როტშილდების კომპანიამ საქართველოს რეგიონულ ჰაბად გარდაქმნის სტრატეგიის დოკუმენტი წარუდგინა

© Government of Georgiaმოლაპარაკებები საქართველოს მთავრობასა და Rothschild & Co-ს შორის
მოლაპარაკებები საქართველოს მთავრობასა და Rothschild & Co-ს შორის - Sputnik საქართველო, 1920, 20.04.2022
გამოწერა
Yandex newsTelegram
სტრატეგია მოიცავს კონკრეტულ პროექტებსა და ნაბიჯებს, რომლებიც საქართველოს მულტიფუნქციურ რეგიონულ ჰაბად გარდაქმნას შეუწყობს ხელს.
თბილისი, 20 აპრილი – Sputnik. საქართველოს მულტიფუნქციურ რეგიონულ ჰაბად გარდაქმნის სტრატეგიის პირველადი დოკუმენტი, რომელზეც მსოფლიოს ერთ-ერთმა უმსხვილესმა საფინანსო ჯგუფმა Rothschild & Co-მ იმუშავა, უკვე მზად არის. ამის შესახებ ინფორმაციას მთავრობის ადმინისტრაცია ავრცელებს.
Rothschild & Co-მ საქართველოს მულტიფუნქციურ რეგიონულ ჰაბად გარდაქმნის სტრატეგიაზე მუშაობა მიმდინარე წლის იანვარში დაიწყო. საქართველოს მთავრობასა და კომპანიის მმართველ დირექტორს არიელ მალარდ დე როტშილდს შორის შესაბამის ხელშეკრულებას ბრიუსელში 2021 წლის ბოლოს მოეწერა ხელი.
უწყების ცნობით, დოკუმენტის სამუშაო ვერსია არიელ მალარდ დე როტშილდმა დღეს საქართველოს პრემიერ-მინისტრ ირაკლი ღარიბაშვილს წარუდგინა.

„სტრატეგიის მთავარი პრიორიტეტებია პირდაპირი უცხოური ინვესტიციების მოზიდვა, ახალი სამუშაო ადგილების შექმნა, თანამედროვე ფინანსური, ტექნოლოგიური სიახლეების დანერგვა, ქვეყანაში ძლიერი ფინანსური ცენტრების განვითარების ხელშეწყობა და კაპიტალის ბაზრის განვითარება“, – აღნიშნულია მთავრობის ადმინისტრაციის მიერ გავრცელებულ ინფორმაციაში.

ადმინისტრაციის ცნობით, პრემიერ-მინისტრმა კიდევ ერთხელ დაადასტურა საქართველოს მთავრობის სრული მზადყოფნა, რათა სტრატეგიაში გაწერილი პროექტები მაქსიმალურად მოკლე ვადებში და ეფექტიანად განხორციელდეს.
თბილისსა და გონიოში ფინანსური ცენტრების შექმნა იგეგმება>>
Rothschild & Co ერთ-ერთი უმსხვილესი, დამოუკიდებელი საფინანსო ჯგუფია, რომელიც მსოფლიოს 40-ზე მეტ ქვეყანაში საქმიანობს.
ყველა ახალი ამბავი
0