https://sputnik-georgia.com/20210706/solidaroba-jurnalistebs-saqartveloshi-aqciebi-gaimarta-252226956.html
„სოლიდარობა ჟურნალისტებს“: საქართველოს მასშტაბით მდუმარე აქციები გაიმართა
„სოლიდარობა ჟურნალისტებს“: საქართველოს მასშტაბით მდუმარე აქციები გაიმართა
Sputnik საქართველო
ლგბტ–თემის მოწინააღმდეგეებმა, რომლებიც „ღირსების მარშს“ აპროტესტებდნენ, მასმედია „გარყვნილების მხარდაჭერაში“ დაადანაშაულეს და ფიზიკურად გაუსწორდნენ. 06.07.2021-ს, Sputnik საქართველო
2021-07-06T13:37+0400
2021-07-06T13:37+0400
2021-10-19T18:00+0400
ახალი ამბები
საზოგადოება
საქართველო
https://cdnn1.img.sputnik-georgia.com/img/07e5/07/06/252227034_0:246:1780:1253_1920x0_80_0_0_23aaca5a41cf61709a78328a7da2fb3c.jpg
თბილისი, 6 ივლისი – Sputnik. თბილისში გუშინ განვითარებულ მოვლენებს ჟურნალისტები საქართველოს სხვადასხვა ქალაქში მდუმარე აქციით გამოეხმაურნენ.მასმედიის წარმომადგენლებზე ძალადობის ფაქტები 5 ივლისს ლგბტ–თემის მოწინააღმდეგეთა მიერ თბილისის ცენტრში გამართულ აქციაზე მოხდა. გუშინ არასამთავრობო ორგანიზაცია „თბილისი პრაიდი“ სექს-უმცირესობების სოლიდარობის კვირეულის დასკვნითი ღონისძიების „ღირსების მარშის“ ჩატარებას გეგმავდა, რომელიც რუსთაველის გამზირზე 18:00 საათზე უნდა დაწყებულიყო. მაგრამ დილის 11 საათიდან რუსთაველის გამზირზე კონტრაქცია დაიწყო. „ღირსების მარშისა“ და „თბილისი პრაიდის“ მოწინააღმდეგეები ფიზიკურად გაუსწორდნენ თითქმის ყველა ტელეარხის გადამღებ ჯგუფებს. მათ ჟურნალისტებსა და ოპერატორებს მუშაობისა და აქციის გაშუქების საშუალება არ მისცეს, დაუზიანეს ტექნიკა. მასმედიის რამდენიმე წარმომადგენელი ამ დრომდე კლინიკაში რჩება. შსს-ს ცნობით, გამოვლენილია ძალადობის 55 ფაქტი, აქედან 53 სხვადასხვა მედიასაშუალების წარმომადგენელთა მიმართ არის ჩადენილი. „არა ძალადობას! მოგვეცით მუშაობის საშუალება!" – ამ დევიზით გაიმართა სოლიდარობის მდუმარე აქცია ქუთაისში. ცენტრალურ მოედანზე შეკრებილმა მედიასაშუალებების წარმომადგენლებმა თბილისში ჟურნალისტებზე განხორციელებული ძალადობა დაგმეს და დამნაშავე პირების დასჯა მოითხოვეს. აქციას არასამთავრობო სექტორის წარმომადგენლები და პოლიტიკოსებიც შეუერთდნენ.„პრაიდის“ მოწინააღმდეგეთა აქციაზე დაშავებულ მასმედიის წარმომადგენლებს სოლიდარობა გამოუცხადეს ასევე ბათუმში. როგორც შეკრებილებმა განაცხადეს, შესაბამისმა ორგანოებმა მასმედიის წარმომადგენლების მიმართ განხორციელებული ძალადობა სათანადოდ ვერ აღკვეთეს.მასმედიის სოლიდარობის აქციას კახეთშიც შეუერთდნენ. რეგიონში მომუშავე ჟურნალისტებმა და არასამთავრობო ორგანიზაციების წარმომადგენლებმა თბილისში განვითარებული მოვლენები მდუმარე აქციით გააპროტესტეს. მათი განცხადებით, დაუშვებელია ჟურნალისტებზე ძალადობა და პროფესიულ საქმიანობაში ხელის შეშლა. ჟურნალისტების სოლიდარობის აქცია ჩატარდა აგრეთვე გორში. შიდა ქართლის სამხარეო პოლიციასთან მედიასაშუალებების წარმომადგენლები და სამოქალაქო აქტივისტები შეიკრიბნენ და მასმედიაზე ძალადობის ფაქტები გააპროტესტეს.„სოლიდარობა მასმედიის ყველა წარმომადგენელს!“ – ამ ლოზუნგით გაიმართა მდუმარე საპროტესტო აქცია ზუგდიდშიც. აქციის მონაწილეებმა დაგმეს გუშინ თბილისში მასმედიაზე განხორციელებული ძალადობა და ყველა დამნაშავის გამოვლენა და კანონის სრული სიმკაცრით დასჯა მოითხოვეს.შსს-მ ჟურნალისტებზე თავდასხმის ფაქტებზე სისხლის სამართლის საქმე ორი მუხლით აღძრა – ჟურნალისტისთვის პროფესიულ საქმიანობაში უკანონოდ ხელის შეშლა და ძალადობა. ბოლო ინფორმაციით, დაკავებულია 11 პირი. უწყების ცნობით, მიმდინარეობს ინციდენტების ამსახველი მასალების შესწავლა, ასევე დანაშაულში მონაწილე სხვა პირების დადგენა-დაკავების მიზნით გრძელდება საგამოძიებო ღონისძიებები.
