https://sputnik-georgia.com/20211204/yalbi-mwvane-pasportebis-saqme-dakavebul-eqimebs-brali-waredginat-262592704.html
ყალბი „მწვანე პასპორტების" საქმე – დაკავებულ ექიმებს ბრალი წარედგინათ
ყალბი „მწვანე პასპორტების" საქმე – დაკავებულ ექიმებს ბრალი წარედგინათ
Sputnik საქართველო
მე-4 სამედიცინო ცენტრის დირექტორისა და ამავე ცენტრის ექიმის მიმართ სასამართლო აღკვეთის ღონისძიების შეფარდებაზე ხვალ იმსჯელებს. 04.12.2021-ს, Sputnik საქართველო
2021-12-04T16:31+0400
2021-12-04T16:31+0400
2023-08-17T18:15+0400
ახალი ამბები
საქართველო
შემთხვევები საქართველოში
covid-19
https://cdnn1.img.sputnik-georgia.com/img/07e5/05/13/251768358_0:27:1920:1107_1920x0_80_0_0_c674f1a0d2c378bac78487c3cde57af5.jpg
თბილისი, 4 დეკემბერი – Sputnik. კომერციული მოსყიდვისა და ყალბი ოფიციალური დოკუმენტების დამზადება–გასაღების ფაქტზე დაკავებულ ექიმებს ბრალი ოფიციალურად წაუყენეს.სახელმწიფო უსაფრთხოების სამსახურმა (სუსმა) კომერციული მოსყიდვისა და ყალბი ოფიციალური დოკუმენტების დამზადება–გასაღების ფაქტზე მე-4 სამედიცინო ცენტრის დირექტორი და ამავე ცენტრის ექიმი გუშინ, 3 დეკემბერს დააკავა.გავრცელებული ინფორმაციით, დაკავებულების მიმართ სასამართლო აღკვეთის ღონისძიების შეფარდებაზე სავარაუდოდ, ხვალ იმსჯელებს.გამოძიებამ დაადგინა, რომ აღნიშნულმა პირებმა თანხის სანაცვლოდ კორონავირუსის საწინააღმდეგო Pfizer-ის ვაქცინით აცრის დამადასტურებელი ყალბი საბუთი დაამზადეს და უკანონოდ დაარეგისტრირეს დაავადებათა კონტროლისა და საზოგადოებრივი ჯანმრთელობის ეროვნული ცენტრის ოფიციალურ ვებ-გვერდზე. შედეგად მოქალაქე, რომელსაც არ ჰქონდა ჩატარებული ვაქცინაცია, აღირიცხა აცრილად და მიენიჭა სახელმწიფოს მიერ კოვიდ-რეგულაციების ფარგლებში დადგენილი შეღავათები.უწყების ცნობით, გარდა აღნიშნული ფაქტისა, გამოძიების ფარგლებში მოპოვებული მტკიცებულებებით ირკვევა, რომ ბრალდებულები ყალბი დოკუმენტების დამზადება–გამოყენების გზით არავაქცინირებულ პირებს ვებ-გვერდზე სისტემატურად არეგისტრირებდნენ. სუსში აცხადებენ, რომ ამ დროისათვის ასეთი პირების იდენტიფიცირება მიმდინარეობს.ამასთან, პარალელურ რეჟიმში ტარდება ინვენტარიზაცია მე-4 სამედიცინო დაწესებულებისთვის გადაცემული ვაქცინის ხარჯვის კანონიერების დასადგენად.გამოძიება საქართველოს სისხლის სამართლის კოდექსის 221-ე მუხლის მე-4 ნაწილით (კომერციული მოსყიდვა ჯგუფურად) და 362-ე მუხლის პირველი ნაწილით (ყალბი დოკუმენტის დამზადება ან გამოყენება) მიმდინარეობს.
