ჩინეთის პრემიერი: ჩინეთ-საქართველოს ურთიერთობები სტაბილურად ვითარდება

© Pixabay / SW1994ჩინეთის დროშა
ჩინეთის დროშა - Sputnik საქართველო, 1920, 06.06.2022
გამოწერა
Yandex newsTelegram
თბილისი, 6 ივნისი – Sputnik. ჩინეთის სახალხო რესპუბლიკის სახელმწიფო საბჭოს პრემიერი ლი კეციანი საქართველოს პრემიერ-მინისტრ ირაკლი ღარიბაშვილსა და ქართველ ხალხს ჩინეთსა და საქართველოს შორის დიპლომატიური ურთიერთობების დამყარებიდან 30-ე წლისთავს ულოცავს. ინფორმაციას საქართველოს მთავრობის ადმინისტრაცია ავრცელებს.
როგორც ლი კეციანის წერილშია აღნიშნული, დიპლომატიური ურთიერთობის დამყარების შემდეგ, 30 წლის განმავლობაში ჩინეთ-საქართველოს ურთიერთობები მტკიცედ და სტაბილურად ვითარდება. პოლიტიკური ნდობა მხარეებს შორის იზრდება, სხვადასხვა სფეროში შეინიშნება თანამშრომლობის წინსვლა, ხოლო მოქალაქეთა შორის ურთიერთობები და კულტურული გაცვლა სულ უფრო მტკიცე ხდება.

„ჩემი სურვილია თქვენთან თანამშრომლობა და ქვეყნებს შორის დიპლომატიური ურთიერთობების 30-ე წლისთავის გამოყენება, როგორც სხვადასხვა სფეროში ჩვენი ურთიერთსასარგებლო თანამშრომლობის შემდგომი გაღრმავების, ასევე ჩვენი ქვეყნებისა და ერების სასიკეთოდ ჩინეთ-საქართველოს ურთიერთობების და მეგობრობის კონოტაციის გაფართოების შესაძლებლობა“, – განაცხადა ლი კეციანმა.

საქართველოსა და ჩინეთს შორის დიპლომატიური ურთიერთობები 1992 წლის 9 ივნისს დამყარდა. 2018 წლის იანვარში მხარეებმა ხელი მოაწერეს თავისუფალი ვაჭრობის შესახებ შეთანხმებას. დღეისათვის ჩინეთი საქართველოს ერთ-ერთი მთავარი სავაჭრო პარტნიორია.
წყარო: მთავრობის ადმინისტრაცია
ყველა ახალი ამბავი
0