დევნილებს ბიზნესის განვითარებაში დაეხმარებიან

© photo: Sputnik / Alexander Imedashviliთბილისი
თბილისი - Sputnik საქართველო, 1920, 04.02.2022
გამოწერა
პროგრამის პირობებით, დაფინანსდებიან მეწარმეები, რომლებსაც ბიზნესის გაფართოება სურთ.
თბილისი, 4 თებერვალი — Sputnik. დევნილთა, ეკომიგრანტთა და საარსებო წყაროებით უზრუნველყოფის სააგენტომ დაიწყო განაცხადების მიღება თავისი ბენეფიციარებისთვის სამეწარმეო საქმიანობის დახმარების პროგრამაში ჩართვაზე.
პროგრამა ითვალისწინებს 7,5 ათასი ლარის ოდენობით გრანტის გამოყოფას იმ ეკომიგრანტებისა და იძულებით გადაადგილებული პირებისთვის, რომლებიც სამეწარმეო საქმიანობას ეწევიან. ამ ეტაპზე გამოყოფილია 26 გრანტი.
პროგრამის პირობებით, გრანტს მიიღებენ ის მეწარმეები, ვისი ბიზნესიც ნახევარ წელიწადში მინიმუმ ერთი სამუშაო ადგილის შექმნას ითვალისწინებს იძულებით გადაადგილებული პირის ან ეკომიგრანტისთვის.
პროგრამაში მონაწილეობის მიღება შეუძლიათ სამეგრელო–ზემო სვანეთის, იმერეთის, შიდა ქართლის, ქვემო ქართლისა და მცხეთა-მთიანეთის რეგიონების მცხოვრებლებს.
განაცხადების მიღება გრანტის მისაღებად 25 თებერვლამდე გაგრძელდება.
დევნილებისთვის ბინების შესყიდვის მიზნით მენაშენეების კონკურსის ვადა გახანგრძლივდა>>
პროგრამის პირობების მიხედვით, დაფინანსდებიან მეწარმეები, რომლებიც უკვე მუშაობენ და სურთ ბიზნესის გაფართოება, ახალი მომხმარებლის მოზიდვა ან ახალი აღჭურვილობის შეძენა. ამასთან, დაფინანსდება არა უძრავი ქონების ან მომსახურების, არამედ საოპერაციო აქტივების შეძენა.
პროგრამა განსაკუთრებულ აქცენტს აკეთებს პროგრამაში შშმ პირების ან ქალების ჩართვაზე.
პროგრამაში მონაწილეობისთვის მსურველებმა უნდა წარადგინონ საჭირო დოკუმენტები, ბიზნეს-გეგმა და დამატებითი დოკუმენტაციის წარდგენისთვისაც უნდა იყვნენ მზად.
რამდენი ფულია საჭირო საქართველოში დევნილების საცხოვრებლის საკითხის მოსაგვარებლად>>
დოკუმენტების წარდგენის შემდეგ საარსებო წყაროებით უზრუნველყოფის სააგენტო შეამოწმებს მათ და ან მოიწონებს, ან უარყოფს განაცხადს.
ამასთან, გრანტის მისაღებ პირობებში დაფიქსირებულია, რომ რეესტრში აღრიცხულ ვალის მქონე მეწარმეებს პირველ ეტაპზევე ეტყვიან უარს.
გრანტებს მიიღებენ ის ბიზნესმენები, ვისი ბიზნეს-გეგმაც ყველაზე მეტ ქულას მიიღებს რვა კრიტერიუმის მიხედვით.
ყველა ახალი ამბავი
0