https://sputnik-georgia.com/20211203/yalbi-mwvane-pasportebi-dakavebulia-ori-piri-262577314.html
https://sputnik-georgia.com/20211026/kovid-pasportebi-da-pcr-testis-uaryopiti-pasuxi-70-evrod-261491733.html
საქართველო
Sputnik საქართველო
media@sputniknews.com
+74956456601
MIA „Rossiya Segodnya“
2021
Sputnik საქართველო
media@sputniknews.com
+74956456601
MIA „Rossiya Segodnya“
ახალი ამბები
ka_KA
Sputnik საქართველო
media@sputniknews.com
+74956456601
MIA „Rossiya Segodnya“
Sputnik საქართველო
media@sputniknews.com
+74956456601
MIA „Rossiya Segodnya“
ახალი ამბები, საქართველო, შემთხვევები საქართველოში, covid-19
ახალი ამბები, საქართველო, შემთხვევები საქართველოში, covid-19
ყალბი „მწვანე პასპორტების" საქმე – დაკავებულ ექიმებს ბრალი წარედგინათ
16:31 04.12.2021 (განახლებულია: 18:15 17.08.2023) მე-4 სამედიცინო ცენტრის დირექტორისა და ამავე ცენტრის ექიმის მიმართ სასამართლო აღკვეთის ღონისძიების შეფარდებაზე ხვალ იმსჯელებს.
თბილისი, 4 დეკემბერი – Sputnik. კომერციული მოსყიდვისა და ყალბი ოფიციალური დოკუმენტების დამზადება–გასაღების ფაქტზე დაკავებულ ექიმებს ბრალი ოფიციალურად წაუყენეს.
სახელმწიფო უსაფრთხოების სამსახურმა (სუსმა) კომერციული მოსყიდვისა და ყალბი ოფიციალური დოკუმენტების დამზადება–გასაღების ფაქტზე მე-4 სამედიცინო ცენტრის დირექტორი და ამავე ცენტრის ექიმი გუშინ, 3 დეკემბერს დააკავა.
გავრცელებული ინფორმაციით, დაკავებულების მიმართ სასამართლო აღკვეთის ღონისძიების შეფარდებაზე სავარაუდოდ, ხვალ იმსჯელებს.
გამოძიებამ დაადგინა, რომ აღნიშნულმა პირებმა თანხის სანაცვლოდ კორონავირუსის საწინააღმდეგო Pfizer-ის ვაქცინით აცრის დამადასტურებელი ყალბი საბუთი დაამზადეს და უკანონოდ დაარეგისტრირეს დაავადებათა კონტროლისა და საზოგადოებრივი ჯანმრთელობის ეროვნული ცენტრის ოფიციალურ ვებ-გვერდზე. შედეგად მოქალაქე, რომელსაც არ ჰქონდა ჩატარებული ვაქცინაცია, აღირიცხა აცრილად და მიენიჭა სახელმწიფოს მიერ კოვიდ-რეგულაციების ფარგლებში დადგენილი შეღავათები.
უწყების ცნობით, გარდა აღნიშნული ფაქტისა, გამოძიების ფარგლებში მოპოვებული მტკიცებულებებით ირკვევა, რომ ბრალდებულები ყალბი დოკუმენტების დამზადება–გამოყენების გზით არავაქცინირებულ პირებს ვებ-გვერდზე სისტემატურად არეგისტრირებდნენ. სუსში აცხადებენ, რომ ამ დროისათვის ასეთი პირების იდენტიფიცირება მიმდინარეობს.
ამასთან, პარალელურ რეჟიმში ტარდება ინვენტარიზაცია მე-4 სამედიცინო დაწესებულებისთვის გადაცემული ვაქცინის ხარჯვის კანონიერების დასადგენად.
გამოძიება საქართველოს სისხლის სამართლის კოდექსის 221-ე მუხლის მე-4 ნაწილით (კომერციული მოსყიდვა ჯგუფურად) და 362-ე მუხლის პირველი ნაწილით (ყალბი დოკუმენტის დამზადება ან გამოყენება) მიმდინარეობს.
