https://sputnik-georgia.com/20220301/socialurad-daucvelta-asaqmebis-programa-amoqmedda-264875917.html
სოციალურად დაუცველები დასაქმდებიან: რას ითვალისწინებს პროგრამა
სოციალურად დაუცველები დასაქმდებიან: რას ითვალისწინებს პროგრამა
Sputnik საქართველო
სოციალურად დაუცველ პირებს დასაქმების შემთხვევაში ბენეფიტები შეუნარჩუნდებათ
2022-03-01T13:54+0400
2022-03-01T13:54+0400
2022-03-01T20:25+0400
საქართველო
საქართველოს მთავრობა
სოციალური სფერო საქართველოში
საზოგადოება
ახალი ამბები
https://cdnn1.img.sputnik-georgia.com/img/07e6/02/17/264696107_0:322:3067:2047_1920x0_80_0_0_b6a5b86c78905ce3cdd6494be874811e.jpg
თბილისი, 1 მარტი – Sputnik. საქართველოში სოციალურად დაუცველ პირთა დასაქმების სახელმწიფო პროგრამა ამოქმედდა.დღეისათვის საქართველოში 600 ათასზე მეტი სოციალურად დაუცველი პირია, რომელთაგან 200 ათასზე მეტი შრომისუნარიანია. ზოგი მათგანი არაოფიციალურადაა დასაქმებული, რადგანაც მათ სახელმწიფო დახმარების დაკარგვის ეშინიათ.პროგრამის ფარგლებში საუბარია საზოგადოებრივ სამუშაოებზე. წლის განმავლობაში იგეგმება 100 ათასამდე ადამიანის დასაქმება.მთავრობის გადაწყვეტილებით, ის ბენეფიციარები, რომლებიც პროგრამაში მოისურვებენ მონაწილეობას, სოციალური დახმარებისა და ანაზღაურების გარდა, სახელმწიფოსგან ყოველთვიურად დამატებით 300 ლარს მიიღებენ. ასევე ოთხი წლის განმავლობაში ისინი შეინარჩუნებენ ყველა იმ ბენეფიტს, რომელიც მანამდე ჰქონდათ. სოციალურად დაუცველის სტატუსის მქონე მოქალაქეების დასაქმების სახელმწიფო პროგრამაში ჩართვა ასევე შეუძლიათ შეზღუდული შესაძლებლობების მქონე პირებსაც.იმ შემთხვევაში, თუ შემწეობის მიმღები პირი უარს იტყვის დასაქმების შეთავაზებაზე, ერთი წლის შემდეგ მისი სოციალურ-ეკონომიკური მდგომარეობა გადამოწმდება, თუმცა ეს არ შეეხება შშმ და ჯანმრთელობის მძიმე პრობლემების მქონე პირებს.სოციალურად დაუცველ პირებს ასევე შესაძლებლობა ექნებათ აიმაღლონ კვალიფიკაცია, შეიძინონ გარკვეული უნარ-ჩვევები, რაც მათ სამუშაო ბაზარზე ინტეგრაციაში გამოადგებათ.სოციალური მომსახურების სააგენტოს 2022 წლის მონაცემებით, სახელმწიფოსგან ფინანსურ დახმარებას 648.176 პირი (175.716 ოჯახი) იღებს, რაც ქვეყნის მოსახლეობის 17,3%-ს შეადგენს.სოციალურად დაუცველი მოქალაქეების ფინანსური დახმარების მოცულობა დამოკიდებულია სარეიტინგო ქულაზე – რაც უფრო ხელმოკლეა ოჯახი, მით უფრო დაბალია ქულა. დახმარების თანხა მერყეობს 10-დან 60 ლარამდე ოჯახის თითოეულ წევრზე.„საქსტატის“ მონაცემებით, 2021 წლის მესამე კვარტალში ქვეყანაში უმუშევრობის დონე 19,5%-ს შეადგენდა.
