეორე ნახევარში ელოდება, განაცხადა ეკონომიკის მინისტრმა ლევან დავითაშვილმა. თუმცა, მისი თქმით, მსოფლიოში მიმდინარე მოვლენებიდან გამომდინარე, პროგნოზირება ძალიან რთულია.