ევროპარლამენტის დეპუტატებმა ქართველ პოლიტიკოსებს მიმართეს

© photo: Sputnik / Alexey Vitvitsky / გადასვლა მედიაბანკშიევროპარლამენტის შენობა
ევროპარლამენტის შენობა - Sputnik საქართველო, 1920, 29.03.2021
გამოწერა
НовостиTelegram
დეპუტატებს იმედი აქვთ, რომ ქართული პოლიტიკური სპექტრი შეძლებს კრიზისის დაძლევას და ამ რთული მდგომარეობიდან გამოსვლას

თბილისი, 29 მარტი – Sputnik. ევროპარლამენტის დეპუტატებმა საქართველოს ყველა პოლიტიკურ ძალას მოუწოდეს, გვერდზე გადადონ პარტიული ინტერესები და საბოლოოდ მიაღწიონ შეთანხმებას - ერთობლივი განცხადება ევროპარლამენტის ვებგვერდზე გამოქვეყნდა.

„ჩვენ მოვუწოდებთ ყველა პოლიტიკურ ლიდერს, გამოიყენონ შანსი თანასწორი შეთანხმებისთვის, რომელიც ჯერ კიდევ შესაძლებელია და დებატებში პირველ ადგილზე დააყენონ საქართველოს მოქალაქეები და მათი საჭიროებები... არსებითი პროგრესი შესაძლებელია, როდესაც ანტაგონიზმი და პოლარიზაცია საქართველოს პოლიტიკაში შეიცვლება კონსტრუქციული თანამშრომლობით და როდესაც ქვეყნის დემოკრატიული ინსტიტუტები საკუთარი როლის სათანადოდ შესრულებას შეძლებენ “, - ნათქვამია მიმართვაში.

ირაკლი კობახიძე - Sputnik საქართველო, 1920, 29.03.2021
რამდენიმე ვარიანტი მმართველი პარტიისთვის შუამავლისგან – რას აირჩევს „ქართული ოცნება“

ამასთან ევროპარლამენტის დეპუტატები ხაზს უსვამენ, რომ მხარს უჭერენ ევროკავშირის შუამავლობას მოლაპარაკებებში საქართველოს ოპოზიციასა და ხელისუფლებას შორის, მათ შორის ევროპული საბჭოს პრეზიდენტ შარლ მიშელის სპეციალური წარმომადგენლის, კრისტიან დანიელსონის მხრიდან.

განცხადებას ხელს აწერენ ევროპარლამენტის საგარეო საქმეთა კომიტეტის თავმჯდომარე დევიდ მაკალისტერი, სამხრეთ კავკასიასთან ურთიერთობების დელეგაციის თავმჯდომარე მარინა კალიურანდი, ევრონესტის საპარლამენტო ასამბლეის დელეგაციის თავმჯდომარე ანდრიუს კუბილიუსი და სხვ.

ევროკავშირის და საქართველოს დროშები - Sputnik საქართველო, 1920, 28.03.2021
დანიელსონმა დაასახელა, ვის არის პასუხისმგებელი პოლიტიკური კრიზისიდან გამოსვლაზე

საპარლამენტო არჩევნებიდან თითქმის ხუთი თვის შემდეგ ოპოზიციის ძირითადი ნაწილი კვლავ უარს აცხადებს არჩევნების შედეგების აღიარებაზე და ვადამდელ არჩევნებს მოითხოვს. ხელისუფლება აღნიშნულ საკითხს „წითელ ხაზად“ მიიჩნევს, არჩევნების გაყალბების ბრალდებებს უსაფუძვლოს უწოდებს და ოპოზიციას მოლაპარაკებებზე სხვა საკითხებზე კონცენტრირებას სთავაზობს.

ევროპელი დიპლომატი დანიელსონი უკვე მეორედ ჩამოვიდა თბილისში, რათა გააგრძელოს მოლაპარაკებათა პროცესი და დაეხმაროს საქართველოს მმართველ პარტიასა და ოპოზიციას შეთანხმების მიღწევაში და შექმნილი პოლიტიკური კრიზისიდან გამოსვლაში. მანამდე აშშ-ის საელჩოს და საქართველოში ევროკავშირის მისიის ხელმძღვანელობით მოლაპარაკებათა რამდენიმე უშედეგო რაუნდი გაიმართა.

ყველა ახალი ამბავი
0