https://sputnik-georgia.com/20211111/premieri-didgori-2021-krizisebis-martvas-xels-sheuwyobs-261983449.html
პრემიერი: „დიდგორი 2021“ ქვეყანაში კრიზისების მართვას შეუწყობს ხელს
პრემიერი: „დიდგორი 2021“ ქვეყანაში კრიზისების მართვას შეუწყობს ხელს
Sputnik საქართველო
წლევანდელი „დიდგორი 2021“ წინა სწავლებებისგან განსხვავებით მასშტაბური და გამორჩეულია, რადგან, საშტაბო ნაწილის გარდა, საველე კომპონენტებსაც მოიცავს. 11.11.2021-ს, Sputnik საქართველო
2021-11-11T15:49+0400
2021-11-11T15:49+0400
2021-11-11T22:26+0400
ახალი ამბები
საქართველო
საქართველოს მთავრობა
საქართველოს თავდაცვა
https://cdnn1.img.sputnik-georgia.com/img/07e5/07/18/252411463_0:66:1280:786_1920x0_80_0_0_31ed4ced83a24b1e5abe1c6f4b71f1a2.jpg
თბილისი, 11 ნოემბერი — Sputnik. სამეთაურო-საშტაბო სწავლებაში „დიდგორი 2021“ ყველა უწყებაა ჩართული, რაც მომავალში ხელს შეუწყობს ნებისმიერი კრიზისის მართვას ქვეყანაში, განაცხადა საქართველოს პრემიერ-მინისტრმა ირაკლი ღარიბაშვილმა.საქართველოში უწყებათშორისი სამეთაურო-საშტაბო სწავლება „დიდგორი 2021“ 8 ნოემბერს დაიწყო. დღეს კრწანისის საერთო საჯარისო ცენტრში მთავრობის მეთაური თავდაცვის მინისტრ ჯუანშერ ბურჭულაძესთან ერთად სწავლების მიმდინარეობას დაესწრო.„სწავლება „დიდგორი 2021“ მართლაც მნიშვნელოვანია. მოგეხსენებათ, რომ, ზოგადად, კოორდინაციას მეტი სწავლება, მეტი ტრენინგი სჭირდება. მივესალმები, რომ წელს ასეთი წარმატებული სწავლება ტარდება“, – განაცხადა ირაკლი ღარიბაშვილმა.პრემიერ-მინისტრ ღარიბაშვილს თავდაცვის ძალების მეთაურმა გიორგი მათიაშვილმა სწავლების დაგეგმვასა და აღსრულებაში შეტანილი განსაკუთრებული წვლილისა და მხარდაჭერისთვის „დიდგორი 2021“-ის სახელობითი სასაჩუქრე დაფა გადასცა.„დიდგორი 2021“ წინა სწავლებებთან შედარებით მასშტაბური და განსხვავებულია, რადგან, საშტაბო ნაწილის გარდა, საველე კომპონენტებსაც მოიცავს. მასში მონაწილეობას იღებენ სტრატეგიული და ოპერატიული დონის შტაბები, საქართველოს პრეზიდენტის ადმინისტრაციის, საქართველოს პარლამენტისა და სხვა სახელმწიფო უწყებების წარმომადგენლები.სწავლებაში პირველად ხორციელდება ახალი სიმულაციური სისტემები VBS3-ის, ანუ ვირტუალური ბრძოლის ველის გამოყენება. სიმულაციური სისტემები საწვრთნელ ქვედანაყოფსა და სწავლების მაკონტროლებელ ჯგუფს საშუალებას აძლევს სწავლებაში მიმდინარე მოვლენები რეალურ დროში აკონტროლონ და საერთო ოპერატიულ სურათზე გამოსახონ.უწყებათშორისი სწავლება 8-12 ნოემბრის ჩათვლით წელს მერვედ ტარდება. მისი მიზანია კრიზისული და საომარი ვითარების დროს სამთავრობო უწყებებს შორის კოორდინაციის გაღრმავება და ურთიერთქმედების დახვეწა. სწავლების დაგეგმვისა და აღსრულების პროცესს თავდაცვის ძალები ხელმძღვანელობს.
