Пандемия коронавируса - COVID-19 и человеческие клетки изучаются под микроскопом - Sputnik საქართველო, 1920
COVID-19 - ბოლო ცნობები
კაცობრიობა უდიდეს გამოწვევის - კორონავირუსის საფრთხის წინაშე აღმოჩნდა. მეცნიერები და მსოფლიოს მთავრობები ყოველდღიურ ბრძოლაში არიან ჩართულნი ადამიანთა სიცოცხლის გადასარჩენად. რა ხდება მსოფლიოში და საქართველოში - იხილეთ Sputnik საქართველოს მასალებში.

აჭარაში კორონავირუსის საწინააღმდეგო ვაქცინით ზრდასრული მოსახლეობის 60%-ზე მეტია აცრილი

© press-service of the Ministry of Health & Social Affairs of Ajaraვაქცინაცია აჭარაში
ვაქცინაცია აჭარაში - Sputnik საქართველო, 1920, 20.10.2021
გამოწერა
ბოლო 24 საათის განმავლობაში აჭარაში კორონავირუსით ინფიცირების მხოლოდ 142 ახალი შემთხვევა დაფიქსირდა, მაშინ როდესაც თბილისში 1.775 შემთხვევა გამოვლინდა
თბილისი, 20 ოქტომბერი - Sputnik. აჭარაში კორონავირუსის საწინააღმდეგო ვაქცინით ზრდასრული მოსახლეობის 60%-ზე მეტი აიცრა, განაცხადა აჭარის ჯანდაცვის მინისტრმა ნინო ნიჟარაძემ.
საქართველოში ახალი კორონავირუსით დაავადებულთა რაოდენობა ბოლო დღე-ღამეში 5.219-ით გაიზარდა და ინფიცირებულთა საერთო რიცხვმა 675.771-ს მიაღწია. ყველაზე მეტი – 1.775 შემთხვევა თბილისში დაფიქსირდა, ხოლო აჭარა რეგიონებს შორის მეექვსე ადგილზეა და ბოლო 24 საათში იქ მხოლოდ 142 ახალი შემთხვევა დაფიქსირდა.
ადამიანები პირბადით - Sputnik საქართველო, 1920, 20.10.2021
COVID-19 - ბოლო ცნობები
საქართველოს მოსახლეობის რამდენმა პროცენტმა გადაიტანა კორონავირუსი – გამყრელიძე
როგორც ნიჟარაძემ განაცხადა, აჭარაში ვაქცინირებულია სამიზნე კონტინგენტის 62,8%, ანუ ჯამში აცრილია 220.670 ადამიანი, მათ შორის ორი დოზით აცრილია 102.075 მოქალაქე.
„ჩვენი მიზანია 18 წელს ზემოთ მოსახლეობის სრულად იმუნიზაცია. ამისათვის დაწყებულია მუშაობა და უახლოეს დღეებში სოფლებში ვაქცინაციის ტემპი უფრო გაიზრდება. უნდა აღინიშნოს, რომ ბოლო პერიოდში, სხვა რეგიონებთან შედარებით, აჭარაში კორონავირუსის შემთხვევათა სიმცირე სწორედ ვაქცინაციის მაღალი მოცვის მაჩვენებელს უკავშირდება“, – განაცხადა მინისტრმა.
აჭარაში კორონავირუსის საწინააღმდეგო ვაქცინის ჩატარება შესაძლებელია ჰოსპიტალურ დაწესებულებებში, ამბულატორიებში, ასევე სპეციალური სივრცეა გამოყოფილი უნივერსიტეტის შენობაში. მოქალაქეებს მათთვის სასურველი ვაქცინის ჩატარება წინასწარი რეგისტრაციის გარეშე შეუძლიათ.
ქართველი სპეციალისტები განგაშს ტეხენ და აღნიშნავენ, რომ ქვეყანაში მკვეთრად შემცირდა ვაქცინაციის მაჩვენებელი. ამ დროისათვის საქართველოს მასშტაბით სრულად, ორჯერადად აცრილია 910.782 ადამიანი, რაც ზრდასრული მოსახლეობის 31,9%-ს შეადგენს. ეპიდემიოლოგების განცხადებით, პანდემიის დასამარცხებლად საჭიროა ზრდასრული მოსახლეობის მინიმუმ 60–70%-ის აცრა.
ყველა ახალი ამბავი
0