„სადაც ყველაზე სუსტი წერტილი იყო, იქ დამარტყა – ყელზე“: როგორია ლელა წურწუმიას მდგომარეობა

© Facebook / Lela Tsurtsumiaლელა წურწუმია
ლელა წურწუმია - Sputnik საქართველო, 1920, 18.08.2021
გამოწერა
НовостиTelegram
ლელა წურწუმია კორონავირუსს ებრძვის. ის მკურნალობის კურსს პირველ საუნივერსიტეტო კლინიკაში გადის. მომღერალი სტაციონარში ჰაერის უკმარისობით და სხვადასხვა გართულებებით 15 აგვისტოს შეიყვანეს.
მან სოციალურ ქსელში კლინიკიდან მიმართვა გაავრცელა და გულშემატკივრებს მისი ჯანმრთელობის მდგომარეობის შესახებ მიაწოდა ინფორმაცია.
„სადაც ყველაზე სუსტი წერტილი იყო, სწორედ იქ დამარტყა – ყელზე. უკვე ნორმალურად ვარ. საკმაოდ მძიმე შემოვედი, რადგან ძალიან გამიჭირდა სუნთქვა, ყელი გასივდა შიგნიდანაც და გარედანაც, რასაც ორი დღე ვებრძოლე უშედეგოდ და შემდეგ მივხვდი, რომ უნდა მოვსულიყავი სტაციონარში. ეს იყო ძალიან სწორი გადაწყვეტილება“, – ამბობს ლელა წურწუმია.
მომღერალმა მადლობა გადაუხადა კლინიკის სამედიცინო პერსონალს და გენერალურ დირექტორს ლევან რატიანს პროფესიონალიზმისა და გულისხმიერებისთვის.
ლელა წურწუმია - Sputnik საქართველო, 1920, 16.08.2021
„ახლა გული მერევა“ – რა დაემართა ლელა წურწუმიას და რაზე წუხს ჟურნალისტი ინგა გრიგოლია
ამასთან წურწუმიამ იმ ადამაინების შესახებაც ისაუბრა, ვინც ნეგატიურად იყო განწყობილი მის მამართ და ინფიცირების შემდეგ უარყოფით კომენტარებს უწერდა.
„ჩემო მაგარო ადამიანებო, დიდი მადლობა ამხელა მხარდაჭერისთვის. ჩემი თხოვნააა, ნუ მიაქცევთ ყურადღებას ამ ბოროტი ადამიანების კომენტარებს. მთავარია, თქვენ ხართ ძალიან, ძალიან ბევრნი. ყველაფერი კარგად იქნება“, – ამბობს წურწუმია.
ლელა წურწუმიას კორონავირუსი 13 აგვისტოს დაუდასტურდა. მომღერალი თავიდან მკურნალობის კურსს სახლში გადიოდა, თუმცა მდგომარეობის დამძიმების შემდეგ კლინიკას მიმართა.
გავრცელებული ინფორმაციით, ლელა წურწუმიას ინფიცირება ბათუმში ხალხმრავალ კონცერტს უკავშირდება, რომელიც მომღერალმა 7 აგვისტოს გამართა. თუმცა ამ ფაქტს კატეგორიულად უარყოფს მომღერლის მეუღლე კახა მამულაშვილი.
ყველა ახალი ამბავი
0