რას წერენ პროფესიონალი მოთხილამურე ბლოგერები საქართველოზე

© Facebook / Government of Ajaraკურორტი „გოდერძი"
კურორტი „გოდერძი - Sputnik საქართველო, 1920, 22.02.2022
გამოწერა
Yandex newsTelegram
ესპანელი ბლოგერები საქართველოს გასულ კვირაში სტუმრობდნენ. მათი შეფასებით, ეს იყო შესანიშნავი მოგზაურობა ქვეყანაში, რომელიც დამალულ მარგალიტს ჰგავს.
თბილისი, 22 თებერვალი – Sputnik. სამთო-სათხილამურო კურორტ „გოდერძის“ ტურისტული შესაძლებლობები პროფესიონალი მოთხილამურე ბლოგერების ყურადღების ცენტრში მოექცა, იუწყება აჭარის ტურიზმის დეპარტამენტი.
ფრირაიდის სტილის ესპანელმა მოთხილამურეებმა კურორტის ექსტრემალური და სპორტული სათხილამურო ტრასები გამოსცადეს და თავიანთი შთაბეჭდილებები ასიათასობით ხელმომწერს გაუზიარეს, რომელთა შორის უმრავლესობა პროფესიონალი მოთხილამურე და ფრირაიდერია.
დეპარტამენტის ინფორმაციით, ბლოგერებმა უკვე გამოაქვეყნეს სტატია პოპულარულ სპორტულ გამოცემაში Nevasport, რომელსაც 12 მილიონამდე მომხმარებელი ჰყავს.
როგორც ისინი აღნიშნავენ, კურორტი „გოდერძი“ ერთ-ერთი საუკეთესოა ექსტრემალური, პროფესიონალური სტილის სრიალისთვის. იქ შესაძლებელია როგორც ძირითად ბილიკზე, ისე გაუკვალავ ადგილებში სრიალი, რაც ძალიან პოპულარული და მოთხოვნადია დღეს მსოფლიოში.
„ჯადოსნურ ადგილას მოვხვდით“: საქართველო სერბ ჟურნალისტებს მასპინძლობს>>
ესპანელი ფრირაიდერები რეგიონს აჭარის ტურიზმის დეპარტამენტის მოწვევით სტუმრობდნენ. გარდა სტატიებისა, ისინი პროფესიონალ მოთხილამურეებსა და მათ ხელმომწერებს კურორტზე გადაღებულ ფოტოებსა და ვიდეორგოლს გაუზიარებენ.
აჭარის შემდეგ მოთხილამურეებმა სვანეთის სათხილამურო ტრასებიც გამოსცადეს.

„რომ შევაჯამოთ, ეს იყო შესანიშნავი მოგზაურობა ქვეყანაში, რომელიც დამალულ მარგალიტს ჰგავს. შემდეგ წელს ჩვენ აქ აუცილებლად დავბრუნდებით, რათა უკეთ გავიცნოთ ეს ქვეყანა და ვისიამოვნოთ იმ ყველაფრით, რასაც აქ გვთავაზობენ: ბევრი თოვლი, უგემრიელესი საჭმელი, საყვარელი ხალხი, სასწაული ხედები, სათავგადასავლო სათხილამურო ტრასები და მომაჯადოებელი კულტურა“, – აღნიშნეს ბლოგერებმა.

ესპანელი ბლოგერები საქართველოს გასულ კვირაში სტუმრობდნენ.
ყველა ახალი ამბავი
0