https://sputnik-georgia.com/20210902/umaglesi-saswavleblebis-studentebi-saarchevno-processhi-chaertvebian-259237987.html
უმაღლესი სასწავლებლების სტუდენტები საარჩევნო პროცესში ჩაერთვებიან
უმაღლესი სასწავლებლების სტუდენტები საარჩევნო პროცესში ჩაერთვებიან
Sputnik საქართველო
სტუდენტები ხმის დათვლის პროცესის ვიდეოჩანაწერებს ინტერნეტ–სივრცეში განათავსებენ. 02.09.2021-ს, Sputnik საქართველო
2021-09-02T10:49+0400
2021-09-02T10:49+0400
2021-09-02T14:30+0400
საზოგადოება
ახალი ამბები
ადგილობრივი თვითმმართველობის არჩევნები
https://cdnn1.img.sputnik-georgia.com/img/07e4/0b/15/250122073_0:67:1280:787_1920x0_80_0_0_c749875624b4d1bd95dcddb5c99106df.jpg
თბილისი, 2 სექტემბერი – Sputnik. 2 ოქტომბრის თვითმმართველობის არჩევნებზე ხმის დათვლის პროცესის გამჭვირვალობის უზრუნველყოფის მიზნით საარჩევნო პროცესში უმაღლესი სასწავლებლების სტუდენტები ჩაერთვებიან, ნათქვამია საქართველოს ცენტრალური საარჩევნო კომისიის (ცესკო) მიერ გავრცელებულ განცხადებაში.თანამშრომლობის მემორანდუმი ცესკომ თბილისის ივანე ჯავახიშვილის სახელობის და სოხუმის სახელმწიფო უნივერსიტეტებთან გუშინ გააფორმა.მემორანდუმის მიხედვით, უნივერსიტეტები იღებენ ვალდებულებას, რომ არჩევნებისას ხმის დათვლის პროცესის ვიდეოჩანაწერების ინტერნეტ–სივრცეში განთავსების უზრუნველყოფის მიზნით ცესკოს მიაწვდიან შესაბამისი კვალიფიკაციის სტუდენტების/კურსდამთავრებულების შესახებ ინფორმაციას.ამას გარდა მხარეები ერთობლივი ტრენინგებისა და სამუშაო შეხვედრების ორგანიზების მიმართულებითაც ითანამშრომლებენ.როგორც ცესკოს თავმჯდომარემ გიორგი კალანდარიშვილმა განაცხადა, აღნიშნული ინიციატივის შედეგად საქმეში სტუდენტები ჩაერთვებიან და გარკვეულ წვლილს შეიტანენ საარჩევნო პროცესში. ასევე ახალგაზრდა თაობას მიეცემა შესაძლებლობა ანაზღაურებადი სტაჟირების ფარგლებში მიიღოს სამუშაო გამოცდილება.არჩევნების დღეს ხმის დათვლის პროცესის ვიდეოგადაღების საკითხი დღის წესრიგში საარჩევნო სისტემის რეფორმის ფარგლებში დადგა. „საარჩევნო კოდექსზე“ დაყრდნობით ცესკომ უკვე მიიღო დადგენილება, რომლითაც 2 ოქტომბრის არჩევნებზე ხმის დათვლის პროცესის ვიდეოგადაღების წესი განსაზღვრა. გადაღებული ვიდეომასალა ონლაინ–პლატფორმაზე განთავსდება. სწორედ ამ პროცესის ტექნიკურად განხორციელებაში იქნებიან ჩართული აღნიშნული უნივერსიტეტების სტუდენტები.საქართველოში ადგილობრივი თვითმმართველობის არჩევნები 2 ოქტომბერს გაიმართება. მოსახლეობა 64 მუნიციპალიტეტის საკრებულოს დეპუტატებს და ამდენივე მერს აირჩევს.
