https://sputnik-georgia.com/20220421/daculi-teritoriebis-reinjerebi-finansurad-waxalisdebian-266151840.html
დაცული ტერიტორიების რეინჯერები ფინანსურად წახალისდებიან
დაცული ტერიტორიების რეინჯერები ფინანსურად წახალისდებიან
Sputnik საქართველო
დაცული ტერიტორიების სისტემაში შემავალი ტერიტორიული ადმინისტრაციის თანამშრომლებისთვის სახელფასო დანამატების გაცემას დღეს გაფორმებული დოკუმენტი ითვალისწინებს. 21.04.2022-ს, Sputnik საქართველო
2022-04-21T16:47+0400
2022-04-21T16:47+0400
2022-04-21T20:23+0400
გარემოს დაცვა და ეკოლოგია
ახალი ამბები
საქართველო
https://cdnn1.img.sputnik-georgia.com/img/24727/97/247279767_0:129:1875:1184_1920x0_80_0_0_efda7d154091715b2a1e9d87a4f8b8a4.jpg
თბილისი, 21 აპრილი – Sputnik. დაცული ტერიტორიების სააგენტოსა და კავკასიის ბუნების ფონდს (CNF) შორის საგრანტო ხელშეკრულებები გაფორმდა, ნათქვამია გარემოს დაცვისა და სოფლის მეურნეობის სამინისტროს მიერ გავრცელებულ ინფორმაციაში.საგრანტო ხელშეკრულებების ფარგლებში მომავალი ერთი წლის განმავლობაში სახელფასო დანამატს მიიღებს დაცული ტერიტორიების სისტემაში შემავალი ტერიტორიული ადმინისტრაციის ყველა თანამშრომელი.დოკუმენტის ხელმომწერ მხარეებს შორის თანამშრომლობა ასევე ითვალისწინებს სააგენტოს ყველა ადმინისტრაციული ერთეულის ყველა თანამშრომლის სიცოცხლისა და ჯანმრთელობის დაზღვევას, სამუშაო პირობების გაუმჯობესებას.ხელშეკრულებებს ხელი გარემოს დაცვისა და სოფლის მეურნეობის მინისტრის მოადგილემ იური ნოზაძემ, კავკასიის ბუნების ფონდის (CNF) აღმასრულებელმა დირექტორმა ტობიას მიუნხმაიერმა და დაცული ტერიტორიების სააგენტოს თავმჯდომარემ დავით იოსებაშვილმა მოაწერეს.კავკასიის ბუნების ფონდი საქართველოს რეინჯერების დაზღვევაზე 40 ათას ევროს გამოყოფს>>როგორც მინისტრის მოადგილემ აღნიშნა, დაცული ტერიტორიების სააგენტო მრავალი წელია მჭიდროდ თანამშრომლობს კავკასიის ბუნების ფონდთან.„მოხარული ვართ, რომ წელსაც მოვაწერეთ ხელი ამ მნიშვნელოვან გრანტს, რომელიც მიმართულია ჩვენი თანამშრომლების მოტივაციის ამაღლებისა და სამუშაო პირობების გაუმჯობესებისკენ. ვფიქრობ, ეს მხარდაჭერა კიდევ უფრო შეუწყობს ხელს მათ (სააგენტოს თანამშრომლების) კეთილდღეობას", – განაცხადა იური ნოზაძემ.საქართველოს დაცულ ტერიტორიებზე SMART-პატრულირება დაწესდება>>კავკასიის ბუნების ფონდის აღმასრულებელი დირექტორის თქმით, გარდა აღნიშნულისა, მიმდინარეობს მუშაობა რეინჯერებისთვის ჯილდოებისა და ბონუსის სისტემის შექმნაზე, რაც კიდევ უფრო დააფასებს მათ საქმიანობას.კავკასიის ბუნების ფონდი (CNF) წლების განმავლობაში თანამშრომლობს დაცული ტერიტორიების სააგენტოსთან და დიდი წვლილი შეაქვს როგორც დაცული ტერიტორიების ინფრასტრუქტურის განვითარებაში, ასევე თანამშრომლების მოტივაციის ამაღლებასა და მათ წახალისებაში.
