საქართველოში ფასები რეკორდებს აჭარბებს: ახალი სტატისტიკა

© Sputnik / STRINGERბაზარში
ბაზარში - Sputnik საქართველო, 1920, 03.07.2021
საქართველოს ეროვნული ბანკის პროგნოზით, წლიური ინფლაცია 2021 წელს იქნება 7%, მიზნობრივი მაჩვენებელია 3%.
თბილისი, 3 ივნისი – Sputnik. წლიურმა ინფლაციამ საქართველოში (2021 წლის მაისში 2020 წლის ივნისთან შედარებით) 9,9% შეადგინა, მიზნობრივი მაჩვენებელია 3%, ნათქვამია საქართველოს სტატისტიკის ეროვნული სამსახურის „საქსტატის“ მასალებში.
ბოლოჯერ ინფლაციის 10%-იანი დონე 2011 წლის ივნისში დაფიქსირდა.
ერთ წელიწადში ფასები გაიზარდა ტრანსპორტზე (22%), ჯანდაცვაზე (11,6%), ავეჯსა (10,6%) და კომუნალურ მომსახურებაზე (10,5%). გასულ წელთან შედარებით ივნისში სურსათზე ფასი 8,8%-ით გაიზარდა. ყველაზე მეტად გაძვირდა ზეთი (47,1%), ბოსტნეული (16,6%) და შაქარი (13,7%). ამასთან ერთად გაიაფდა ხილი - 19,5%-ით.
2021 წლის ივნისში, 2021 წლის მაისთან შედარებით, ინფლაციის დონემ შეადგინა 0,7%. მაისში კი ინფლაცია 0,72% იყო.

რა ახდენს გავლენას ფასების დინამიკაზე საქართველოში

ინფლაციის დინამიკაზე გავლენას ახდენს ფასების ზრდა საერთაშორისო სასაქონლო ბაზრებზე და ლარის გაცვლითი კურსის მერყეობა, ნათქვამია საქართველოს ეროვნული ბანკის განცხადებაში.
გაზქურა - Sputnik საქართველო, 1920, 27.05.2021
თბილისელებისთვის გაზის საფასური გაიზარდა
გარდა ამისა, რეგულატორის ინფორმაციით, გლობალურ მასშტაბში ნავთობზე ფასების ზრდა აისახება საწვავზე, რაც საქართველოში ინფლაციაზე ზეწოლას ზრდის.
„თბილისში გაზის ტარიფის გაზრდის ფონზე მოსალოდნელია, რომ კომუნალურ მომსახურებაზე გადახდების ზრდა ივნისიდან კიდევ უფრო გაზრდის ინფლაციის მაჩვენებელს“, - ნათქვამია განცხადებაში.
ეროვნული ბანკის მონაცემებით, წინასწარი მაჩვენებლები მიუთითებს ერთობლივი მოთხოვნის გააქტიურებაზე, რომელიც არსებულ პროგნოზებზე მაღალი აღმოჩნდა. კერძოდ, წლის პირველ ოთხ თვეში ეკონომიკური აქტივობა 8,1%-ით გაიზარდა და ის 2019 წლის დონეს აჭარბებს.
„გაზრდილია ეკონომიკის დაკრედიტების ზრდის ტემპი და ფისკალური სტიმულიც ნარჩუნდება. ჯამურად, შიდა მოთხოვნის ზრდაზე მიუთითებს იმპორტის გააქტიურებაც. აღნიშნული ფაქტორების საპირწონედ, გაზრდილია საგარეო შემოდინებები, რაც სავალუტო ბაზრის პოზიტიურ დინამიკასა და, შედეგად, ინფლაციის შემცირებასაც შეუწყობს ხელს“, - ნათქვამია განცხადებაში.
დოკუმენტში აღნიშნულია, რომ ივნისში წლიური ინფლაციის მაჩვენებელი პიკს მიაღწევს, ხოლო 2021 წელს, სხვა თანაბარ პირობებში, საშუალოდ 7% იქნება.
რეგულატორი მიიჩნევს, რომ მიზნობრივზე მაღლა ინფლაციის დონის გრძელვადიანი შენარჩუნება ინფლაციური მოლოდინების ზრდის რისკს ქმნის, რაც შეიძლება აისახოს ინფლაციის ზრდაზე მომავალში. ამასთან დაკავშირებით ეროვნულმა ბანკმა მონეტარული პოლიტიკის გამკაცრების გადაწყვეტილება მიიღო და რეფინანსირების განაკვეთი 9,5%-მდე გაზარდა. ივნისში რეგულატორმა რეფინანსირების განაკვეთი უცვლელად დატოვა.
ყველა ახალი ამბავი
0
თავიდან ახლებითავიდან ძველები
loader
ეთერში
Заголовок открываемого материала
საერთაშორისო
InternationalEnglishინგლისურიMundoEspañolესპანური
ევროპა
DeutschlandDeutschგერმანულიFranceFrançaisფრანგულიΕλλάδαΕλληνικάბერძნულიItaliaItalianoიტალიურიČeská republikaČeštinaჩეხურიPolskaPolskiპოლონურიСрбиjаСрпскиსერბულიLatvijaLatviešuლატვიურიLietuvaLietuviųლიეტუვურიMoldovaMoldoveneascăმოლდოვურიБеларусьБеларускiბელარუსული
ამიერკავკასია
ԱրմենիաՀայերենსომხურისაქართველოქართულიქართულიAzərbaycanАzərbaycancaაზერბაიჯანული
ახლო აღმოსავლეთი
Sputnik عربيArabicარაბულიTürkiyeTürkçeთურქულიSputnik ایرانPersianფარსიSputnik افغانستانDariდარი
ცენტრალური აზია
ҚазақстанҚазақ тіліყაზახურიКыргызстанКыргызчаყირგიზულიOʻzbekistonЎзбекчаუზბეკურიТоҷикистонТоҷикӣტაჯიკური
აღმოსავლეთი და სამხრეთ-აღმოსავლეთი აზია
Việt NamTiếng Việtვიეტნამური日本日本語იაპონური中国中文ჩინური
სამხრეთი ამერიკა
BrasilPortuguêsპორტუგალიური