https://sputnik-georgia.com/20210705/Setakebebi-Tbilisis-centrSi-xelisufleba-da-opozicia-erTmaneTs-adanaSaulebs-252220079.html
შეტაკებები თბილისის ცენტრში: ხელისუფლება და ოპოზიცია ერთმანეთს ადანაშაულებს
შეტაკებები თბილისის ცენტრში: ხელისუფლება და ოპოზიცია ერთმანეთს ადანაშაულებს
Sputnik საქართველო
რუსთაველის გამზირი რადიკალურად განწყობილი დაჯგუფებებითაა სავსე, ოპოზიცია მომხდარში ხელისუფლებას ადანაშაულებს. 05.07.2021-ს, Sputnik საქართველო
2021-07-05T19:18+0400
2021-07-05T19:18+0400
2021-10-19T18:00+0400
ახალი ამბები
პოლიტიკა
საქართველო
https://cdnn1.img.sputnik-georgia.com/img/07e5/07/05/252217417_0:130:1281:853_1920x0_80_0_0_4496351369536ebefb7619c9cf83fab4.jpg
თბილისი, 5 ივლისი - Sputnik. „თბილისი პრაიდის“ მარშის ჩატარების საწინააღმდეგო აქცია ქვეყნის დედაქალაქში არეულობაში გადაიზარდა. ხელისუფლება და ოპოზიცია მომხდარში ერთმანეთს ადანაშაულებს.ამ წუთებში რუსთაველის გამზირი რადიკალურად განწყობილი დაჯგუფებებითაა სავსე. ისინი ლგბტ საზოგადოების უფლებათა დამცველების საწინააღმდეგო აქციაზე გამოვიდნენ, თუმცა თავს ესხმიან ჟურნალისტებს და მოქალაქეებს, რომლებიც, მათი აზრით, არასათანადოდ არიან ჩაცმული. წინასწარი მონაცემებით, დაშავდა 15 ჟურნალისტი, ხუთი მათგანი კლინიკაშია გადაყვანილი.ხელისუფლების ბრალდებებიმმართველი პარტია „ქართული ოცნების“ თავმჯდომარეს ირაკლი კობახიძეს მიაჩნია, რომ დღევანდელი მოვლენები „ერთიანი ნაციონალური მოძრაობის“ ინტერესებს პასუხობს.„მინდა შევახსენო ყველას, რომ ის, რაც დღეს ხდება თბილისში, არის მხოლოდ და მხოლოდ „პრაიდის“ უკან მდგომი რადიკალური ოპოზიციის – „ნაციონალური მოძრაობისა“ და მისი პარტნიორი პარტიების ინტერესებში. საზოგადოების დაპირისპირება, ვითარების დაძაბვა, ანტიდასავლური გრძნობების გაღვივება არის ის, რასაც ეს პოლიტიკური ძალები ესწრაფვოდნენ მთელი ამ წლების განმავლობაში“, - აღნიშნა კობახიძემ.მისი აზრით, „თბილისი პრაიდის“ ორგანიზატორების ნამდვილი მიზანი იყო არა ვინმეს უფლებების დაცვა, არამედ სუბიექტური პოლიტიკური ინტერესების გატარება.ამავე დროს, კობახიძის თქმით, ძალადობას, განსაკუთრებით, ჟურნალისტების წინააღმდეგ, არანაირი გამართლება არ აქვს.„ძალადობას, განსაკუთრებით ჟურნალისტების წინააღმდეგ, არა აქვს არავითარი გამართლება და თითოეული ასეთი ფაქტი მკაცრ სამართლებრივ რეაგირებას საჭიროებს. გვესმის, რომ ვითარების მართვა რთულია ობიექტური გარემოებების, მათ შორის აქციის მონაწილეთა რაოდენობის გამო. თუმცა, მოვუწოდებთ სამართალდამცავ ორგანოებს, გააკეთონ მაქსიმუმი ძალადობის აღსაკვეთად და ვითარების დეესკალაციისათვის“, - განაცხადა მან.ოპოზიციის ბრალდებებიოპოზიციური პარტიები თბილისში მიმდინარე მოვლენებზე სრულ პასუხისმგებლობას პრემიერ-მინისტრ ირაკლი ღარიბაშვილს აკისრებენ.„თბილისის ქუჩებში დღეს განვითარებულ მოვლენებზე სრული პასუხიმგებლობა ეკისრება ხელისუფლებას და პრემიერ-მინისტრ ღარიბაშვილს, რომელმაც დღეს, თავისი საჯარო განცხადებით პირდაპირ წააქეზა ძალადობა მოქალაქეთა წინააღმდეგ“, - ნათქვამია პარტიის „ლელო საქართველოსთვის“ განცხადებაში.პარტიის წარმომადგენელთა აზრით, ხელისუფლებამ უარი თქვა ადამიანის უფლებების დაცვაზე, რაც საქართველოს კონსტიტუციითაა გარანტირებული.მომხდარში პრემიერ-მინისტრს „ერთიანი ნაციონალური მოძრაობის“ წარმომადგენლებიც ადანაშაულებენ.