https://sputnik-georgia.com/20211020/koronavirusi-skolebsi-distanciur-swavlebaze-150-skola-gadavida-261335411.html
კორონავირუსი სკოლებში: დისტანციურ სწავლებაზე 150 სკოლა გადავიდა
კორონავირუსი სკოლებში: დისტანციურ სწავლებაზე 150 სკოლა გადავიდა
Sputnik საქართველო
მასწავლებლების ვაქცინაცია და სკოლებში ინფექციის შიდა გავრცელების მართვა ხელს უწყობს საკლასო ოთახებში სასწავლო პროცესის გაგრძელებას, აღნიშნა თამარ გაბუნიამ. 20.10.2021-ს, Sputnik საქართველო
2021-10-20T16:36+0400
2021-10-20T16:36+0400
2023-08-17T18:14+0400
covid-19 - ბოლო ცნობები
საზოგადოება
ახალი ამბები
საქართველო
განათლება საქართველოში
covid-19
https://cdnn1.img.sputnik-georgia.com/img/07e5/02/11/250908728_30:0:3470:1935_1920x0_80_0_0_57f8d5aa15c845640877a2d51972f5d6.jpg
თბილისი, 20 ოქტომბერი – Sputnik. ბოლო მონაცემებით, კორონავირუსის გავრცელების გამო დისტანციურ სწავლებაზე 150 სკოლა და 400-მდე კლასი გადავიდა, განაცხადა ჯანდაცვის მინისტრის მოადგილემ თამარ გაბუნიამ საკოორდინაციო საბჭოს სხდომის დასრულების შემდეგ გამართულ ბრიფინგზე.COVID-19: თბილისში 99 საბავშვო ბაღი დაიხურა>>მინისტრის მოადგილემ აღნიშნა, რომ სასწავლო დაწესებულებებში ინფექციის შიდა გავრცელება მართვადია. მისი თქმით, პედაგოგთა 65%-მდე ვაქცინირებულია, თუმცა ეს მაჩვენებელი არ არის საკმარისი.მისი თქმით, ვაქცინაცია და ვირუსის შიდა გავრცელების მართვა არის ის მექანიზმი, რომელიც სასწავლო პროცესის დასწრებით ფორმატში გაგრძელების საშუალებას იძლევა.ბოლო მონაცემებით, საქართველოში მასწავლებელთა შორის ინფიცირების მაჩვენებელი 1%-ია, მოსწავლეებს შორის – 0,8%.საქართველოში ახალი სასწავლო წელი 15 სექტემბერს დისტანციური სწავლებით დაიწყო, საკლასო ოთახებს მოსწავლეები 4 ოქტომბრიდან დაუბრუნდნენ.სკოლებში სასწავლო პროცესის განახლებასთან ერთად გამკაცრდა ვირუსის გავრცელების პრევენციული ღონისძიებები. კვლავ გრძელდება პედაგოგების, ადმინისტრაციის წარმომადგენლების, ტექპერსონალისა და მანდატურების კორონავირუსზე ტესტირება. სასწავლო დაწესებულებები აღჭურვილია სადეზინფექციო საშუალებებით, ბავშვებისთვის უსაფრთხო სასწავლო გარემოს შექმნის მიზნით მკაცრად ხდება ყველა კოვიდ-რეგულაციის დაცვა. თუმცა, კორონავირუსის შემთხვევებისგან თავის დაღწევა სრულად ვერ ხერხდება, რის გამოც მთლიანი სკოლა ან კონკრეტული კლასი ონლაინ–სწავლების ფორმატზე გადადის.
https://sputnik-georgia.com/20211019/gamatlebis-saministro-skolebis-daxurva-gamosavali-araa-261114647.html
საქართველო
Sputnik საქართველო
media@sputniknews.com
+74956456601
MIA „Rosiya Segodnya“
2021
Sputnik საქართველო
media@sputniknews.com
+74956456601
MIA „Rosiya Segodnya“
ახალი ამბები
ka_KA
Sputnik საქართველო
media@sputniknews.com
+74956456601
MIA „Rosiya Segodnya“
Sputnik საქართველო
media@sputniknews.com
+74956456601
MIA „Rosiya Segodnya“
საზოგადოება, ახალი ამბები, საქართველო, განათლება საქართველოში , covid-19
საზოგადოება, ახალი ამბები, საქართველო, განათლება საქართველოში , covid-19
კორონავირუსი სკოლებში: დისტანციურ სწავლებაზე 150 სკოლა გადავიდა
16:36 20.10.2021 (განახლებულია: 18:14 17.08.2023) მასწავლებლების ვაქცინაცია და სკოლებში ინფექციის შიდა გავრცელების მართვა ხელს უწყობს საკლასო ოთახებში სასწავლო პროცესის გაგრძელებას, აღნიშნა თამარ გაბუნიამ.
თბილისი, 20 ოქტომბერი – Sputnik. ბოლო მონაცემებით, კორონავირუსის გავრცელების გამო დისტანციურ სწავლებაზე 150 სკოლა და 400-მდე კლასი გადავიდა, განაცხადა ჯანდაცვის მინისტრის მოადგილემ თამარ გაბუნიამ საკოორდინაციო საბჭოს სხდომის დასრულების შემდეგ გამართულ ბრიფინგზე.
მინისტრის მოადგილემ აღნიშნა, რომ სასწავლო დაწესებულებებში ინფექციის შიდა გავრცელება მართვადია. მისი თქმით, პედაგოგთა 65%-მდე ვაქცინირებულია, თუმცა ეს მაჩვენებელი არ არის საკმარისი.
„იმისათვის, რომ სკოლებში ინფექციის გავრცელება შეჩერდეს, სასურველია მასწავლებელთა 80%-ზე მეტი იყოს აცრილი. სკოლების საერთო რაოდენობასთან შედარებით, ეს მაჩვენებელი მაღალი არ არის. კარგია, რომ სკოლები ახერხებენ ინფექციის შიდა გავრცელების მართვას“, – განაცხადა გაბუნიამ.
მისი თქმით, ვაქცინაცია და ვირუსის შიდა გავრცელების მართვა არის ის მექანიზმი, რომელიც სასწავლო პროცესის დასწრებით ფორმატში გაგრძელების საშუალებას იძლევა.
ბოლო მონაცემებით, საქართველოში მასწავლებელთა შორის ინფიცირების მაჩვენებელი 1%-ია, მოსწავლეებს შორის – 0,8%.
საქართველოში ახალი სასწავლო წელი 15 სექტემბერს დისტანციური სწავლებით დაიწყო, საკლასო ოთახებს მოსწავლეები 4 ოქტომბრიდან დაუბრუნდნენ.
სკოლებში სასწავლო პროცესის განახლებასთან ერთად გამკაცრდა ვირუსის გავრცელების პრევენციული ღონისძიებები. კვლავ გრძელდება პედაგოგების, ადმინისტრაციის წარმომადგენლების, ტექპერსონალისა და მანდატურების კორონავირუსზე ტესტირება. სასწავლო დაწესებულებები აღჭურვილია სადეზინფექციო საშუალებებით, ბავშვებისთვის უსაფრთხო სასწავლო გარემოს შექმნის მიზნით მკაცრად ხდება ყველა კოვიდ-რეგულაციის დაცვა. თუმცა, კორონავირუსის შემთხვევებისგან თავის დაღწევა სრულად ვერ ხერხდება, რის გამოც მთლიანი სკოლა ან კონკრეტული კლასი ონლაინ–სწავლების ფორმატზე გადადის.