https://sputnik-georgia.com/20210901/ceskom-da-24-ma-sadamkvirveblo-organizacoam-qcevis-kodeqss-moaweres-xeli-259223746.html
https://sputnik-georgia.com/20210901/gairkva-tbilisis-raionebsi-2021-wlis-adgilobriv-arcevnebze-mtavari-konkurentebi-259229680.html
Sputnik საქართველო
media@sputniknews.com
+74956456601
MIA „Rosiya Segodnya“
2021
Sputnik საქართველო
media@sputniknews.com
+74956456601
MIA „Rosiya Segodnya“
ახალი ამბები
ka_KA
Sputnik საქართველო
media@sputniknews.com
+74956456601
MIA „Rosiya Segodnya“
Sputnik საქართველო
media@sputniknews.com
+74956456601
MIA „Rosiya Segodnya“
საზოგადოება, ახალი ამბები, ადგილობრივი თვითმმართველობის არჩევნები
საზოგადოება, ახალი ამბები, ადგილობრივი თვითმმართველობის არჩევნები
უმაღლესი სასწავლებლების სტუდენტები საარჩევნო პროცესში ჩაერთვებიან
10:49 02.09.2021 (განახლებულია: 14:30 02.09.2021) სტუდენტები ხმის დათვლის პროცესის ვიდეოჩანაწერებს ინტერნეტ–სივრცეში განათავსებენ.
თბილისი, 2 სექტემბერი – Sputnik. 2 ოქტომბრის თვითმმართველობის არჩევნებზე ხმის დათვლის პროცესის გამჭვირვალობის უზრუნველყოფის მიზნით საარჩევნო პროცესში უმაღლესი სასწავლებლების სტუდენტები ჩაერთვებიან,
ნათქვამია საქართველოს ცენტრალური საარჩევნო კომისიის (ცესკო) მიერ გავრცელებულ განცხადებაში.
თანამშრომლობის მემორანდუმი ცესკომ თბილისის ივანე ჯავახიშვილის სახელობის და სოხუმის სახელმწიფო უნივერსიტეტებთან გუშინ გააფორმა.
მემორანდუმის მიხედვით, უნივერსიტეტები იღებენ ვალდებულებას, რომ არჩევნებისას ხმის დათვლის პროცესის ვიდეოჩანაწერების ინტერნეტ–სივრცეში განთავსების უზრუნველყოფის მიზნით ცესკოს მიაწვდიან შესაბამისი კვალიფიკაციის სტუდენტების/კურსდამთავრებულების შესახებ ინფორმაციას.
ამას გარდა მხარეები ერთობლივი ტრენინგებისა და სამუშაო შეხვედრების ორგანიზების მიმართულებითაც ითანამშრომლებენ.
როგორც ცესკოს თავმჯდომარემ გიორგი კალანდარიშვილმა განაცხადა, აღნიშნული ინიციატივის შედეგად საქმეში სტუდენტები ჩაერთვებიან და გარკვეულ წვლილს შეიტანენ საარჩევნო პროცესში. ასევე ახალგაზრდა თაობას მიეცემა შესაძლებლობა ანაზღაურებადი სტაჟირების ფარგლებში მიიღოს სამუშაო გამოცდილება.
არჩევნების დღეს ხმის დათვლის პროცესის ვიდეოგადაღების საკითხი დღის წესრიგში საარჩევნო სისტემის რეფორმის ფარგლებში დადგა. „საარჩევნო კოდექსზე“ დაყრდნობით ცესკომ უკვე მიიღო დადგენილება, რომლითაც 2 ოქტომბრის არჩევნებზე ხმის დათვლის პროცესის ვიდეოგადაღების წესი განსაზღვრა. გადაღებული ვიდეომასალა ონლაინ–პლატფორმაზე განთავსდება. სწორედ ამ პროცესის ტექნიკურად განხორციელებაში იქნებიან ჩართული აღნიშნული უნივერსიტეტების სტუდენტები.
საქართველოში ადგილობრივი თვითმმართველობის არჩევნები 2 ოქტომბერს გაიმართება. მოსახლეობა 64 მუნიციპალიტეტის საკრებულოს დეპუტატებს და ამდენივე მერს აირჩევს.
