Предвыборная агитация. Европейская Грузия проводит встречи с избирателями. Флаги Грузии и НАТО - Sputnik საქართველო, 1920
არჩევნები 2021
საქართველოში 2 ოქტომბერს თვითმმართველობის არჩევნები გაიმართა. კენჭისყრის შედეგების თანახმად, ზოგ ქალაქსა და რაიონში მეორე ტურის ჩატარება გახდა აუცილებელი. 30 ოქტომბერს ქვეყნის მოსახლეობა 20 მერსა და საკრებულოების 42 მაჟორიტარ დეპუტატს ირჩევს.

ოპოზიცია ბათუმში მრავალათასიან მიტინგს მართავს

© photo: Sputnik / Stringerაქცია ბათუმში
აქცია ბათუმში - Sputnik საქართველო, 1920, 02.11.2021
გამოწერა
НовостиTelegram
ფართომასშტაბიანი აქციები გაგრძელდება მანამ, სანამ სიმართლეს არ მივაღწევთ, და ეს უახლოეს დროს მოხდება, განაცხადა „ნაციონალური მოძრაობის“ ლიდერმა.
თბილისი, 2 ნოემბერი – Sputnik. მთავარი ოპოზიციური პარტია „ერთიანი ნაციონალური მოძრაობა“ და მასთან კოალიციაში მყოფი პარტიები ბათუმის ცენტრში საპროტესტო აქციას მართავენ.
ოპოზიციონერები შეიკრიბნენ, რათა არჩევნების მეორე ტურის შედეგები გააპროტესტონ და შემდგომ გეგმებზე ისაუბრონ.
აქციაზე რამდენიმე ათასი ადამიანი შეიკრიბა, მათ ქალაქის ცენტრში არსებული მოედანი მთლიანად გაავსეს. მათ უჭირავთ საქართველოს და პარტიების დროშები. აქ შეიკრიბნენ არა მარტო „ნაციონალური მოძრაობის“, არამედ „ლელოს“, „გირჩის“, „დროას“ და სხვა პარტიების მხარდამჭერები.
ელენე ხოშტარია - Sputnik საქართველო, 1920, 01.11.2021
ოპოზიციის აქცია თბილისში გაიმართება, მაგრამ არა 7 ნოემბერს
აქციის მონაწილეებს პარტიების ლიდერები სიტყვით მიმართავენ.

„დიახაც, საპროტესტო აქციებისკენ ვაპირებთ სვლას, ფართომასშტაბიანი აქციები არ შეჩერდება მანამ, სანამ სიმართლე არ გაიმარჯვებს უახლოეს მომავალში“, – აღნიშნა „ნაცმოძრაობის“ ლიდერმა ნიკა მელიამ.

ამავე დროს პარტიის თავმჯდომარემ აღნიშნა, რომ აქციები ოპოზიციის თვითმიზანს არ წარმოადგენს.
ის ხელისუფლებას სიურპრიზების მოწყობასაც დაპირდა.
„ეს არის ქართველი ხალხის დაკვეთა, რომ ჩვენ ძალიან მჭიდრო დაპირისპირებაშიც კი შემოვიდეთ, საჭიროების შემთხვევაში. მშვიდობიანად და ხელებაწეულები. სიმრავლით დაგამარცხებთ... სიურპრიზებსაც მოგიმზადებთ, ისეთ სიურპრიზებს მოგიმზადებთ, რომლებიც გაგაკვირვებთ და რომელიც გაახარებს ამ ქვეყნის და სახელმწიფოს ბევრ ქომაგს“, - განაცხადა მელიამ.
საპატრულო პოლიცია - Sputnik საქართველო, 1920, 01.11.2021
სააკაშვილის მხარდამჭერი აქცია პოლიციასთან შეხლა-შემოხლაში გადაიზარდა
გარდა ამისა, მელიამ განაცხადა, რომ ოპოზიცია ექს-პრეზიდენტ მიხეილ სააკაშვილის გათავისუფლებისთვის იბრძოლებს და ამ ბრძოლას ბოლომდე მიიყვანენ.
ბათუმში მიმდინარე აქცია ოპოზიციის სხვა ლიდერების გამოსვლებით გრძელდება.
ყველა ახალი ამბავი
0