https://sputnik-georgia.com/20211105/didgori-2021-opicialurad-gaixsna-261829629.html
საქართველო
Sputnik საქართველო
media@sputniknews.com
+74956456601
MIA „Rosiya Segodnya“
2021
Sputnik საქართველო
media@sputniknews.com
+74956456601
MIA „Rosiya Segodnya“
ახალი ამბები
ka_KA
Sputnik საქართველო
media@sputniknews.com
+74956456601
MIA „Rosiya Segodnya“
Sputnik საქართველო
media@sputniknews.com
+74956456601
MIA „Rosiya Segodnya“
ახალი ამბები, საქართველო, საქართველოს მთავრობა , საქართველოს თავდაცვა
ახალი ამბები, საქართველო, საქართველოს მთავრობა , საქართველოს თავდაცვა
პრემიერი: „დიდგორი 2021“ ქვეყანაში კრიზისების მართვას შეუწყობს ხელს
15:49 11.11.2021 (განახლებულია: 22:26 11.11.2021) წლევანდელი „დიდგორი 2021“ წინა სწავლებებისგან განსხვავებით მასშტაბური და გამორჩეულია, რადგან, საშტაბო ნაწილის გარდა, საველე კომპონენტებსაც მოიცავს.
თბილისი, 11 ნოემბერი — Sputnik. სამეთაურო-საშტაბო სწავლებაში „დიდგორი 2021“ ყველა უწყებაა ჩართული, რაც მომავალში ხელს შეუწყობს ნებისმიერი კრიზისის მართვას ქვეყანაში,
განაცხადა საქართველოს პრემიერ-მინისტრმა ირაკლი ღარიბაშვილმა.
საქართველოში უწყებათშორისი სამეთაურო-საშტაბო სწავლება „დიდგორი 2021“ 8 ნოემბერს დაიწყო. დღეს კრწანისის საერთო საჯარისო ცენტრში მთავრობის მეთაური თავდაცვის მინისტრ ჯუანშერ ბურჭულაძესთან ერთად სწავლების მიმდინარეობას დაესწრო.
„სწავლება „დიდგორი 2021“ მართლაც მნიშვნელოვანია. მოგეხსენებათ, რომ, ზოგადად, კოორდინაციას მეტი სწავლება, მეტი ტრენინგი სჭირდება. მივესალმები, რომ წელს ასეთი წარმატებული სწავლება ტარდება“, – განაცხადა ირაკლი ღარიბაშვილმა.
პრემიერ-მინისტრ ღარიბაშვილს თავდაცვის ძალების მეთაურმა გიორგი მათიაშვილმა სწავლების დაგეგმვასა და აღსრულებაში შეტანილი განსაკუთრებული წვლილისა და მხარდაჭერისთვის „დიდგორი 2021“-ის სახელობითი სასაჩუქრე დაფა გადასცა.
„დიდგორი 2021“ წინა სწავლებებთან შედარებით მასშტაბური და განსხვავებულია, რადგან, საშტაბო ნაწილის გარდა, საველე კომპონენტებსაც მოიცავს. მასში მონაწილეობას იღებენ სტრატეგიული და ოპერატიული დონის შტაბები, საქართველოს პრეზიდენტის ადმინისტრაციის, საქართველოს პარლამენტისა და სხვა სახელმწიფო უწყებების წარმომადგენლები.
სწავლებაში პირველად ხორციელდება ახალი სიმულაციური სისტემები VBS3-ის, ანუ ვირტუალური ბრძოლის ველის გამოყენება. სიმულაციური სისტემები საწვრთნელ ქვედანაყოფსა და სწავლების მაკონტროლებელ ჯგუფს საშუალებას აძლევს სწავლებაში მიმდინარე მოვლენები რეალურ დროში აკონტროლონ და საერთო ოპერატიულ სურათზე გამოსახონ.
უწყებათშორისი სწავლება 8-12 ნოემბრის ჩათვლით წელს მერვედ ტარდება. მისი მიზანია კრიზისული და საომარი ვითარების დროს სამთავრობო უწყებებს შორის კოორდინაციის გაღრმავება და ურთიერთქმედების დახვეწა. სწავლების დაგეგმვისა და აღსრულების პროცესს თავდაცვის ძალები ხელმძღვანელობს.
