https://sputnik-georgia.com/20210810/cercvaZe-quCaSi-mosiarule-inficirebulebze-kategoriulad-vTxov-mTavrobas-gaakontrolos-isini-252553281.html
ცერცვაძე ქუჩაში მოსიარულე ინფიცირებულებზე:კატეგორიულად ვთხოვ მთავრობას, გააკონტროლოს ისინი
ცერცვაძე ქუჩაში მოსიარულე ინფიცირებულებზე:კატეგორიულად ვთხოვ მთავრობას, გააკონტროლოს ისინი
Sputnik საქართველო
თენგიზ ცერცვაძის ცნობით, კორონავირუსით ინფიცირებული ადამიანები დადიან ქუჩებში და საზოგადოებრივი ტრანსპორტით სარგებლობენ 10.08.2021-ს, Sputnik საქართველო
2021-08-10T22:24+0400
2021-08-10T22:24+0400
2021-10-19T18:03+0400
ახალი ამბები
საზოგადოება
საქართველო
https://cdnn1.img.sputnik-georgia.com/img/07e5/08/05/252507929_0:37:3068:1771_1920x0_80_0_0_efa708da53a1f862741988e90037b7b7.jpg
თბილისი, 10 აგვისტო – Sputnik. ბინაზე დარჩენილი კორონავირუსით ინფიცირებული ავადმყოფების ნაწილი, რომლებიც თავს კარგად გრძნობენ, იზოლაციაში არ იმყოფებიან, განუცხადა თბილისის ინფექციური საავადმყოფოს დირექტორმა თენგიზ ცერცვაძემ „პირველ არხს“.თენგიზ ცერცვაძის ცნობით, კორონავირუსით ინფიცირებული ადამიანები დადიან ქუჩებში და საზოგადოებრივი ტრანსპორტით სარგებლობენ.„ეს არის ძალიან სერიოზული დარღვევა და ფაქტორი, რომელიც ხელს უწყობს ასეთი შემთხვევების მაღალი რიცხვის შენარჩუნებას. კატეგორიულად ვთხოვ, აღმასრულებელ და სხვა ხელისუფლებას, გააკონტროლოს ასეთი ადამიანები. 12 დღის მანძილზე ყველამ დაიცვას იზოლაციის წესები. არავითარ შემთხვევაში არ იარონ საზოგადოებრივი ტრანსპორტით“, – მოუწოდა ცერცვაძემ.ბოლო მონაცემებით, საქართველოში 33.939 პირი ვირუსის მკურნალობის კურსს საცხოვრებელ ბინაზე გადის. თვითიზოლაციაში იმყოფება 36.609 ადამიანი, მათ შორის თბილისში – 17.821, აჭარაში – 5.217, იმერეთში – 3.827.გარდა ამისა, თენგიზ ცერცვაძემ განმარტა, რატომ მოიმატა კორონავირუსით ინფიცირების შემთხვევებმა. დღეისათვის, ახალი შემთხვევების რაოდენობით საქართველო მსოფლიოში მე-7 ადგილს იკავებს. მისი თქმით, ადამიანები არ ასრულებენ რეგულაციებს, იმართება მასობრივი ღონისძიებები, გარდა ამისა, ლიბერალურმა მიდგომამ, რომელიც კოვიდ-ჯარიმების ჩამოწერაში გამოიხატა, ადამიანები გაათამამა.„ჩვენ სისტემატურად ვიმეორებდით, ამის მიზეზია ის, რომ მოხსნილია ყველა მკაცრი შეზღუდვა, დარჩენილია მინიმალური რეკომენდაციები, რომლებიც არ სრულდება. არ ატარებენ პირბადეს, თბილისის მიღმა პრაქტიკულად არავინ ატარებს პირბადეს. იმის მაგივრად, თავი შეგვეკავებინა, ყოველდღე მეტი და მეტი ხალხმრავალი ღონისძიება ტარდება. საუბარია სხვადასხვა დანიშნულების კულტურულ თუ პოლიტიკურ შეკრებებზე, სოციალურ ღონისძიებებზე, ქორწილებზე, ჭირის სუფრებზე და სხვა... ჯარიმები (კოვიდ-რეგულაციების დარღვევისთვის - რედ.) გაუქმდა, ჰუმანური მიდგომა გაკეთდა ჯარიმებთან დაკავშირებით. ეს ყველამ ვერ გაიგო და ბევრმა ისარგებლა“, - განაცხადა ცერცვაძემ.