უახლოეს დღეებში საქართველოში შეიძლება პური გაძვირდეს

პური - Sputnik საქართველო, 1920, 07.07.2021
სახელმწიფო პროგრამის თანახმად, წისქვილკომბინატებისთვის დადგენილი იყო ფიქსირებული ფასი – 53 ლარი პირველი ხარისხის ფქვილის 50-კილოგრამიან ტომარაზე.
თბილისი, 7 ივლისი – Sputnik. პურის ქარხნების ნაწილი პურს დაახლოებით 10 თეთრით უახლოეს დღეებში გააძვირებს, განაცხადა საქართველოს პურის მრეწველთა კავშირის თავმჯდომარემ მალხაზ დოლიძემ.
საქართველოში დასრულდა ხორბლის ფქვილის სუბსიდირების პროგრამა, რომელიც გასული წლის დეკემბრიდან პურის ფასის ზრდას აკავებდა. სუბსიდირების გარეშე თეთრი პურის ფასი საშუალოდ 0,15–0,2 ლარით მოიმატებდა. დღეს პურის, რომელზეც ყველაზე დიდი მოთხოვნაა, საშუალო ფასი დაახლოებით 0,8–1,0 ლარია.
„პურის საცხობები ფასს აკავებენ როგორც შეუძლიათ. მაგრამ ისეთი პროდუქტების გაძვირების პირობებში, როგორიცაა მზესუმზირის ზეთი, მარილი, საფუარი, შესაფუთი მასალები, ასევე ტარიფები ელექტროენერგიაზე და გაზზე, პურის თვითღირებულება გაიზარდა. ამის კომპენსირებისთვის უახლოეს დღეებში პურის ზოგიერთ სახეობაზე ფასი მაქსიმუმ 10 თეთრით გაიზრდება“, – განუცხადა „Sputnik–საქართველოს“ დოლიძემ.
მეორე მხრივ, დოლიძე ფქვილის სუბსიდირების პროგრამის დასრულებასაც ლოგიკურად მიიჩნევს.
მოსავლის აღება - Sputnik საქართველო, 1920, 02.03.2021
რუსული ხორბლის გაძვირება ქართველ მეწარმეებს ალტერნატივის ძებნას აიძულებს
„სუბსიდირება მუდმივად ვერ გაგრძელდება. ეს დროული ინექცია იყო და მან თავისი ფუნქცია შეასრულა. ფქვილის სუბსიდირება ხდებოდა, რადგან მსოფლიო ბაზარზე ის ძალიან გაძვირდა. ახლა ფქვილის ღირებულება სტაბილური გახდა. და ხორბლის ახალ მოსავალთან დაკავშირებით, რომელიც ექსპორტიორ ქვეყნებში კარგია, ფქვილი გაიაფდა“, – განაცხადა დოლიძემ.
ოთხი თვის განმავლობაში, 31 მარტის ჩათვლით, სახელმწიფო სუბსიდია ერთ 50-კილოგრამიან ტომარა პირველი ხარისხის ფქვილზე 10, შემდეგ კი 15 ლარს შეადგენდა. შემდეგ სუბსიდირების ვადა 1 ივლისამდე გაგრძელდა და სუბსიდიის თანხაც 20 ლარამდე გაიზარდა.
წისქვილკომბინატებისთვის დაწესებული იყო ფიქსირებული ფასი – 53 ლარი პირველი ხარისხის ფქვილის 50 კგ-იან ტომარაზე. ანუ იმ წისქვილკომბინატებს, რომლებიც პურის ქარხნებს პირველი კატეგორიის ფქვილის ერთ ტომარას 53 ლარად მიჰყიდიდნენ, მთავრობა სუბსიდიას უხდიდა.
პური მაღაზიაში - Sputnik საქართველო, 1920, 02.12.2020
რამდენით მოიმატებდა პურის ფასი, რომ არა სახელმწიფო სუბსიდია
დოლიძის თქმით, პირველი მოხმარების პროდუქტი რომ არ გაძვირდეს, საჭიროა კვების პროდუქტებზე დღგ-ის შემცირება.
„მაგალითად, აზერბაიჯანში საერთოდ მოხსნეს დღგ, ჩვენთან კი 18%-ია. ის რომ შეამცირონ საკვებ პროდუქტებზე, პურის ფასის შენარჩუნება მოხერხდებოდა. ეს საკითხი რამდენჯერმე დავაყენე, მაგრამ არავის განუხილავს“, – აღნიშნა დოლიძემ.
მისი თქმით, ქვეყანაში მძიმე ეკონომიკური ვითარებაა, ამიტომ ეს საკითხი ჯერჯერობით პოპულარული არაა.
ყველა ახალი ამბავი
0
თავიდან ახლებითავიდან ძველები
loader
ეთერში
Заголовок открываемого материала
საერთაშორისო
InternationalEnglishინგლისურიMundoEspañolესპანური
ევროპა
DeutschlandDeutschგერმანულიFranceFrançaisფრანგულიΕλλάδαΕλληνικάბერძნულიItaliaItalianoიტალიურიČeská republikaČeštinaჩეხურიPolskaPolskiპოლონურიСрбиjаСрпскиსერბულიLatvijaLatviešuლატვიურიLietuvaLietuviųლიეტუვურიMoldovaMoldoveneascăმოლდოვურიБеларусьБеларускiბელარუსული
ამიერკავკასია
ԱրմենիաՀայերենსომხურისაქართველოქართულიქართულიAzərbaycanАzərbaycancaაზერბაიჯანული
ახლო აღმოსავლეთი
Sputnik عربيArabicარაბულიTürkiyeTürkçeთურქულიSputnik ایرانPersianფარსიSputnik افغانستانDariდარი
ცენტრალური აზია
ҚазақстанҚазақ тіліყაზახურიКыргызстанКыргызчаყირგიზულიOʻzbekistonЎзбекчаუზბეკურიТоҷикистонТоҷикӣტაჯიკური
აღმოსავლეთი და სამხრეთ-აღმოსავლეთი აზია
Việt NamTiếng Việtვიეტნამური日本日本語იაპონური俄罗斯卫星通讯社中文(简体)ჩინური (გამარტ.)俄罗斯卫星通讯社中文(繁体)ჩინური (ტრად.)
სამხრეთი ამერიკა
BrasilPortuguêsპორტუგალიური