„ქურდულ სამყაროსთან" ბრძოლა: პროკურატურა 2021 წლის შედეგებზე

© photo: Sputnikსაქართველოს პროკურატურა
საქართველოს პროკურატურა - Sputnik საქართველო, 1920, 18.02.2022
გამოწერა
Yandex newsTelegram
საქართველოს კანონმდებლობით, „ქურდული სამყაროს“ წევრობა 7-დან 11 წლამდე პატიმრობით ისჯება ჯარიმით ან ჯარიმის გარეშე.
თბილისი, 18 თებერვალი – Sputnik. საქართველოში 2021 წელს „ქურდული სამყაროს“ წევრობის ან მასთან კავშირის გამო სისხლისსამართლებრივი დევნა დაიწყო 96 პირის მიმართ, ნათქვამია საქართველოს პროკურატურის გასული წლის საქმიანობის შესახებ ანგარიშში.
საქართველოში „ქურდული სამყაროს“ წევრობა და „კანონიერი ქურდის“ სტატუსის ტარება 2005 წლიდან სისხლის სამართლის დანაშაულია. 2018 წლიდან სისხლის სამართლის დანაშაული გახდა მონაწილეობა ქურდულ გარჩევებში, შეკრებებში, „ქურდული სამყაროს“ დახმარება და ე.წ. კანონიერი ქურდისთვის მიმართვა.

ანგარიშის მიხედვით, „ქურდული სამყაროს“ წევრობისა და მასში მონაწილეობის გამო სისხლისსამართლებრივი დევნა დაიწყო 57 პირის მიმართ, ხოლო „კანონიერი ქურდის“ სტატუსის ტარების ფაქტზე ბრალდება ორ პირს წარედგინა.

გარდა ამისა, ბრალდება ქურდულ გარჩევებში მონაწილეობისთვის წარედგინა სამ მოქალაქეს, ხოლო „ქურდული სამყაროს“ საქმიანობის მხარდაჭერისთვის – 29-ს. კიდევ 10 მოქალაქეს ბრალი ე.წ. კანონიერი ქურდებისთვის მიმართვის გამო წარუდგინეს.
საქართველოს კანონმდებლობით, „ქურდული სამყაროს“ წევრობა 7-დან 11 წლამდე თავისუფლების აღკვეთით ისჯება ჯარიმით ან ჯარიმის გარეშე, ხოლო „კანონიერ ქურდებს“ 9-დან 15 წლამდე პატიმრობა ემუქრებათ ჯარიმით ან უჯარიმოდ.
დანაშაულები, რომლებმაც 2021 წელს საქართველო შეძრა>>
„ქურდული სამყარო" სპეციფიკური კრიმინალური სტრუქტურაა, რომელიც მხოლოდ ყოფილი საბჭოთა კავშირის ქვეყნებში მოქმედებს.
ე.წ. კანონიერ ქურდებს დამნაშავეთა სამყაროს იერარქიაში უმაღლესი მდგომარეობა უკავიათ და ამ სტატუსის მიღება რამდენიმე მოქმედი „კანონიერი ქურდის" რეკომენდაციით „კურთხევის" ცერემონიაზეა შესაძლებელი. ქურდები, ტრადიციულად, ე.წ. გაგებით — წესების ნაკრებით ხელმძღვანელობენ, რომელთა დარღვევა „კანონიერი ქურდის" სტატუსის ჩამორთმევას ითვალისწინებს.
ყველა ახალი ამბავი
0