საქართველოში ღია სივრცეში პირბადის ტარების ვალდებულება 22 ივნისიდან მოიხსნა, თუმცა დახურულ სივრცეში შეზღუდვა ძალაში რჩებოდა.10 აგვისტოდან გამკაცრდა კონტროლი ქორწილის, ქელეხის, იუბილესა და მსგავსი ღონისძიებების გამართვასა და ღამის საათებში რესტორნების მუშაობაზე. კვების ობიექტები მსგავსი ღონისძიებების გამართვის შემთხვევაში 10 ათასი ლარით დაჯარიმდებიან, ხოლო ფაქტის გამეორების შემთხვევაში ობიექტი დაილუქება.ქვეყანა კორონავირუსის მეოთხე ტალღას ებრძვის. ინფიცირების შემთხვევების ყოველდღიური მაჩვენებელი ძალზე მაღალია. ყველაზე მძიმე საქართველოში კორონავირუსის მეორე ტალღა იყო 2020 წლის შემოდგომაზე. მაშინ ინფიცირების ყოველდღიური მაჩვენებელი 4–5 ათასი იყო. ამჟამად ინფიცირების ყოველდღიურმა მაჩვენებელმა უკვე გადააჭარბა მეორე ტალღის დროს არსებულ მონაცემებს.საქართველოში ახალი კორონავირუსით დაავადებულთა რაოდენობა ბოლო დღე-ღამეში 5.697-ით გაიზარდა და ინფიცირებულთა საერთო რიცხვმა 455.846-ს მიაღწია. ბოლო 24 საათში გარდაიცვალა 54 ადამიანი.
https://sputnik-georgia.com/20210810/saxalxo-damcvelis-aparati-moqalaqeebs-vaqcinaze-registraciaSi-daexmareba-252552884.html
https://sputnik-georgia.com/20210810/aWaraSi-18-wels-zemoT-asakis-moqalaweTa-8-procenti-srulad-vaqcinirebulia-252552748.html
საქართველო
Sputnik საქართველო
media@sputniknews.com
+74956456601
MIA „Rossiya Segodnya“
2021
Sputnik საქართველო
media@sputniknews.com
+74956456601
MIA „Rossiya Segodnya“
ახალი ამბები
ka_KA
Sputnik საქართველო
media@sputniknews.com
+74956456601
MIA „Rossiya Segodnya“
Sputnik საქართველო
media@sputniknews.com
+74956456601
MIA „Rossiya Segodnya“
ახალი ამბები, საზოგადოება, საქართველო
ახალი ამბები, საზოგადოება, საქართველო
ცერცვაძე ქუჩაში მოსიარულე ინფიცირებულებზე:კატეგორიულად ვთხოვ მთავრობას, გააკონტროლოს ისინი
22:24 10.08.2021 (განახლებულია: 18:03 19.10.2021) თენგიზ ცერცვაძის ცნობით, კორონავირუსით ინფიცირებული ადამიანები დადიან ქუჩებში და საზოგადოებრივი ტრანსპორტით სარგებლობენ
თბილისი, 10 აგვისტო – Sputnik. ბინაზე დარჩენილი კორონავირუსით ინფიცირებული ავადმყოფების ნაწილი, რომლებიც თავს კარგად გრძნობენ, იზოლაციაში არ იმყოფებიან, განუცხადა თბილისის ინფექციური საავადმყოფოს დირექტორმა თენგიზ ცერცვაძემ „პირველ არხს“.
თენგიზ ცერცვაძის ცნობით, კორონავირუსით ინფიცირებული ადამიანები დადიან ქუჩებში და საზოგადოებრივი ტრანსპორტით სარგებლობენ.
