საქართველოსა და მონტენეგროს შორის რეადმისიის შესახებ შეთანხმება გაფორმდა

© Government of Georgiaმონტენეგროს ელჩი და შს მინისტრის მოადგილე
მონტენეგროს ელჩი და შს მინისტრის მოადგილე - Sputnik საქართველო, 1920, 08.10.2021
შეთანხმება საქართველოში მონტენეგროს პრეზიდენტის მილო ჯუკანოვიჩის პირველი ოფიციალური ვიზიტის ფარგლებში გაფორმდა.
თბილისი, 8 ოქტომბერი — Sputnik. საქართველომ და მონტენეგრომ ოფიციალურად გააფორმეს შეთანხმება აღნიშნულ ქვეყნებში ნებართვის გარეშე მცხოვრებ პირთა რეადმისიის შესახებ, ნათქვამია შინაგან საქმეთა სამინისტროს ვებ-გვერდზე გავრცელებულ განცხადებაში.
დოკუმენტს ხელი მოაწერეს საქართველოს შინაგან საქმეთა მინისტრის მოადგილემ ალექსანდრე დარახველიძემ და საქართველოში მონტენეგროს საგანგებო და სრულუფლებიანმა ელჩმა დრაგიცა პონორაცმა.
„აღნიშნული შეთანხმება ხელს შეუწყობს ორ ქვეყანას შორის თანამშრომლობის გაძლიერებას უკანონო მიგრაციის წინააღმდეგ ეფექტიანი ბრძოლის მიმართულებით“, – ნათქვამია შსს-ს განცხადებაში.
შეხვედრაზე ალექსანდრე დარახველიძემ ხაზი გაუსვა ევროკავშირისა და შენგენის ზონის ქვეყნებთან უვიზო რეჟიმის მნიშვნელობას და აღნიშნა, რომ უნებართვოდ მცხოვრებ პირთა რეადმისიის საკითხებში თანამშრომლობას როგორც ევროკავშირის წევრ, ასევე მესამე ქვეყნებთან საქართველო უდიდესი პასუხისმგებლობით ეკიდება.
შეხვედრის დასასრულ მხარეებმა ყურადღება გაამახვილეს სახელმწიფოებს შორის ორმხრივი თანამშრომლობის მნიშვნელობასა და სამომავლო ურთიერთობის პრიორიტეტულ მიმართულებებზე.
აღნიშნული შეთანხმება საქართველოში მონტენეგროს პრეზიდენტის მილო ჯუკანოვიჩის პირველი ოფიციალური ვიზიტის ფარგლებში გაფორმდა. მონტენეგროს პრეზიდენტი თბილისს ხუთშაბათს, 7 ოქტომბერს ეწვია.
გუშინ ჯუკანოვიჩმა შეხვედრა გამართა საქართველოს პრეზიდენტ სალომე ზურაბიშვილთან, დღეს კი დაგეგმილია პრემიერ-მინისტრთან შეხვედრა.
საქართველომ და მონტენეგრომ დიპლომატიური ურთიერთობები 2007 წელს დაამყარეს. მას შემდეგ ქვეყნები აქტიურად თანამშრომლობენ ტურიზმის სფეროში და საერთაშორისო ორგანიზაციების ფორმატებში.
ყველა ახალი ამბავი
0
თავიდან ახლებითავიდან ძველები
loader
ეთერში
Заголовок открываемого материала
საერთაშორისო
InternationalEnglishინგლისურიMundoEspañolესპანური
ევროპა
DeutschlandDeutschგერმანულიFranceFrançaisფრანგულიΕλλάδαΕλληνικάბერძნულიItaliaItalianoიტალიურიČeská republikaČeštinaჩეხურიPolskaPolskiპოლონურიСрбиjаСрпскиსერბულიLatvijaLatviešuლატვიურიLietuvaLietuviųლიეტუვურიMoldovaMoldoveneascăმოლდოვურიБеларусьБеларускiბელარუსული
ამიერკავკასია
ԱրմենիաՀայերենსომხურისაქართველოქართულიქართულიAzərbaycanАzərbaycancaაზერბაიჯანული
ახლო აღმოსავლეთი
Sputnik عربيArabicარაბულიTürkiyeTürkçeთურქულიSputnik ایرانPersianფარსიSputnik افغانستانDariდარი
ცენტრალური აზია
ҚазақстанҚазақ тіліყაზახურიКыргызстанКыргызчаყირგიზულიOʻzbekistonЎзбекчаუზბეკურიТоҷикистонТоҷикӣტაჯიკური
აღმოსავლეთი და სამხრეთ-აღმოსავლეთი აზია
Việt NamTiếng Việtვიეტნამური日本日本語იაპონური中国中文ჩინური
სამხრეთი ამერიკა
BrasilPortuguêsპორტუგალიური