რა რისკებს შეიცავს მჯდომარე სამუშაო?

© AFP 2022 / GUILLAUME SOUVANTოფისის თანამშრომლები
ოფისის თანამშრომლები - Sputnik საქართველო, 1920, 09.06.2022
გამოწერა
Yandex newsTelegram
თბილისი, 9 ივნისი — Sputnik. მჯდომარე, საოფისე სამუშაო და მასთან დაკავშირებული რისკები – თბილისში აღნიშნულ თემაზე სემინარი გაიმართა, იუწყება შრომის ინსპექციის სამსახური.
მჯდომარე სამუშაო ჯანმრთელობისთვის უხილავ რისკს წარმოადგენს. ევროპის შრომის უსაფრთხოებისა და ჯანმრთელობის სააგენტოს (EU OSHA) მონაცემების თანახმად, ევროკავშირის ტერიტორიაზე დასაქმებულთა 28% სამუშაო დროის უმეტეს ნაწილს მჯდომარე მდგომარეობაში ატარებს. დამატებით 30% კი აღნიშნავს, რომ დროის მეოთხედს უთმობს მჯდომარე სამუშაოს შესრულებას. შესაბამისად, დასაქმებულთა 60%-სთვის მჯდომარე სამუშაო მნიშვნელოვან რისკ-ფაქტორს წარმოადგენს.
სემინარზე, რომელიც შრომის ინსპექციის სამსახურისა და ევროკავშირის დაძმობილების პროექტის ფარგლებში გაიმართა, საოფისე სამუშაოსთან დაკავშირებული რისკები განიხილეს. ექსპერტებმა აუდიტორიას გაუზიარეს ამ მიმართულებით არსებული საერთაშორისო პრაქტიკა.
© Labour Inspection Officeშრომის ინსპექციის სამსახურში სემინარი გაიმართა
Служба инспекции труда провела семинар о сидячей работе и ее рисках - Sputnik საქართველო, 1920, 09.06.2022
შრომის ინსპექციის სამსახურში სემინარი გაიმართა
მომსახურების სფერო, წარმოება, საავტომობილო მრეწველობა, ონლაინ-სერვისები, ეროვნული და საერთაშორისო ვაჭრობა, სატელეკომუნიკაციო მომსახურება, ადმინისტრაციული საქმიანობა – ეს მხოლოდ იმ სექტორთა მცირე ჩამონათვალია, სადაც დომინირებს მჯდომარე სამუშაოები.
თუ დიდხანს გიწევთ ერთ ადგილზე ჯდომა, იცოდეთ, რომ...>>>
როგორც შრომის ინსპექციაში აღნიშნეს, ეს სფეროები საქართველოს ეკონომიკაშიც მნიშვნელოვნადაა წარმოდგენილი და მათი წილი ეროვნულ ეკონომიკაში კიდევ უფრო იზრდება.
აღნიშნული სემინარი არის EU OSHA-ს მიმდინარე კამპანიის - „დატვირთვის შემსუბუქება“ ნაწილი და ხაზს უსვამს მჯდომარე სამუშაოსთან დაკავშირებულ გამოწვევებს და პრობლემასთან გამკლავების გზებს.
შეხვედრას ესწრებოდნენ დარგობრივი ასოციაციების, შრომის უსაფრთხოების კომპანიებისა და შრომის ინსპექციის სამსახურის წარმომადგენლები.
ყველა ახალი ამბავი
0