https://sputnik-georgia.com/20211006/ratom-ar-icavs-vaqcina-yvela-adamians-mecnieruli-kvleva-260281454.html
რატომ არ იცავს ვაქცინა ყველას: გამოქვეყნდა ახალი მეცნიერული კვლევის შედეგი
რატომ არ იცავს ვაქცინა ყველას: გამოქვეყნდა ახალი მეცნიერული კვლევის შედეგი
Sputnik საქართველო
მკვლევარების თქმით, თითოეული ადამიანის იმუნური სისტემა ისევე უნიკალურია, როგორც თითების ანაბეჭდი. 06.10.2021-ს, Sputnik საქართველო
2021-10-06T15:04+0400
2021-10-06T15:04+0400
2023-07-20T15:52+0400
მსოფლიო დღეს
მსოფლიო მეცნიერული კვლევები
მსოფლიოს ახალი ამბები
https://cdnn1.img.sputnik-georgia.com/img/07e5/09/1e/260063680_0:0:3072:1728_1920x0_80_0_0_205b0661de6c2a13efa4280557456c6a.jpg
თბილისი, 6 ოქტომბერი − Sputnik. ნიდერლანდელმა მეცნიერებმა დაადგინეს, რატომ გადააქვთ ადამიანებს ერთი და იგივე ინფექცია სხვადასხვანაირად და ასევე ისიც, თუ რატომ არ იცავს ვაქცინა ინფიცირებისგან ყველას, ნათქვამია ჟურნალ Cell Systems-ში გამოქვეყნებული სტატიაში.გავრცელებული ინფორმაციით, უტრეხტის უნივერსიტეტის მკვლევარებმა პროფესორ ალბერტ ჰეკის ხელმძღვანელობით დაახლოებით 100 ადამიანს გაუზომეს ანტისხეულების პროფილი, მათ შორის, კორონავირუსით ინფიცირებულებს და ასევე COVID-19-ზე სხვადასხვა ვაქცინებით აცრილებს.აღმოჩნდა, რომ ანტისხეულების ნაკრები და მათი კონცენტრაცია თითოეულ ადამიანს უნიკალური სახით ეცვლება ავადმყოფობის დროს თუ აცრის შემდეგ. უფრო მეტიც, ორ ადამიანსაც კი, რომლებსაც ერთსა და იმავე დროს შეუყვანეს ერთი და იგივე ვაქცინა, ანტისხეულების სრულიად განსხვავებული პროფილი ჩამოუყალიბდათ.სწავლულებმა აქამდე არ იცოდნენ, ერთდროულად რამდენი სხვადასხვა ანტისხეული შეიძლება არსებობდეს ადამიანის სისხლში. მათი ვარაუდით, ეს რამდენიმე მილიარდი უნდა ყოფილიყო. კვლევის ავტორებმა კი გაარკვიეს, რომ ადამიანთა უმეტესობას − ჯანმრთელებსა თუ ავადმყოფებს დროის ყოველ კონკრეტულ მომენტში სისხლში რამდენიმე ათეულიდან რამდენიმე ასეულამდე სხვადასხვა ანტისხეული შეიძლება ჰქონდეთ მაღალ კონცენტრაციაში. ამასთან თითოეული ადამიანის ანსხეულების პროფილი აბსოლუტურად უნიკალურია − ზუსტად ისე, როგორც თითების ანაბეჭდი.მეცნიერებს მიაჩნიათ, რომ სწორედ ამით აიხსნება ის ფაქტები, რომ:სწავლულთა თქმით, ვაქცინაციის შემდეგ ანტისხეულების დაბალი დონე იმაზე კი არ მეტყველებს, რომ ვაქცინა არაეფექტურია, არამედ იმაზე, რომ ერთი კონკრეტული ადამიანის იმუნური სისტემა ვაქცინაზე უფრო ცუდად რეაგირებს, ვიდრე სხვა ადამიანისა. ამავე მიზეზით ხდება ისიც, რომ ზოგ ადამიანს ანტისხეულების დონე რაღაც დროში მნიშვნელოვნად უქვეითდება და ისევ მოწყვლადი ხდება ვირუსის მიმართ.გარდა ამისა, მეცნიერებმა ასევე დაადგინეს, რომ ვაქცინაციის შედეგად ანტისხეულები საერთოდ არ გამოუმუშავდება 100-დან ერთ ადამიანს. ეს კი იმას ნიშნავს, რომ დიდი ბრიტანეთის მსგავსი ქვეყნის ზრადსრული მოსახლეობის სრულად ვაქცინირების შემთხვევაშიც კი ნახევარი მილიონი ადამიანი მაინც ვერ იქნება დაცული ინფექციებისგან და ეს მათ არც კი ეცოდინებათ.მეცნიერებს მიაჩნიათ, რომ ამ პრობლემის აღმოსაფხვრელად შეძლებისდაგვარად სწრაფად უნდა დაიწყოს ანტისხეულებზე მასობრივი ტესტირება.
https://sputnik-georgia.com/20210826/covid-19-martivi-testi-aromatebze-258635457.html
https://sputnik-georgia.com/20210824/antisxeuli-romelic-koronavirusis-yvela-Stamisgan-icavs-252657596.html
Sputnik საქართველო
media@sputniknews.com
+74956456601
MIA „Rossiya Segodnya“
2021
Sputnik საქართველო
media@sputniknews.com
+74956456601
MIA „Rossiya Segodnya“
ახალი ამბები
ka_KA
Sputnik საქართველო
media@sputniknews.com
+74956456601
MIA „Rossiya Segodnya“
Sputnik საქართველო
media@sputniknews.com
+74956456601
MIA „Rossiya Segodnya“
მსოფლიო მეცნიერული კვლევები, მსოფლიოს ახალი ამბები
მსოფლიო მეცნიერული კვლევები, მსოფლიოს ახალი ამბები
რატომ არ იცავს ვაქცინა ყველას: გამოქვეყნდა ახალი მეცნიერული კვლევის შედეგი
15:04 06.10.2021 (განახლებულია: 15:52 20.07.2023) მკვლევარების თქმით, თითოეული ადამიანის იმუნური სისტემა ისევე უნიკალურია, როგორც თითების ანაბეჭდი.
