საქართველოს ჯანდაცვის მინისტრი თურქ კოლეგას შეხვდა

© Ministry of Defence of Georgiaზურაბ აზარაშვილი
ზურაბ აზარაშვილი - Sputnik საქართველო, 1920, 09.03.2022
გამოწერა
Yandex newsTelegram
ვიზიტის ფარგლებში ჯანდაცვის მინისტრი წამყვანი თურქული საწარმოების მუშაობის სპეციფიკას გაეცნობა.
თბილისი, 9 მარტი – Sputnik. საქართველოს ჯანდაცვის მინისტრი ზურაბ აზარაშვილი თურქ კოლეგას ფაჰრეთინ კოჩას შეხვდა. ამის შესახებ ინფორმაციას საქართველოს ჯანდაცვის სამინისტრო ავრცელებს.
აზარაშვილი თურქეთში ვიზიტით იმყოფება. ჯანდაცვის სამინისტროს ინფორმაციით, ორმხრივ შეხვედრაზე ყურადღება თურქეთსა და საქართველოს შორის სტრატეგიულ პარტნიორობაზე გამახვილდა, მთავარი აქცენტი თურქეთიდან საქართველოში მაღალი ხარისხის მედიკამენტების იმპორტზე გაკეთდა.
„მხარეები სამედიცინო სერვისისა და ფარმაცევტული მიმართულებით კიდევ უფრო მჭიდრო თანამშრომლობაზე შეთანხმდნენ. დაიგეგმა თურქეთის ჯანდაცვის მინისტრის ვიზიტი საქართველოში“, – აღნიშნულია განცხადებაში.
ვიზიტის ფარგლებში ჯანდაცვის მინისტრი წამყვან თურქულ საწარმოებს დაათვალიერებს და მათი მუშაობის სპეციფიკას გაეცნობა. ასევე ფარმაცევტული საწარმოების ასოციაციისგან თურქული ფარმაცევტული ინდუსტრიის შესახებ დეტალურ ინფორმაციას მიიღებს.
ჯანდაცვის მინისტრთან ერთად თურქეთში ოფიციალური ვიზიტით იმყოფებიან სამედიცინო და ფარმაცევტული საქმიანობის რეგულირების სააგენტოს წამლის ინსპექტირების სამმართველოს ხელმძღვანელი ნანა შაშიაშვილი, ჯანდაცვის სამინისტროს რეფერალის საორგანიზაციო სამმართველოს უფროსი ხათუნა ჩაჩავა და შიდა აუდიტის სამმართველოს უფროსი ზურაბ დვალი.
თურქეთიდან შემოსული მედიკამენტები უკვე იყიდება>>
საქართველოს ფარმაცევტული ბაზარი თურქეთისთვის იანვრის შუა რიცხვებში, მთავრობის შესაბამის დადგენილებაზე ხელმოწერის შემდეგ გაიხსნა. მარტის დასაწყისში აფთიაქებში უკვე გამოჩნდა თურქეთიდან შემოტანილი 30-ზე მეტი დასახელების მედიკამენტი. ჯანდაცვის სამინისტროში განაცხადეს, რომ მედიკამენტების ჩამონათვალი კიდევ გაიზრდება.
ხელისუფლება ვარაუდობს, რომ ბაზარზე კონკურენციის გაზრდა დადებითად აისახება ფასებზე.
წყარო: ჯანდაცვის სამინისტრო
ყველა ახალი ამბავი
0