სააკაშვილი 2007 წლის 7 ნოემბერზე: აქციის დაშლის დირექტივა არავისთვის მიმიცია

© AP Photo / SHAKH AIVAZOV2007 წლის 7 ნოემბრის აქციის დარბევა
2007 წლის 7 ნოემბრის აქციის დარბევა - Sputnik საქართველო, 1920, 29.11.2021
გამოწერა
თბილისი, 29 ნოემბერი – Sputnik. თბილისის საქალაქო სასამართლოს სხდომათა დარბაზში ექს-პრეზიდენტმა მიხეილ სააკაშვილმა განაცხადა, რომ 2007 წლის 7 ნოემბრის საპროტესტო აქციის დარბევის ბრძანება მას არ გაუცია.
მიხეილ სააკაშვილი მის წინააღმდეგ გამართულ სასამართლო პროცესს პირველად ესწრება. მანამდე საქალაქო სასამართლოში ჩატარდა პროცესები ორ საქმეზე – საბიუჯეტო სახსრების გაფლანგვაზე და საზღვრის უკანონო კვეთაზე.
მიხეილ სააკაშვილის მხარდამჭერი აქცია თბილისის საქალაქო სასამართლოსთან - Sputnik საქართველო, 1920, 29.11.2021
სააკაშვილის საქმე: ძალოვანი უწყება აქციის მონაწილეებს აფრთხილებს
სააკაშვილის თქმით, 2007 წლის 7 ნოემბერს ყველაფერი პოლიციასთან უმნიშვნელო დაპირისპირებით დაიწყო.

„ამის შემდეგ ბევრი ადამიანი გამოვიდა და ავანსცენაზე უკვე იყო შინაგან საქმეთა მინისტრი (ვანო მერაბიშვილი - რედ.). მე ყველაფერს ტელევიზორით ვუყურებდი და არავისთვის დირექტივა არ მიმიცია. ისინი იქცეოდნენ ისე, როგორც ესმოდათ და რა გამოცდილებაც ჰქონდა ჩვენს პოლიციას, რომელიც მაშინ ძალიან ახალგაზრდა და გამოუცდელი იყო“, – განაცხადა სააკაშვილმა პროცესზე.

ამასთან , მისი თქმით, საპროტესტო აქციების დაშლა „ხდება ბევრ ქვეყანაში და არავის მოსდის აზრად ამაზე საქმეების აღძვრა“.
„ამის შემდეგ მე გავაკეთე ის, რასაც მსოფლიოში პრაქტიკულად ძალზე ცოტა ლიდერი აკეთებს. მე გადავდექი. ჩემი საპრეზიდენტო ვადა 1,5 წლით შევამცირე და წავედი ახალ საპრეზიდენტო არჩევნებზე, რომელიც გაჭირვებით, მაგრამ მოვიგეთ“.
საქმე, რომელიც საქალაქო სასამართლოში დღეს იხილება, სამი ეპიზოდისგან შედგება: აქციის დარბევა, „ტელეიმედში“ შეჭრა და ტელეკომპანიის მფლობელის, ბიზნესმენ ბადრი პატარკაციშვილის ქონების მითვისება.
თბილისში 2007 წლის 7 ნოემბრის დარბევა გაიხსენეს - ვიდეო
 - Sputnik საქართველო, 1920, 08.11.2021
თბილისში 2007 წლის 7 ნოემბრის დარბევა გაიხსენეს – ვიდეო
სააკაშვილის თქმით, ნოემბრის აქციების უკან პატარკაციშვილი იდგა, რომელიც, ექს-პრეზიდენტის მტკიცებით, რუსეთის მიერ საქართველოს მომავალ პრეზიდენტად მოიაზრებოდა. როგორც მსჯავრდებულმა განაცხადა, აქციის დაშლით, ერთი მხრივ, „რუსეთის გეგმები ჩაიშალა“, მეორე მხრივ კი „ნატოში ინტეგრაციის დაბლოკვა არ მოხდა“.
საქართველოს მესამე პრეზიდენტს ბრალი წაყენებული აქვს სსკ-ის 333-ე მუხლის მესამე ნაწილით – სამსახურებრივი უფლებამოსილების გადამეტება, რამაც ფიზიკური ან იურიდიული პირის უფლების, საზოგადოების ან სახელმწიფოს კანონიერი ინტერესის არსებითი დარღვევა გამოიწვია. დანაშაული ითვალისწინებს თავისუფლების აღკვეთას ხუთიდან რვა წლამდე ვადით.
სააკაშვილს განაჩენი დაუსწრებლად გამოტანილი აქვს ორ სისხლის სამართლის საქმეზე – გირგვლიანის მკვლელობაში მსჯავრდებულების შეწყალებისა და დეპუტატ ვალერი გელაშვილის ცემის საქმეებზე.
ყველა ახალი ამბავი
0
თავიდან ახლებითავიდან ძველები
loader
ეთერში
Заголовок открываемого материала
საერთაშორისო
InternationalEnglishინგლისურიMundoEspañolესპანური
ევროპა
DeutschlandDeutschგერმანულიFranceFrançaisფრანგულიΕλλάδαΕλληνικάბერძნულიItaliaItalianoიტალიურიČeská republikaČeštinaჩეხურიPolskaPolskiპოლონურიСрбиjаСрпскиსერბულიLatvijaLatviešuლატვიურიLietuvaLietuviųლიეტუვურიMoldovaMoldoveneascăმოლდოვურიБеларусьБеларускiბელარუსული
ამიერკავკასია
ԱրմենիաՀայերենსომხურისაქართველოქართულიქართულიAzərbaycanАzərbaycancaაზერბაიჯანული
ახლო აღმოსავლეთი
Sputnik عربيArabicარაბულიTürkiyeTürkçeთურქულიSputnik ایرانPersianფარსიSputnik افغانستانDariდარი
ცენტრალური აზია
ҚазақстанҚазақ тіліყაზახურიКыргызстанКыргызчаყირგიზულიOʻzbekistonЎзбекчаუზბეკურიТоҷикистонТоҷикӣტაჯიკური
აღმოსავლეთი და სამხრეთ-აღმოსავლეთი აზია
Việt NamTiếng Việtვიეტნამური日本日本語იაპონური中国中文ჩინური
სამხრეთი ამერიკა
BrasilPortuguêsპორტუგალიური