თურნავა: მთავარი ამოცანაა, რომ ყველაფერი, რაც გაჩერებულია, ეკონომიკურ ბრუნვაში ჩაერთოს

© Government of Georgiaნათია თურნავა
ნათია თურნავა - Sputnik საქართველო, 1920, 09.08.2021
გამოწერა
პროგრამის „100 საინვესტიციო შეთავაზება ბიზნესს“ ფარგლებში შემუშავებულ საპრივატიზებო რუკას პერიოდულად დაემატება ახალი საინვესტიციო შეთავაზებები, აღნიშნავენ ეკონომიკის სამინისტროში.
თბილისი, 9 აგვისტო – Sputnik. კარგი ეკონომიკური მაჩვენებლები, კეთილგანწყობა და ნდობა ინვესტორების მხრიდან პრივატიზაციის პროცესის კიდევ უფრო დაჩქარების საშუალებას იძლევა, განაცხადა საქართველოს ეკონომიკისა და მდგრადი განვითარების მინისტრმა ნათია თურნავამ.
ლონდონის საფონდო ბირჟა - Sputnik საქართველო, 1920, 06.08.2021
2025 წლისთვის კაპიტალის ბაზარზე სახელმწიფო კომპანიების აქციების გატანა იგეგმება
ეკონომიკის სამინისტროს სახელმწიფო ქონების ეროვნულმა სააგენტომ პროგრამის „100 საინვესტიციო შეთავაზება ბიზნესს“ ფარგლებში მორიგი საინვესტიციო ობიექტები აუქციონზე გასაყიდად გამოიტანა.
მთავრობა კერძო სექტორს ამჯერად საინვესტიციოდ მიმზიდველ 90 მილიონ ლარზე მეტი ღირებულების ქონებას, მათ შორის, 54 სასოფლო-სამეურნეო დანიშნულების მიწას და 6 სახელმწიფო საწარმოს სთავაზობს.
„ძალიან მაღალი ტემპით ვახორციელებთ რეფორმას და ჩვენი მთავარი ამოცანაა, რომ ყველაფერი, რაც დღემდე იყო გაჩერებული, ჩაერთოს ეკონომიკურ ბრუნვაში, შექმნას დოვლათი და დაასაქმოს ადამიანები“, – განაცხადა ნათია თურნავამ.
მისი თქმით, პაკეტში წარმოდგენილია როგორც სახელმწიფო საკუთრებაში არსებული სხვადასხვა საინვესტიციო ქონება, ასევე რამდენიმე გაჩერებული სახელმწიფო საწარმოს წილიც.
მიხაილოვის საავადმყოფო - Sputnik საქართველო, 1920, 17.04.2021
საქართველოს მთავრობა სახელმწიფოს საკუთრებაში არსებულ ქონებას წარმატებით ასხვისებს
ეკონომიკისა და მდგრადი განვითარების სამინისტრო აღნიშნავს, რომ პროგრამის ფარგლებში გასაყიდ ქონებას შორის 89 ობიექტი 25-50%-იანი ფასდაკლებით გაიყიდება. პრივატიზების პროცესი იქნება მაქსიმალურად გამჭვირვალე და ყველასთვის ხელმისაწვდომი. მომხმარებელს ექნება შესაძლებლობა ყოველგვარი ბიუროკრატიული პროცედურების გარეშე მონაწილეობა მიიღოს ელექტრონულ აუქციონებში და მოკლე დროში გახდეს სახელმწიფო აქტივის მესაკუთრე.
პროგრამა „100 საინვესტიციო შეთავაზება ბიზნესს“ 2019 წლის ნოემბრიდან ამოქმედდა. ის ითვალისწინებს 100 პარალელური აუქციონის ჩატარებას და სახელმწიფო ქონების პრივატიზაციას გამარტივებული პროცედურით. ობიექტების ჩამონათვალში შედის უძრავი ქონება, სამრეწველო ობიექტები, სასაწყობე და ფერმერული მეურნეობები, სამედიცინო დაწესებულებები, სპორტული ინფრასტრუქტურა, სასტუმროები და ა.შ. 
ყველა ახალი ამბავი
0