პარლამენტმა აზარტულ თამაშებთან დაკავშირებული ცვლილებები პირველი მოსმენით მიიღო

© photo: Sputnik / Stringerპარლამენტის სხდომა
პარლამენტის სხდომა - Sputnik საქართველო, 1920, 15.12.2021
გამოწერა
საქართველოში სათამაშო ბიზნესის მუშაობის წესები იცვლება – ონლაინ-კაზინოებს უახლოეს მომავალში გადასახადების გადახდა მოუწევთ.
თბილისი, 15 დეკემბერი — Sputnik. საქართველოს პარლამენტის დეპუტატებმა პირველი მოსმენით მხარი დაუჭირეს რვა კანონპროექტისგან შემდგარ პაკეტს, რომელიც აზარტული თამაშების რეკლამის აკრძალვას და სათამაშო ბიზნესისთვის გადასახადების გაზრდას ითვალისწინებს.
მთავრობის მიერ წარმოდგენილი ცვლილებების თანახმად, ნებისმიერი თამაშების სისტემური ელექტრონული მოწყობა დაბეგვრას დაექვემდებარება.
კაზინო - Sputnik საქართველო, 1920, 14.12.2021
მარკეტინგული გათვლა თუ ულტიმატუმი მთავრობას? – სათამაშო ბიზნესის ასოციაციის განცხადება
დაბეგვრას დაექვემდებარება ე.წ. GGR (მიღებულ ფსონებსა და გაცემულ მოგებებს შორის სხვაობა) 10%-იანი მოგების გადასახადით.
გარდა ამისა, გაცემული მოგებები დაიბეგრება თანხის გატანისას 2%-იანი საშემოსავლო გადასახადით.
კანონპროექტის ავტორები ვარაუდობენ, რომ ეს სიახლე 2022 წელს ბიუჯეტს მხოლოდ მოგების გადასახადის ნაწილში 127 მლნ ლარით შეავსებს, ხოლო საშემოსავლო გადასახადის ნაწილში – კიდევ 98 მლნ ლარით.
კაზინო - Sputnik საქართველო, 1920, 29.11.2021
სათამაშო ბიზნესს ახალ რეგულაციებს უწესებენ: ფინანსთა მინისტრის განმარტება
საკანონმდებლო ცვლილებები აზარტულ და მომგებიან თამაშებში მონაწილეობისთვის ასაკობრივი ზღვარის გაზრდას ითვალისწინებს. კერძოდ, 25 წლამდე ასაკის პირთა (18 წლამდე უცხო ქვეყნის მოქალაქის/მოქალაქეობის არმქონე პირის) თამაშში მონაწილეობა აკრძალული იქნება. შედგება ასევე ლუდომანების (თამაშზე დამოკიდებულ პირთა) და გარკვეული კატეგორიის პირთა სია, რომელთაც თამაში აეკრძალებათ. კერძოდ, კანონპროექტით განისაზღვრება, რომ პირი თავისი განცხადების საფუძველზე მოითხოვს დამოკიდებულ პირთა სიაში მისი მონაცემების შეტანას, ასევე მისი ოჯახის წევრი უფლებამოსილი იქნება, სასამართლოს წესით მოითხოვოს პირის მონაცემების რეესტრში შეტანა.
შედგება მეორე სიაც. მასში შევლენ საბიუჯეტო ორგანიზაციებში, მარეგულირებელ ორგანოებში, ეროვნულ ბანკში დასაქმებული პირები და ასევე სოციალურად დაუცველთა მონაცემების ერთიან ბაზაში რეგისტრირებული ოჯახების წევრები.
პროექტის ავტორების შეფასებით, პირთა წრე, რომელთაც შეზღუდული ექნებათ წვდომა აზარტულ თამაშებზე, შეადგენს ერთ მილიონამდე სრულწლოვან ადამიანს, ხოლო ბიუჯეტი ამის გამო ყოველწლიურად 50 მილიონი ლარის შემოსავალს დაკარგავს.
კიდევ ერთ შეზღუდვას წარმოადგენს აზარტული თამაშების აკრძალვა როგორ ელექტრონულ გვერდებზე, ისე ტელევიზიით. გამონაკლისი იქნება სპორტული ღონისძიებები და აეროპორტის ზონა.
გარდა ამისა, ახალი რეგულაციებით აიკრძალება სათამაშო ბიზნესის რეკლამა ტელევიზიაში, ასევე გარე რეკლამა და ქართულ ვებ-გვერდებზე რეკლამის განთავსება.
ყველა ახალი ამბავი
0