მსოფლიო ხელისგულზე - Sputnik საქართველო, 1920
მსოფლიო დღეს
მსოფლიოში მიმდინარე უახლესი ახალი ამბები, მსოფლიოს წინაშე მდგარი გამოწვევები, აქტუალური თემები, მიმოხილვა და ანალიზი იხილეთ Sputnik საქართველოს ვებგვერდზე.

შოლცი: ევროკავშირმა გაწევრიანების პროცედურა უნდა გაამარტივოს

  - Sputnik საქართველო, 1920, 20.06.2022
გამოწერა
Yandex newsTelegram
თბილისი, 20 ივნისი — Sputnik. ევროკავშირმა უნდა გაამარტივოს ახალი სახელმწიფოების გაწევრიანების პროცედურა, განაცხადა გერმანიის კანცლერმა ოლაფ შოლცმა dpa-სთვის მიცემულ ინტერვიუში.
მისი თქმით, დროა გაფართოებისთვის არა მხოლოდ კანდიდატი ქვეყნები, არამედ თავად ევროკავშირიც მოემზადოს.

„ამისთვის აუცილებელია ჩვენი სტრუქტურებისა და გადაწყვეტილების მიღების პროცესების მოდერნიზება. ერთსულოვანი გადაწყვეტილების მიღება იმ საკითხებზე, რომლებიც დღეს და მომავალში უნდა გადაიჭრას, ყოველთვის არ იქნება შესაძლებელი“, — აღნიშნა კანცლერმა.

შოლცს ასევე მიაჩნია, რომ ქვეყნებისთვის, რომლებიც 20 წლის წინ გახდნენ კანდიდატები, კონკრეტული ქმედებების შეთავაზებაა საჭირო.
გერმანიის კანცლერს იმედი აქვს, რომ ბრიუსელის სამიტზე, რომელიც 23-24 ივნისსაა დაგეგმილი, შესაბამისი წინადადების წარდგენას შეძლებს.
სწორედ ამ სამიტზე განიხილავენ ევროკავშირის 27 წევრი ქვეყნის ლიდერები საქართველოს, უკრაინისა და მოლდოვის განაცხადებს ევროკავშირში გაწევრიანების თაობაზე. მანამდე ევროკომისიამ წევრობის კანდიდატის სტატუსის მინიჭების რეკომენდაცია გასცა უკრაინისა და მოლდოვისთვის, ხოლო საქართველოს შემთხვევაში თავი შეიკავა.
წყარო: dpa
ყველა ახალი ამბავი
0