საქართველო
Sputnik საქართველო
media@sputniknews.com
+74956456601
MIA „Rossiya Segodnya“
2022
Sputnik საქართველო
media@sputniknews.com
+74956456601
MIA „Rossiya Segodnya“
ახალი ამბები
ka_KA
Sputnik საქართველო
media@sputniknews.com
+74956456601
MIA „Rossiya Segodnya“
Sputnik საქართველო
media@sputniknews.com
+74956456601
MIA „Rossiya Segodnya“
გარემოს დაცვა და ეკოლოგია, ახალი ამბები, საქართველო
გარემოს დაცვა და ეკოლოგია, ახალი ამბები, საქართველო
დაცული ტერიტორიების რეინჯერები ფინანსურად წახალისდებიან
16:47 21.04.2022 (განახლებულია: 20:23 21.04.2022) დაცული ტერიტორიების სისტემაში შემავალი ტერიტორიული ადმინისტრაციის თანამშრომლებისთვის სახელფასო დანამატების გაცემას დღეს გაფორმებული დოკუმენტი ითვალისწინებს.
თბილისი, 21 აპრილი – Sputnik. დაცული ტერიტორიების სააგენტოსა და კავკასიის ბუნების ფონდს (CNF) შორის საგრანტო ხელშეკრულებები გაფორმდა, ნათქვამია გარემოს დაცვისა და სოფლის მეურნეობის სამინისტროს მიერ გავრცელებულ ინფორმაციაში.
საგრანტო ხელშეკრულებების ფარგლებში მომავალი ერთი წლის განმავლობაში სახელფასო დანამატს მიიღებს დაცული ტერიტორიების სისტემაში შემავალი ტერიტორიული ადმინისტრაციის ყველა თანამშრომელი.
დოკუმენტის ხელმომწერ მხარეებს შორის თანამშრომლობა ასევე ითვალისწინებს სააგენტოს ყველა ადმინისტრაციული ერთეულის ყველა თანამშრომლის სიცოცხლისა და ჯანმრთელობის დაზღვევას, სამუშაო პირობების გაუმჯობესებას.
ხელშეკრულებებს ხელი გარემოს დაცვისა და სოფლის მეურნეობის მინისტრის მოადგილემ იური ნოზაძემ, კავკასიის ბუნების ფონდის (CNF) აღმასრულებელმა დირექტორმა ტობიას მიუნხმაიერმა და დაცული ტერიტორიების სააგენტოს თავმჯდომარემ დავით იოსებაშვილმა მოაწერეს.
როგორც მინისტრის მოადგილემ აღნიშნა, დაცული ტერიტორიების სააგენტო მრავალი წელია მჭიდროდ თანამშრომლობს კავკასიის ბუნების ფონდთან.
„მოხარული ვართ, რომ წელსაც მოვაწერეთ ხელი ამ მნიშვნელოვან გრანტს, რომელიც მიმართულია ჩვენი თანამშრომლების მოტივაციის ამაღლებისა და სამუშაო პირობების გაუმჯობესებისკენ. ვფიქრობ, ეს მხარდაჭერა კიდევ უფრო შეუწყობს ხელს მათ (სააგენტოს თანამშრომლების) კეთილდღეობას", – განაცხადა იური ნოზაძემ.
კავკასიის ბუნების ფონდის აღმასრულებელი დირექტორის თქმით, გარდა აღნიშნულისა, მიმდინარეობს მუშაობა რეინჯერებისთვის ჯილდოებისა და ბონუსის სისტემის შექმნაზე, რაც კიდევ უფრო დააფასებს მათ საქმიანობას.
კავკასიის ბუნების ფონდი (CNF) წლების განმავლობაში თანამშრომლობს დაცული ტერიტორიების სააგენტოსთან და დიდი წვლილი შეაქვს როგორც დაცული ტერიტორიების ინფრასტრუქტურის განვითარებაში, ასევე თანამშრომლების მოტივაციის ამაღლებასა და მათ წახალისებაში.