თბილისი, 6 ოქტომბერი − Sputnik. ნიდერლანდელმა მეცნიერებმა დაადგინეს, რატომ გადააქვთ ადამიანებს ერთი და იგივე ინფექცია სხვადასხვანაირად და ასევე ისიც, თუ რატომ არ იცავს ვაქცინა ინფიცირებისგან ყველას, ნათქვამია ჟურნალ
Cell Systems-ში გამოქვეყნებული სტატიაში.
გავრცელებული ინფორმაციით, უტრეხტის უნივერსიტეტის მკვლევარებმა პროფესორ ალბერტ ჰეკის ხელმძღვანელობით დაახლოებით 100 ადამიანს გაუზომეს ანტისხეულების პროფილი, მათ შორის, კორონავირუსით ინფიცირებულებს და ასევე COVID-19-ზე სხვადასხვა ვაქცინებით აცრილებს.
აღმოჩნდა, რომ ანტისხეულების ნაკრები და მათი კონცენტრაცია თითოეულ ადამიანს უნიკალური სახით ეცვლება ავადმყოფობის დროს თუ აცრის შემდეგ. უფრო მეტიც, ორ ადამიანსაც კი, რომლებსაც ერთსა და იმავე დროს შეუყვანეს ერთი და იგივე ვაქცინა, ანტისხეულების სრულიად განსხვავებული პროფილი ჩამოუყალიბდათ.
„იმუნური სისტემა ყველას სხვადასხვანაირი აქვს. ანტისხეულებზე ჩვენმა ტესტებმა აჩვენა, რომ ვაქცინაციაზე ყველა სხვადასხვაგვარად რეაგირებს. ზოგი ადამიანის ორგანიზმი ძალიან ეფექტურ იმუნურ პასუხს აყალიბებს, ზოგისას კი ეს არ გამოსდის“, − წერენ სამეცნიერო სტატიის ავტორები.
სწავლულებმა აქამდე არ იცოდნენ, ერთდროულად რამდენი სხვადასხვა ანტისხეული შეიძლება არსებობდეს ადამიანის სისხლში. მათი ვარაუდით, ეს რამდენიმე მილიარდი უნდა ყოფილიყო. კვლევის ავტორებმა კი გაარკვიეს, რომ ადამიანთა უმეტესობას − ჯანმრთელებსა თუ ავადმყოფებს დროის ყოველ კონკრეტულ მომენტში სისხლში რამდენიმე ათეულიდან რამდენიმე ასეულამდე სხვადასხვა ანტისხეული შეიძლება ჰქონდეთ მაღალ კონცენტრაციაში. ამასთან თითოეული ადამიანის ანსხეულების პროფილი აბსოლუტურად უნიკალურია − ზუსტად ისე, როგორც თითების ანაბეჭდი.
მეცნიერებს მიაჩნიათ, რომ სწორედ ამით აიხსნება ის ფაქტები, რომ:
კორონავირუსით ინფიცირებული ზოგი ადამიანი იღუპება, ხოლო სხვებს დაავადება იოლი ფორმით გადააქვთ;
ზოგი ადამიანი განმეორებით ავადდება COVID-19-ით, ან ვაქცინის ორი დოზის მიღების შემდეგ მაინც ავადდება.
სწავლულთა თქმით, ვაქცინაციის შემდეგ ანტისხეულების დაბალი დონე იმაზე კი არ მეტყველებს, რომ ვაქცინა არაეფექტურია, არამედ იმაზე, რომ ერთი კონკრეტული ადამიანის იმუნური სისტემა ვაქცინაზე უფრო ცუდად რეაგირებს, ვიდრე სხვა ადამიანისა. ამავე მიზეზით ხდება ისიც, რომ ზოგ ადამიანს ანტისხეულების დონე რაღაც დროში მნიშვნელოვნად უქვეითდება და ისევ მოწყვლადი ხდება ვირუსის მიმართ.
გარდა ამისა, მეცნიერებმა ასევე დაადგინეს, რომ ვაქცინაციის შედეგად ანტისხეულები საერთოდ არ გამოუმუშავდება 100-დან ერთ ადამიანს. ეს კი იმას ნიშნავს, რომ დიდი ბრიტანეთის მსგავსი ქვეყნის ზრადსრული მოსახლეობის სრულად ვაქცინირების შემთხვევაშიც კი ნახევარი მილიონი ადამიანი მაინც ვერ იქნება დაცული ინფექციებისგან და ეს მათ არც კი ეცოდინებათ.
მეცნიერებს მიაჩნიათ, რომ ამ პრობლემის აღმოსაფხვრელად შეძლებისდაგვარად სწრაფად უნდა დაიწყოს ანტისხეულებზე მასობრივი ტესტირება.