https://sputnik-georgia.com/20210706/garibashvili-vgmob-jurnalistebze-zaladobas-252226483.html
https://sputnik-georgia.com/20210706/Jurnalistebze-Zaladobis-braldebiT-Sss-m-kidev-sami-piri-daakava-252225780.html
საქართველო
Sputnik საქართველო
media@sputniknews.com
+74956456601
MIA „Rossiya Segodnya“
2021
Sputnik საქართველო
media@sputniknews.com
+74956456601
MIA „Rossiya Segodnya“
ახალი ამბები
ka_KA
Sputnik საქართველო
media@sputniknews.com
+74956456601
MIA „Rossiya Segodnya“
Sputnik საქართველო
media@sputniknews.com
+74956456601
MIA „Rossiya Segodnya“
ახალი ამბები, საზოგადოება, საქართველო
ახალი ამბები, საზოგადოება, საქართველო
„სოლიდარობა ჟურნალისტებს“: საქართველოს მასშტაბით მდუმარე აქციები გაიმართა
13:37 06.07.2021 (განახლებულია: 18:00 19.10.2021) ლგბტ–თემის მოწინააღმდეგეებმა, რომლებიც „ღირსების მარშს“ აპროტესტებდნენ, მასმედია „გარყვნილების მხარდაჭერაში“ დაადანაშაულეს და ფიზიკურად გაუსწორდნენ.
თბილისი, 6 ივლისი – Sputnik. თბილისში გუშინ განვითარებულ მოვლენებს ჟურნალისტები საქართველოს სხვადასხვა ქალაქში მდუმარე აქციით გამოეხმაურნენ.
მასმედიის წარმომადგენლებზე ძალადობის ფაქტები 5 ივლისს ლგბტ–თემის მოწინააღმდეგეთა მიერ თბილისის ცენტრში გამართულ აქციაზე მოხდა. გუშინ არასამთავრობო ორგანიზაცია „თბილისი პრაიდი“ სექს-უმცირესობების სოლიდარობის კვირეულის დასკვნითი ღონისძიების „ღირსების მარშის“ ჩატარებას გეგმავდა, რომელიც რუსთაველის გამზირზე 18:00 საათზე უნდა დაწყებულიყო. მაგრამ დილის 11 საათიდან რუსთაველის გამზირზე კონტრაქცია დაიწყო. „ღირსების მარშისა“ და „თბილისი პრაიდის“ მოწინააღმდეგეები ფიზიკურად გაუსწორდნენ თითქმის ყველა ტელეარხის გადამღებ ჯგუფებს. მათ ჟურნალისტებსა და ოპერატორებს მუშაობისა და აქციის გაშუქების საშუალება არ მისცეს, დაუზიანეს ტექნიკა. მასმედიის რამდენიმე წარმომადგენელი ამ დრომდე კლინიკაში რჩება. შსს-ს ცნობით, გამოვლენილია ძალადობის 55 ფაქტი, აქედან 53 სხვადასხვა მედიასაშუალების წარმომადგენელთა მიმართ არის ჩადენილი.
„არა ძალადობას! მოგვეცით მუშაობის საშუალება!" – ამ დევიზით გაიმართა სოლიდარობის მდუმარე აქცია ქუთაისში. ცენტრალურ მოედანზე შეკრებილმა მედიასაშუალებების წარმომადგენლებმა თბილისში ჟურნალისტებზე განხორციელებული ძალადობა დაგმეს და დამნაშავე პირების დასჯა მოითხოვეს. აქციას არასამთავრობო სექტორის წარმომადგენლები და პოლიტიკოსებიც შეუერთდნენ.
„პრაიდის“ მოწინააღმდეგეთა აქციაზე დაშავებულ მასმედიის წარმომადგენლებს სოლიდარობა გამოუცხადეს ასევე ბათუმში. როგორც შეკრებილებმა განაცხადეს, შესაბამისმა ორგანოებმა მასმედიის წარმომადგენლების მიმართ განხორციელებული ძალადობა სათანადოდ ვერ აღკვეთეს.
მასმედიის სოლიდარობის აქციას კახეთშიც შეუერთდნენ. რეგიონში მომუშავე ჟურნალისტებმა და არასამთავრობო ორგანიზაციების წარმომადგენლებმა თბილისში განვითარებული მოვლენები მდუმარე აქციით გააპროტესტეს. მათი განცხადებით, დაუშვებელია ჟურნალისტებზე ძალადობა და პროფესიულ საქმიანობაში ხელის შეშლა.
ჟურნალისტების სოლიდარობის აქცია ჩატარდა აგრეთვე გორში. შიდა ქართლის სამხარეო პოლიციასთან მედიასაშუალებების წარმომადგენლები და სამოქალაქო აქტივისტები შეიკრიბნენ და მასმედიაზე ძალადობის ფაქტები გააპროტესტეს.
„სოლიდარობა მასმედიის ყველა წარმომადგენელს!“ – ამ ლოზუნგით გაიმართა მდუმარე საპროტესტო აქცია ზუგდიდშიც. აქციის მონაწილეებმა დაგმეს გუშინ თბილისში მასმედიაზე განხორციელებული ძალადობა და ყველა დამნაშავის გამოვლენა და კანონის სრული სიმკაცრით დასჯა მოითხოვეს.
შსს-მ ჟურნალისტებზე თავდასხმის ფაქტებზე სისხლის სამართლის საქმე ორი მუხლით აღძრა – ჟურნალისტისთვის პროფესიულ საქმიანობაში უკანონოდ ხელის შეშლა და ძალადობა. ბოლო ინფორმაციით, დაკავებულია 11 პირი.
უწყების ცნობით, მიმდინარეობს ინციდენტების ამსახველი მასალების შესწავლა, ასევე დანაშაულში მონაწილე სხვა პირების დადგენა-დაკავების მიზნით გრძელდება საგამოძიებო ღონისძიებები.