„პრემიერ-მინისტრი, რომელიც ამ ქვეყანაში უნდა იყოს უსაფრთხოების, სტაბილურობისა და ადამიანის უფლებების დაცვის გარანტი, მთავრობის სხდომაზე პირდაპირ ძალადობას ახალისებს“, – განაცხადა „ნაციონალური მოძრაობის“ წევრმა თინა ბოკუჩავამ.მან უარყო ინფორმაცია იმის შესახებ, რომ პრაიდის ორგანიზების უკან „ნაციონალური მოძრაობა“ დგას, და საერთაშორისო თანამეგობრობას ფაქტებზე რეაგირებისკენ მოუწოდა.ხოლო პარტია „გირჩმა“, ხელისუფლების გარდა, ბრალი პოლიციასაც დასდო.„სამართალდამცავი სისტემა დღეს ჩაფლავდა, შესაბამისად, ადამიანები არიან დაუცველები სპეციფიკური ბრბოს წინაშე, რომელსაც გეი და ოპერატორი ერევა ერთმანეთში“, – განუცხადა ჟურნალისტებს ოპოზიციონერმა დეპუტატმა იაგო ხვიჩიამ.ხელისუფლების ქმედებები ყოფილი პრემიერის გიორგი გახარიას პარტიის „საქართველოსთვის“ წარმომადგენლებმაც გააკრიტიკეს.„დღეს უნდა გავითვალისწინოთ, რომ თითოეულ სიტყვას განსაკუთრებული მნიშვნელობა აქვს, კატეგორიულად მიუღებელია სიტუაციის გამოყენება პოლიტიკურ ინტერესებში. ხელისუფლება ვალდებულია, შეასრულოს თავისი ფუნქციები და არ დაუშვას ძალადობა“, - აღნიშნა პარტიის წარმომადგენელმა გიორგი ხოჯევანიშვილმა.არასამთავრობო ორგანიზაცია „თბილისი პრაიდმა“ დაგეგმა სექსუალურ უმცირესობათა სოლიდარობის კვირეული, რომელიც 5 ივლისს თბილისის ცენტრში „ღირსების მარშით“ უნდა დასრულებულიყო. მარში ჩაიშალა. „თბილისი პრაიდის“ წინააღმდეგ გამოდიან კონსერვატიული რადიკალური ორგანიზაციები და ჯგუფები, რომლებიც „ღირსების მარშის“ აკრძალვას ითხოვენ.
https://sputnik-georgia.com/20210705/tbilisis-centrshi-ucxoels-tavs-daesxnen-252219207.html
https://sputnik-georgia.com/20210705/salome-zurabiSvili-vgmob-dRes-ganviTarebul-movlenebs-252219822.html
https://sputnik-georgia.com/20210705/lomjaria-252217734.html
საქართველო
Sputnik საქართველო
media@sputniknews.com
+74956456601
MIA „Rossiya Segodnya“
2021
Sputnik საქართველო
media@sputniknews.com
+74956456601
MIA „Rossiya Segodnya“
ახალი ამბები
ka_KA
Sputnik საქართველო
media@sputniknews.com
+74956456601
MIA „Rossiya Segodnya“
Sputnik საქართველო
media@sputniknews.com
+74956456601
MIA „Rossiya Segodnya“
ახალი ამბები, პოლიტიკა, საქართველო
ახალი ამბები, პოლიტიკა, საქართველო
შეტაკებები თბილისის ცენტრში: ხელისუფლება და ოპოზიცია ერთმანეთს ადანაშაულებს
19:18 05.07.2021 (განახლებულია: 18:00 19.10.2021) რუსთაველის გამზირი რადიკალურად განწყობილი დაჯგუფებებითაა სავსე, ოპოზიცია მომხდარში ხელისუფლებას ადანაშაულებს.
თბილისი, 5 ივლისი - Sputnik. „თბილისი პრაიდის“ მარშის ჩატარების საწინააღმდეგო აქცია ქვეყნის დედაქალაქში არეულობაში გადაიზარდა. ხელისუფლება და ოპოზიცია მომხდარში ერთმანეთს ადანაშაულებს.
ამ წუთებში რუსთაველის გამზირი რადიკალურად განწყობილი დაჯგუფებებითაა სავსე. ისინი ლგბტ საზოგადოების უფლებათა დამცველების საწინააღმდეგო აქციაზე გამოვიდნენ, თუმცა თავს ესხმიან ჟურნალისტებს და მოქალაქეებს, რომლებიც, მათი აზრით, არასათანადოდ არიან ჩაცმული. წინასწარი მონაცემებით, დაშავდა 15 ჟურნალისტი, ხუთი მათგანი კლინიკაშია გადაყვანილი.
მმართველი პარტია „ქართული ოცნების“ თავმჯდომარეს ირაკლი კობახიძეს მიაჩნია, რომ დღევანდელი მოვლენები „ერთიანი ნაციონალური მოძრაობის“ ინტერესებს პასუხობს.