„ეს არის ძალიან სერიოზული დარღვევა და ფაქტორი, რომელიც ხელს უწყობს ასეთი შემთხვევების მაღალი რიცხვის შენარჩუნებას. კატეგორიულად ვთხოვ, აღმასრულებელ და სხვა ხელისუფლებას, გააკონტროლოს ასეთი ადამიანები. 12 დღის მანძილზე ყველამ დაიცვას იზოლაციის წესები. არავითარ შემთხვევაში არ იარონ საზოგადოებრივი ტრანსპორტით“, – მოუწოდა ცერცვაძემ.
ბოლო მონაცემებით, საქართველოში 33.939 პირი ვირუსის მკურნალობის კურსს საცხოვრებელ ბინაზე გადის. თვითიზოლაციაში იმყოფება 36.609 ადამიანი, მათ შორის თბილისში – 17.821, აჭარაში – 5.217, იმერეთში – 3.827.
გარდა ამისა, თენგიზ ცერცვაძემ განმარტა, რატომ მოიმატა კორონავირუსით ინფიცირების შემთხვევებმა. დღეისათვის, ახალი შემთხვევების რაოდენობით საქართველო მსოფლიოში მე-7 ადგილს იკავებს. მისი თქმით, ადამიანები არ ასრულებენ რეგულაციებს, იმართება მასობრივი ღონისძიებები, გარდა ამისა, ლიბერალურმა მიდგომამ, რომელიც კოვიდ-ჯარიმების ჩამოწერაში გამოიხატა, ადამიანები გაათამამა.
„ჩვენ სისტემატურად ვიმეორებდით, ამის მიზეზია ის, რომ მოხსნილია ყველა მკაცრი შეზღუდვა, დარჩენილია მინიმალური რეკომენდაციები, რომლებიც არ სრულდება. არ ატარებენ პირბადეს, თბილისის მიღმა პრაქტიკულად არავინ ატარებს პირბადეს. იმის მაგივრად, თავი შეგვეკავებინა, ყოველდღე მეტი და მეტი ხალხმრავალი ღონისძიება ტარდება. საუბარია სხვადასხვა დანიშნულების კულტურულ თუ პოლიტიკურ შეკრებებზე, სოციალურ ღონისძიებებზე, ქორწილებზე, ჭირის სუფრებზე და სხვა... ჯარიმები (კოვიდ-რეგულაციების დარღვევისთვის - რედ.) გაუქმდა, ჰუმანური მიდგომა გაკეთდა ჯარიმებთან დაკავშირებით. ეს ყველამ ვერ გაიგო და ბევრმა ისარგებლა“, - განაცხადა ცერცვაძემ.
საქართველოში ღია სივრცეში პირბადის ტარების ვალდებულება 22 ივნისიდან მოიხსნა, თუმცა დახურულ სივრცეში შეზღუდვა ძალაში რჩებოდა.
10 აგვისტოდან გამკაცრდა კონტროლი ქორწილის, ქელეხის, იუბილესა და მსგავსი ღონისძიებების გამართვასა და ღამის საათებში რესტორნების მუშაობაზე. კვების ობიექტები მსგავსი ღონისძიებების გამართვის შემთხვევაში 10 ათასი ლარით დაჯარიმდებიან, ხოლო ფაქტის გამეორების შემთხვევაში ობიექტი დაილუქება.
ქვეყანა კორონავირუსის მეოთხე ტალღას ებრძვის. ინფიცირების შემთხვევების ყოველდღიური მაჩვენებელი ძალზე მაღალია. ყველაზე მძიმე საქართველოში კორონავირუსის მეორე ტალღა იყო 2020 წლის შემოდგომაზე. მაშინ ინფიცირების ყოველდღიური მაჩვენებელი 4–5 ათასი იყო. ამჟამად ინფიცირების ყოველდღიურმა მაჩვენებელმა უკვე გადააჭარბა მეორე ტალღის დროს არსებულ მონაცემებს.
საქართველოში ახალი კორონავირუსით დაავადებულთა რაოდენობა ბოლო დღე-ღამეში 5.697-ით გაიზარდა და ინფიცირებულთა საერთო რიცხვმა 455.846-ს მიაღწია. ბოლო 24 საათში გარდაიცვალა 54 ადამიანი.