https://sputnik-georgia.com/20220224/socialurad-daucvelta-dasaqmebis-programa-iwyeba-264737813.html
საქართველო
Sputnik საქართველო
media@sputniknews.com
+74956456601
MIA „Rosiya Segodnya“
2022
Sputnik საქართველო
media@sputniknews.com
+74956456601
MIA „Rosiya Segodnya“
ახალი ამბები
ka_KA
Sputnik საქართველო
media@sputniknews.com
+74956456601
MIA „Rosiya Segodnya“
https://cdnn1.img.sputnik-georgia.com/img/07e6/02/17/264696107_249:311:2564:2047_1920x0_80_0_0_a8d3620dcb9571e99474916e2778eaf5.jpgSputnik საქართველო
media@sputniknews.com
+74956456601
MIA „Rosiya Segodnya“
საქართველო სოციალურად დაუცველები დასაქმების პროგრამა
საქართველო სოციალურად დაუცველები დასაქმების პროგრამა
სოციალურად დაუცველები დასაქმდებიან: რას ითვალისწინებს პროგრამა
13:54 01.03.2022 (განახლებულია: 20:25 01.03.2022) სოციალურად დაუცველ პირებს დასაქმების შემთხვევაში ბენეფიტები შეუნარჩუნდებათ.
თბილისი, 1 მარტი – Sputnik. საქართველოში სოციალურად დაუცველ პირთა დასაქმების სახელმწიფო პროგრამა ამოქმედდა.
დღეისათვის საქართველოში 600 ათასზე მეტი სოციალურად დაუცველი პირია, რომელთაგან 200 ათასზე მეტი შრომისუნარიანია. ზოგი მათგანი არაოფიციალურადაა დასაქმებული, რადგანაც მათ სახელმწიფო დახმარების დაკარგვის ეშინიათ.
პროგრამის ფარგლებში საუბარია საზოგადოებრივ სამუშაოებზე. წლის განმავლობაში იგეგმება 100 ათასამდე ადამიანის დასაქმება.
მთავრობის გადაწყვეტილებით, ის ბენეფიციარები, რომლებიც პროგრამაში მოისურვებენ მონაწილეობას, სოციალური დახმარებისა და ანაზღაურების გარდა, სახელმწიფოსგან ყოველთვიურად დამატებით 300 ლარს მიიღებენ. ასევე ოთხი წლის განმავლობაში ისინი შეინარჩუნებენ ყველა იმ ბენეფიტს, რომელიც მანამდე ჰქონდათ.
სოციალურად დაუცველის სტატუსის მქონე მოქალაქეების დასაქმების სახელმწიფო პროგრამაში ჩართვა ასევე შეუძლიათ შეზღუდული შესაძლებლობების მქონე პირებსაც.
იმ შემთხვევაში, თუ შემწეობის მიმღები პირი უარს იტყვის დასაქმების შეთავაზებაზე, ერთი წლის შემდეგ მისი სოციალურ-ეკონომიკური მდგომარეობა გადამოწმდება, თუმცა ეს არ შეეხება შშმ და ჯანმრთელობის მძიმე პრობლემების მქონე პირებს.
სოციალურად დაუცველ პირებს ასევე შესაძლებლობა ექნებათ აიმაღლონ კვალიფიკაცია, შეიძინონ გარკვეული უნარ-ჩვევები, რაც მათ სამუშაო ბაზარზე ინტეგრაციაში გამოადგებათ.
სოციალური მომსახურების სააგენტოს 2022 წლის მონაცემებით, სახელმწიფოსგან ფინანსურ დახმარებას 648.176 პირი (175.716 ოჯახი) იღებს, რაც ქვეყნის მოსახლეობის 17,3%-ს შეადგენს.
სოციალურად დაუცველი მოქალაქეების ფინანსური დახმარების მოცულობა დამოკიდებულია სარეიტინგო ქულაზე – რაც უფრო ხელმოკლეა ოჯახი, მით უფრო დაბალია ქულა. დახმარების თანხა მერყეობს 10-დან 60 ლარამდე ოჯახის თითოეულ წევრზე.
„საქსტატის“ მონაცემებით, 2021 წლის მესამე კვარტალში ქვეყანაში უმუშევრობის დონე 19,5%-ს შეადგენდა.