სალომე ზურაბიშვილმა ავსტრიაში ვიზიტი დაიწყო

© President of Georgiaსალომე ზურაბიშვილი ავსტრიაში
სალომე ზურაბიშვილი ავსტრიაში - Sputnik საქართველო, 1920, 12.10.2021
გამოწერა
ვიზიტის ფარგლებში სალომე ზურაბიშვილი ქართულ-ავსტრიულ ბიზნეს-ფორუმს გახსნის.
თბილისი, 12 ოქტომბერი — Sputnik. საქართველოს პრეზიდენტმა სალომე ზურაბიშვილმა ავსტრიაში ვიზიტი დაიწყო, ნათქვამია პრეზიდენტის ადმინისტრაციის მიერ გავრცელებულ განცხადებაში.
საქართველოს სახელმწიფო მეთაურს ვენის საერთაშორისო აეროპორტში ავსტრიის საგარეო საქმეთა სამინისტროს წარმომადგენლები დახვდნენ.
ავსტრიაში საქართველოს საგანგებო და სრულუფლებიანი ელჩის ქეთევან ციხელაშვილის განცხადებით, საქართველოს პრეზიდენტის პირველი ოფიციალური ვიზიტი ავსტრიაში ძალიან მნიშვნელოვანი პოზიტიური ბიძგია ორი ქვეყნის სამომავლო ურთიერთობების განვითარებისთვის.
მონტენეგროს ელჩი და შს მინისტრის მოადგილე - Sputnik საქართველო, 1920, 08.10.2021
საქართველოსა და მონტენეგროს შორის რეადმისიის შესახებ შეთანხმება გაფორმდა
,,ამ ვიზიტის ფარგლებში შეხვედრები გაიმართება ეუთოს გენერალურ მდივანთან და ეუთოში ქალი ელჩების ჯგუფთან. პრეზიდენტი ძალიან დაინტერესებულია იმით, რომ ხელი შეუწყოს ,,ქალი, მშვიდობა, უსაფრთხოების" დღის წესრიგს საერთაშორისო მასშტაბით და, რა თქმა უნდა, ეუთოს ფარგლებში. ეს პირდაპირ კავშირშია ჩვენთვის ყველაზე მთავარ გამოწვევასთან – კონფლიქტის მშვიდობიან გადაჭრასთან და მოსახლეობის უსაფრთხოებასთან. ბუნებრივია, ქალი ლიდერების ჩართულობა ამ ამოცანას კიდევ უფრო შეუწყობდა ხელს", – განაცხადა ციხელაშვილმა.
ვენაში ვიზიტი ზურაბიშვილმა ავსტრიაში დასაქმებულ თანამემამულეებთან – მედიცინისა და ხელოვნების წარმომადგენლებთან შეხვედრით დაიწყო.
საქართველოს პრეზიდენტის დახვედრის ოფიციალური ცერემონია 12 ოქტომბერს ავსტრიის პრეზიდენტის ჰოფბურგის სასახლეში გაიმართება, რის შემდეგაც ორი ქვეყნის პრეზიდენტები ალექსანდერ ვან დერ ბელენი და სალომე ზურაბიშვილი შეხვედრას როგორც პირისპირ, ისე გაფართოებულ ფორმატში გამართავენ. შეხვედრების დასრულების შემდეგ პრეზიდენტები მასმედიისთვის ერთობლივ ბრიფინგს გამართავენ.
გარდა ამისა, ზურაბიშვილი ქართულ-ავსტრიულ ბიზნეს-ფორუმს გახსნის. ფორუმის მონაწილეებს სიტყვით ასევე მიმართავს ავსტრიის პრეზიდენტი. გაიმართება ავსტრიული და ქართული კომპანიების პრეზენტაცია.
საქართველოს პრეზიდენტის ოფიციალური ვიზიტი ავსტრიაში 13 ოქტომბერს დასრულდება.
საქართველომ და ავსტრიამ დიპლომატიური ურთიერთობები 1992 წლის 25 მარტს დაამყარეს.
ყველა ახალი ამბავი
0