მსოფლიო ხელისგულზე - Sputnik საქართველო, 1920
მსოფლიო დღეს
მსოფლიოში მიმდინარე უახლესი ახალი ამბები, მსოფლიოს წინაშე მდგარი გამოწვევები, აქტუალური თემები, მიმოხილვა და ანალიზი იხილეთ Sputnik საქართველოს ვებგვერდზე.

„ვემხრობით, მაგრამ...“ – ცნობილია კანცლერ შოლცის პოზიცია „ჩრდილოეთის ნაკადი-2“-ის მიმართ

© photo: Sputnik / Alexey Vitvitskiy / გადასვლა მედიაბანკშიოლაფ შოლცი
ოლაფ შოლცი - Sputnik საქართველო, 1920, 10.12.2021
გამოწერა
თბილისი, 10 დეკემბერი − Sputnik. გერმანიის ახალი კანცლერის ოლაფ შოლცის ადმინისტრაცია მხარს უჭერს გაზსადენ „ჩრდილოეთის ნაკადი-2“-ს, მაგრამ გარკვეულ შემთხვევაში შეუძლია დაბლოკოს ის, წერს Financial Times-ი წყაროებზე დაყრდნობით.
გავრცელებული ინფორმაციით, გაზსადენის დაბლოკვის საბაბად შეიძლება რუსეთსა და უკრაინას შორის სამხედრო კონფლიქტი იქცეს.

„შოლცის ადმინისტრაცია განიხილავს „ჩრდილოეთის ნაკადი-2“-ის გაჩერების შესაძლებლობას რუსეთის უკრაინაში შეჭრის შემთხვევაში. ამის შესახებ ახალ მთავრობასთან დაახლოებულმა პირებმა გვაცნობეს“, − წერს გამოცემა.

ამასთან ზუსტდება, რომ ასეთი ზომა რუსეთის წინააღმდეგ უფრო ფართო დასავლური სანქციების ფარგლებში განიხილება.
აღინიშნება ისიც, რომ მთლიანობაში გერმანიის ხელმძღვანელობა მხარს უჭერს რუსულ გაზსადენს.
ჩრდილოეთის ნაკადი-2 - Sputnik საქართველო, 1920, 01.12.2021
მსოფლიო დღეს
აშშ-ის თავდაცვის ბიუჯეტში „ჩრდილოეთის ნაკადი-2“-ის წინააღმდეგ შესწორება შედის
მანამდე რუსეთის პრეზიდენტის პრეს-მდივანმა დმიტრი პესკოვმა იმედი გამოთქვა, რომ გერმანიის კანცლერად ოლაფ შოლცის არჩევის შემდეგ ქვეყნის პოზიცია „ჩრდილოეთის ნაკადი-2“-ის მიმართ არ შეიცვლება.
„ჩრდილოეთის ნაკადი-2“-ის მშენებლობა მიმდინარე წლის სექტემბრის დასაწყისში დასრულდა. პროექტი მოიცავს გაზსადენის ორ ხაზს, რომელთა საერთო სიმძლავრე 55 მილიარდი კუბური მეტრია წელიწადში და გაჭიმულია რუსეთის სანაპიროდან ბალტიის ზღვის გავლით გერმანიამდე.
პროექტს აქტიურ წინააღმდეგობას უწევენ აშშ, უკრაინა და ევროკავშირის ქვეყნები, ვინაიდან „ჩრდილოეთის ნაკადი-2“ პოლიტიკური ზეწოლის იარაღად მიაჩნიათ კრემლის ხელში. რუსეთმა არაერთხელ მოუწოდა დასავლეთს, არ განიხილონ გაზსადენი პოლიტიკის კონტექსტში, ვინაიდან ის მხოლოდ კომერციული პროექტია, რომელიც რუსეთისთვისაც ხელსაყრელია და ევროკავშირისთვისაც.
ყველა ახალი ამბავი
0