მსოფლიო ხელისგულზე - Sputnik საქართველო, 1920
მსოფლიო დღეს
მსოფლიოში მიმდინარე უახლესი ახალი ამბები, მსოფლიოს წინაშე მდგარი გამოწვევები, აქტუალური თემები, მიმოხილვა და ანალიზი იხილეთ Sputnik საქართველოს ვებგვერდზე.

ესტონეთის პრემიერმა რუსეთის თავისუფალი სამყაროსგან იზოლაცია მოითხოვა

© AFP 2022 / RAIGO PAJULAკაია კალასი
კაია კალასი - Sputnik საქართველო, 1920, 08.03.2022
გამოწერა
Yandex newsTelegram
თბილისი, 8 მარტი — Sputnik. უკრაინაში განვითარებული მოვლენების გამო რუსეთი იზოლირებული უნდა იყოს თავისუფალი სამყაროსგან, განაცხადა ესტონეთის პრემიერ-მინისტრმა კაია კალასმა პრესკონფერეციაზე, რომელიც აშშ-ის სახელმწიფო მდივან ენტონი ბლინკენთან შეხვედრის შემდეგ გაიმართა.
ტალინში შეხვედრაზე მხარეებმა ევროპის უსაფრთხოებისა და უკრაინის მხარდაჭერის საკითხები განიხილეს.
პრემიერ კალასს მიაჩნია, რომ ახლა უკრაინის მხარდაჭერა აუცილებელია როგორც პოლიტიკური, ისე ჰუმანიტარული, ეკონომიკური და სამხედრო თვალსაზრისით.

„რუსეთი იზოლირებული უნდა იყოს თავისუფალი სამყაროსგან. ჩვენ უნდა მოვერგოთ ახალ რელობას და საკუთარი თავდაცვის კუთხით შესაბამისი გადაწყვეტილებები უნდა მივიღოთ“, — განაცხადა კაია კალასმა.

ამასთან მან აღნიშნა, რომ რუსეთისა და ბელარუსის SWIFT-დან გათიშვა და კრიპტოვალუტასთან დაკავშირებული ოპერაციების შეზღუდვა ძალიან მნიშვნელოვანია, მაგრამ „საჭიროა, რომ რუსეთისთვის საჰაერო სივრცე და საზღვაო პორტებიც დაიხუროს“.
ესტონეთის პრემიერის თქმით, ახლა ევროკავშირში რუსეთის საწინააღმდეგო სანქციების კიდევ ერთი პაკეტი მუშავდება, ხოლო რაც შეეხება ემბარგოს დაწესებას რუსული გაზისა და ნავთობის მიწოდებაზე, ეს ევროპის ქვეყნებზე სხვადასხვა ხარისხით აისახება.
„ამიტომ ეს მოითხოვს ალტერნატივების ძიებას იმ ქვეყნებისთვის, რომლებიც უფრო მეტად დაზარალდებიან ემბარგოს გამო. ამაზე აუცილებლად უნდა ვიმსჯელოთ“, — ხაზი გაუსვა კალასმა.
მანამდე რუსეთის ვიცე-პრემიერმა ალექსანდრ ნოვაკმა განაცხადა, რომ რუსულ ნავთობზე უარის თქმა მსოფლიო ბაზარს კატასტროფულ შედეგებს მოუტანს, ასწევს რა ერთი ბარელი ნავთობის ფასს 300 დოლარზე ზემოთ. ამასთან მან აღნიშნა, რომ რუსეთს შეუძლია შეაჩეროს გაზსადენ „ჩრდილოეთის ნაკადი-1“-ის მუშაობა და ევროპას გაზის მიწოდება შეუწყვიტოს, მაგრამ ასეთ გადაწყვეტილებას ჯერჯერობით არ იღებს – მიუხედავად იმისა, რომ „ევროპელი პოლიტიკოსები თავიანთი განცხადებებითა და ბრალდებებით რუსეთს ამისკენ უბიძგებენ“.
ალექსანდრ ნოვაკი - Sputnik საქართველო, 1920, 08.03.2022
ვიცე-პრემიერი ნოვაკი: რუსეთს შეუძლია ევროპას გაზის იმპორტი შეუჩეროს
რუსეთის პრეზიდენტმა ვლადიმირ პუტინმა, დონეცკისა და ლუგანსკის მოთხოვნის პასუხად, ეღიარებინა მათი სუვერენიტეტი, 21 თებერვალს ხელი მოაწერა შესაბამის ბრძანებულებებს, ხოლო 24 თებერვალს „სპეციალური სამხედრო ოპერაცია“ დაიწყო „უკრაინის დემილიტარიზაციისა და დენაციფიკაციის“ მიზნით.
ამის პასუხად დასავლეთის ქვეყნებმა ახალი მკაცრი სანქციები დაუწესეს რუსეთს. სანქციების სიაში მოხვდნენ ქვეყნის უმსხვილესი ბანკები, სახელმწიფო კომპანიები, უმაღლესი თანამდებობის პირები და ა.შ. ამასთან გერმანიამ „ჩრდილოეთი ნაკადი-2“-ის სერტიფიკაციის პროცესი შეაჩერა, მსოფლიოს მრავალმა ქვეყანამ რუსეთის თვითმფრინავებს ცა ჩაუკეტა, ქვეყნიდან გავიდა არაერთი მსოფლიო ბრენდი.
ამ ყველაფერზე პასუხად რუსეთის პრეზიდენტმა ვლადიმირ პუტინმა არამეგობარი ქვეყნების ახალი სია დაამტკიცა, რომელშიც მსოფლიოს 48 ქვეყანაა შესული.
ყველა ახალი ამბავი
0