ნეტარი ვასილის სახელობის ტაძარი რუსეთში - Sputnik საქართველო, 1920
ეს უცნაური რუსეთი, ეს უცნაური რუსები
ახალი და საინტერესო ამბები რუსეთის, რუსული შოუბიზნესის, უცნაური მოვლენებისა და სახალისო შემთხვევების შესახებ, წაიკითხეთ „Sputnik საქართველოს“ ვებგვერდზე.

გვიან მიხვდა: თაღლითებმა პროფესორს 7 მლნ გამოსძალეს

© Pixabay / janeb13ფულის გადაცემა
ფულის გადაცემა  - Sputnik საქართველო, 1920, 14.12.2021
გამოწერა
НовостиTelegram
თბილისი, 14 დეკემბერი — Sputnik. სამართალდამცველებად შენიღბულმა აფერისტებმა მოსკოვის სახელმწიფო უნივერსიტეტის პროფესორი დაარწმუნეს, გადაერიცხა მათთვის 7,3 მლნ რუბლი, რათა „ფული თაღლითებისგან გადაერჩინა“, იუწყება РИА Новости.
გავრცელებული ინფორმაციით, ტექნიკურ მეცნიერებათა დოქტორმა, პროფესორმა ტატიანა გრიშინამ პოლიციას მიმართა და აცნობა, რომ ნოემბრის ბოლოს მას უცნობმა პიროვნებამ დაურეკა და თავი პოლიციის თანამშრომლად წარუდგინა. უცნობმა ქალს უთხრა, რომ თაღლითები მისი სახელით კრედიტის გაფორმებას ცდილობდნენ, და რომ მათ დასაკავებლად სპეცოპერაცია ტარდებოდა.
ასლარიანი კუპიურები - Sputnik საქართველო, 1920, 30.11.2021
აფერა მილიონობით ლარზე: საქართველოში კიდევ ერთი თაღლითური სქემა გამოავლინეს
ამის შემდეგ პროფესორს უკვე სხვა პიროვნებამ დაურეკა, რომელიც ამჯერად უშიშროების ფედერალური სამსახურის თანამშრომლად გაეცნო. ცრუ სამართალდამცველებმა შეძლეს დაერწმუნებინათ გრიშინა, რომ ბანკში მისულიყო, გაეფორმებინა იქ კრედიტი დაახლოებით 3 მლნ რუბლზე და მათთვის გადაერიცხა.
ორიოდე დღის შემდეგ, უკვე დეკემბერში ტატიანა გრიშინას კიდევ ერთხელ დაურეკეს და მანაც კიდევ ერთხელ გააფორმა კრედიტი, რომელიც ასევე გადაურიცხა „სამართალდამცველებს“. შედეგად, ქალმა დაახლოებით ერთ კვირაში 7,34 მლნ ისესხა ბანკისგან და მთლიანად თაღლითებს „აჩუქა“.

„მას შემდეგ, რაც ბოლო ტრანში გადარიცხა, ქალი მიხვდა, რომ თაღლითების მსხვერპლი გახდა და პოლიციას მიმართა. სისხლის სამართლის საქმე აღძრულია „თაღლითობის“ მუხლით“, — წერს სააგენტო.

ამ დროისათვის პოლიცია დამნაშავეებს ეძებს.
აღინიშნება, რომ პროფესორი ტატიანა გრიშინა მოსკოვის სახელმწიფო უნივერსიტეტში რამდენიმე დისციპლინას ასწავლის. მათ შორის, კვალიმეტრიასა და ხარისხის მართვას, ცდების გაზომვებისა და კონტროლის მეთოდებსა და საშუალებებს, ხარისხის მართვის სისტემების ყოვლისმომცველი შეფასების მეთოდებს.
ყველა ახალი ამბავი
0