სააკაშვილმა სამედიცინო კონსილიუმთან შეხვედრაზე უარი განაცხადა

© photo: Sputnik / Vladimir Umikashviliსააკაშვილის გათავისუფლების მოთხოვნით გამართული აქცია
სააკაშვილის გათავისუფლების მოთხოვნით გამართული აქცია - Sputnik საქართველო, 1920, 28.10.2021
გამოწერა
საქართველოს ყოფილმა პრეზიდენტმა ციხეში ყოველგვარ სამედიცინო დახმარებაზე უარი თქვა.
თბილისი, 28 ოქტომბერი – Sputnik. საქართველოს ექს-პრეზიდენტმა მიხეილ სააკაშვილმა, რომელიც ციხეში 28-ე დღეა შიმშილობს, ექიმების კონსილიუმთან შეხვედრაზე უარი თქვა, განაცხადა საქართველოს პარლამენტის ოპოზიციონერმა დეპუტატმა როსტომ ჩხეიძემ რუსთავის ციხეში პატიმართან შეხვედრის შემდეგ.
ნინო ლომჯარია - Sputnik საქართველო, 1920, 27.10.2021
საქართველოს საზღვარზე უკრაინელი ომბუდსმენი დააბრკოლეს: ნინო ლომჯარია შეშფოთებულია
ჩხეიძის თქმით, მათი შეხვედრის დროს ოთახში შეიხედეს ციხის ადმინისტრაციის წარმომადგენლებმა და აცნობეს ექს-პრეზიდენტს, რომ კონსილიუმი შეიკრიბა. კითხვაზე, შეხვდებოდა თუ არა მათ, სააკაშვილმა უარით უპასუხა.

„როდესაც ვცადე, რომ მეთანაგრძნო და მენუგეშებინა, არ დამანება, როდესაც მისი გამხნევება დავიწყე, მან აქეთ გამამხნევა. ის ძალიან დიდი იმედით უყურებს ზეგინდელ დღეს – არჩევნებს. მას მიაჩნია, რომ სასიკეთო ცვლილებები ნამდვილად მოხდება“, – განუცხადა ჟურნალისტებს ჩხეიძემ.

გუშინ სააკაშვილმა მის შიმშილობასთან დაკავშირებულ ნებისმიერ სამედიცინო დახმარებაზე უარი განაცხადა.
საქართველოს მესამე პრეზიდენტი მიხეილ სააკაშვილი რუსთავის პენიტენციურ დაწესებულებაში 28-ე დღეა შიმშილობს. დღეს ციხეში შევიდნენ ექიმები, რათა მესამე პრეზიდენტის ჯანმრთელობის მდგომარეობა შეემოწმებინათ და მოემზადებინათ ანგარიში იმის შესახებ, ესაჭიროება თუ არა მას ჰოსპიტალიზაცია. თავად ექს-პრეზიდენტი, მისი პირადი ექიმი და ადვოკატები თანახმა არიან მის გადაყვანაზე მხოლოდ მრავალპროფილურ სამოქალაქო კლინიკაში. იუსტიციის სამინისტროში კი მხოლოდ იმაზე არიან თანახმა, რომ საჭიროების შემთხვევაში ექს-პრეზიდენტის ჰოსპიტალიზაცია სპეციალური პენიტენციური სამსახურის №18 სამკურნალო დაწესებულებაში მოხდეს.
რუსთავის ციხე - Sputnik საქართველო, 1920, 28.10.2021
რატომ განახლდა შეხვედრების ოთახში მინის ბარიერი: პენიტენციური სამსახურის განმარტება
საქართველოს მესამე პრეზიდენტი მიხეილ სააკაშვილი უკრაინიდან სამშობლოში არალეგალურად 29 სექტემბერს ჩამოვიდა და ის 1 ოქტომბერს თბილისში დააკავეს. საქართველოში ექს-პრეზიდენტის წინააღმდეგ რიგი სისხლის სამართლის საქმეებია აღძრული და ამ დროისათვის ის ორი განაჩენის საფუძველზეა რუსთავის პენიტენციურ დაწესებულებაში მოთავსებული. სააკაშვილი საკუთარ თავს პოლიტპატიმარს უწოდებს და გათავისუფლების მოთხოვნით შიმშილობს.
ყველა ახალი ამბავი
0