Batumi Build-2022: გამოფენაში 60-ზე მეტი კომპანია მონაწილეობს

ბათუმი - Sputnik საქართველო, 1920, 14.03.2022
გამოწერა
Yandex newsTelegram
თბილისი, 14 მარტი – Sputnik. ბათუმი სამშენებლო მასალების, ტექნოლოგიებისა და უძრავი ქონების მე-11 საერთაშორისო გამოფენას მასპინძლობს, იუწყება „პირველი არხი“.
Batumi Build-2022 დღეს გაიხსნა და მასში სამშენებლო სფეროს 60-ზე მეტი ადგილობრივი და საერთაშორისო კომპანია მონაწილეობს.
„მისასალმებელია, რომ სამშენებლო სექტორში არსებული კომპანიები ძალიან დიდ დაინტერესებას გამოხატავენ“, – განაცხადა აჭარის მთავრობის თავმჯდომარემ თორნიკე რიჟვაძემ გამოფენის გახსნის ცერემონიაზე.
როგორც რიჟვაძემ აღნიშნა, მიუხედავად არსებული რეგიონული და გლობალური გამოწვევებისა, განსაკუთრებით მნიშვნელოვანია ეკონომიკაში დინამიკის შენარჩუნება.
გამოფენის ფარგლებში აჭარის მთავრობის ხელმძღვანელმა შეხვედრა გამართა ტრაპიზონის გუბერნატორთან ისმაილ უსტაოღლუსთან.
საქართველოს სამშენებლო დარგი - Sputnik საქართველო, 1920, 03.12.2021
საქართველოს სამშენებლო სფეროში ბევრი რამ იცვლება
მხარეებმა შეხვედრაზე აჭარის ტურისტულ და საინვესტიციო პოტენციალთან დაკავშირებული საკითხები განიხილეს და ბათუმსა და ტრაპიზონს შორის ეკონომიკის, ტურიზმის, კულტურისა და განათლების სფეროებში ურთიერთობის გაღრმავებისა და მჭიდრო ორმხრივი თანამშრომლობის მზადყოფნა გამოთქვეს.
აჭარის დედაქალაქში გამოფენა 17 მარტამდე გასტანს.
ყველა ახალი ამბავი
0