„მინდა შევახსენო ყველას, რომ ის, რაც დღეს ხდება თბილისში, არის მხოლოდ და მხოლოდ „პრაიდის“ უკან მდგომი რადიკალური ოპოზიციის – „ნაციონალური მოძრაობისა“ და მისი პარტნიორი პარტიების ინტერესებში. საზოგადოების დაპირისპირება, ვითარების დაძაბვა, ანტიდასავლური გრძნობების გაღვივება არის ის, რასაც ეს პოლიტიკური ძალები ესწრაფვოდნენ მთელი ამ წლების განმავლობაში“, - აღნიშნა კობახიძემ.
მისი აზრით, „თბილისი პრაიდის“ ორგანიზატორების ნამდვილი მიზანი იყო არა ვინმეს უფლებების დაცვა, არამედ სუბიექტური პოლიტიკური ინტერესების გატარება.
ამავე დროს, კობახიძის თქმით, ძალადობას, განსაკუთრებით, ჟურნალისტების წინააღმდეგ, არანაირი გამართლება არ აქვს.
„ძალადობას, განსაკუთრებით ჟურნალისტების წინააღმდეგ, არა აქვს არავითარი გამართლება და თითოეული ასეთი ფაქტი მკაცრ სამართლებრივ რეაგირებას საჭიროებს. გვესმის, რომ ვითარების მართვა რთულია ობიექტური გარემოებების, მათ შორის აქციის მონაწილეთა რაოდენობის გამო. თუმცა, მოვუწოდებთ სამართალდამცავ ორგანოებს, გააკეთონ მაქსიმუმი ძალადობის აღსაკვეთად და ვითარების დეესკალაციისათვის“, - განაცხადა მან.
ოპოზიციური პარტიები თბილისში მიმდინარე მოვლენებზე სრულ პასუხისმგებლობას პრემიერ-მინისტრ ირაკლი ღარიბაშვილს აკისრებენ.
„თბილისის ქუჩებში დღეს განვითარებულ მოვლენებზე სრული პასუხიმგებლობა ეკისრება ხელისუფლებას და პრემიერ-მინისტრ ღარიბაშვილს, რომელმაც დღეს, თავისი საჯარო განცხადებით პირდაპირ წააქეზა ძალადობა მოქალაქეთა წინააღმდეგ“, - ნათქვამია პარტიის „ლელო საქართველოსთვის“ განცხადებაში.
პარტიის წარმომადგენელთა აზრით, ხელისუფლებამ უარი თქვა ადამიანის უფლებების დაცვაზე, რაც საქართველოს კონსტიტუციითაა გარანტირებული.
მომხდარში პრემიერ-მინისტრს „ერთიანი ნაციონალური მოძრაობის“ წარმომადგენლებიც ადანაშაულებენ.
„პრემიერ-მინისტრი, რომელიც ამ ქვეყანაში უნდა იყოს უსაფრთხოების, სტაბილურობისა და ადამიანის უფლებების დაცვის გარანტი, მთავრობის სხდომაზე პირდაპირ ძალადობას ახალისებს“, – განაცხადა „ნაციონალური მოძრაობის“ წევრმა თინა ბოკუჩავამ.
მან უარყო ინფორმაცია იმის შესახებ, რომ პრაიდის ორგანიზების უკან „ნაციონალური მოძრაობა“ დგას, და საერთაშორისო თანამეგობრობას ფაქტებზე რეაგირებისკენ მოუწოდა.
ხოლო პარტია „გირჩმა“, ხელისუფლების გარდა, ბრალი პოლიციასაც დასდო.
„სამართალდამცავი სისტემა დღეს ჩაფლავდა, შესაბამისად, ადამიანები არიან დაუცველები სპეციფიკური ბრბოს წინაშე, რომელსაც გეი და ოპერატორი ერევა ერთმანეთში“, – განუცხადა ჟურნალისტებს ოპოზიციონერმა დეპუტატმა იაგო ხვიჩიამ.
ხელისუფლების ქმედებები ყოფილი პრემიერის გიორგი გახარიას პარტიის „საქართველოსთვის“ წარმომადგენლებმაც გააკრიტიკეს.
„დღეს უნდა გავითვალისწინოთ, რომ თითოეულ სიტყვას განსაკუთრებული მნიშვნელობა აქვს, კატეგორიულად მიუღებელია სიტუაციის გამოყენება პოლიტიკურ ინტერესებში. ხელისუფლება ვალდებულია, შეასრულოს თავისი ფუნქციები და არ დაუშვას ძალადობა“, - აღნიშნა პარტიის წარმომადგენელმა გიორგი ხოჯევანიშვილმა.
არასამთავრობო ორგანიზაცია „თბილისი პრაიდმა“ დაგეგმა სექსუალურ უმცირესობათა სოლიდარობის კვირეული, რომელიც 5 ივლისს თბილისის ცენტრში „ღირსების მარშით“ უნდა დასრულებულიყო. მარში ჩაიშალა. „თბილისი პრაიდის“ წინააღმდეგ გამოდიან კონსერვატიული რადიკალური ორგანიზაციები და ჯგუფები, რომლებიც „ღირსების მარშის“ აკრძალვას ითხოვენ.
