„ქართული ოცნება“ ამომრჩეველთა ხმების თითქმის ნახევარს აიღებს: ახალი გამოკითხვა

© photo: Sputnik / Stringerწინასაარჩევნო რეკლამა
წინასაარჩევნო რეკლამა - Sputnik საქართველო, 1920, 28.09.2021
გამოწერა
გამოკითხვის თანახმად, „ქართულ ოცნებას“ ხვალვე ამომრჩეველთა 49,6% დაუჭერს მხარს, ხოლო „ერთიან ნაციონალურ მოძრაობას“ – 25,9%.
თბილისი, 28 სექტემბერი — Sputnik. მმართველი პარტია „ქართული ოცნება - დემოკრატიული საქართველო“ ამომრჩეველთა ხმების თითქმის ნახევარს აიღებს, ამას ტელეკომპანია „იმედის“ დაკვეთით საზოგადოებრივი აზრის კვლევის კომპანია GORBI-ს მიერ ჩატარებული გამოკითხვის მონაცემები მოწმობს.
ჩატარებული კვლევით, კითხვაზე, „დღეს რომ ადგილობრივი თვითმმართველობის არჩევნები ტარდებოდეს, რომელ პარტიას მისცემდით ხმას“, გამოკითხულთა 49,6% ხმას „ქართულ ოცნებას“ მისცემდა.
წინასაარჩევნო კამპანია–პლაკატები - Sputnik საქართველო, 1920, 28.09.2021
პარტიებისა და პოლიტიკოსების რეიტინგი: კვლევის შედეგები
ამ გამოკითხვის თანახმად, ყველაზე მსხვილი ოპოზიციური პარტია „ერთიანი ნაციონალური მოძრაობა“ 25,9%-ს აგროვებს. მესამე ადგილზეა ყოფილი პრემიერ-მინისტრის გიორგი გახარიას პარტია „საქართველოსთვის“ – 5,3%.
დანარჩენი პარტიების რეიტინგი ასე გამოიყურება:
„საქართველოს პატრიოტთა ალიანსი“ - 4,1%
„ევროპული საქართველო - მოძრაობა თავისუფლებისთვის“ - 2,7%
„ლელო საქართველოსთვის“ - 2,6%
„მესამე ძალა“ - 2,2%
„გირჩი - მეტი თავისუფლება" - 2%
საქართველოს ლეიბორისტული პარტია - 1,8%
„მოქალაქეები" - 1,5%
„ახალი პოლიტიკური ცენტრი - გირჩი" - 0,9%
სხვა პარტიები - 1,4%.
პირდაპირი ინტერვიუს გზით 10-19 სექტემბერს ჯამში 2000 რესპონდენტი გამოიკითხა. კვლევის შედეგების ცდომილების ზღვარი ქვეყნის მოსახლეობისთვის +/- 2.5%, თბილისის მოსახლეობისთვის – +/-3,4%-ია.
წინასაარჩევნო პლაკატები - Sputnik საქართველო, 1920, 26.09.2021
არჩევნები 2021
რომელ პარტიას მისცემენ ხმას ქართველები - IPSOS-ის გამოკითხვა არჩევნებამდე ერთი კვირით ადრე
ქვეყანაში თვითმმართველი ორგანოების არჩევნები 2 ოქტომბერს ჩატარდება. მოსახლეობა 64 მუნიციპალიტეტის საკრებულოს დეპუტატებს და ამდენივე მერს აირჩევს. არჩევნებში სულ 43 პარტია იღებს მონაწილეობას.
მუნიციპალიტეტების საკრებულოებში პროპორციული სისტემით დეპუტატების გაყვანას შეძლებენ ის პარტიები, რომლებიც ხმების 3%-ზე მეტს მოიპოვებენ, ხოლო თბილისში – 2,5%-ზე მეტს.
ყველა ახალი ამბავი
0