ტიკარაძე: თებერვლიდან განვიხილავთ გახსნებს, თუმცა...

© photo: Sputnik / Igor Russak / გადასვლა მედიაბანკშიცარიელი კლასი
ცარიელი კლასი - Sputnik საქართველო
გამოწერა
ჯანდაცვის მინისტრის განცხადებით, სავაჭრო სექტორი და განათლების სექტორი არის ის ორი ძირითადი სფერო, რომელთა გახსნაზეც მიმდინარეობს საუბარი.

თბილისი, 20 იანვარი – Sputnik. საქართველოს მთავრობა გახსნის ობიექტად პირველ რიგში განიხილავს სავაჭრო სექტორს, რადგან  საახალწლო პერიოდში ამ სფერომ რეგულაციები დაიცვა, განაცხადა ჯანდაცვის მინისტრმა, ეკატერინე ტიკარაძემ.

ეკატერინე ტიკარაძე - Sputnik საქართველო
საქართველოს კოვიდსტატისტიკა დაწესებულ შეზღუდვებს ამართლებს - ჯანდაცვის სამინისტრო

არსებული ეპიდემიოლოგიური ვითარების გამო საქართველოში 28 ნოემბრიდან ახალი შეზღუდვები მოქმედებს, რომლებიც 2021 წლის 31 იანვრის ჩათვლით იქნება ძალაში. კერძოდ, სავალდებულოა პირბადის ტარება, ასევე იკრძალება ქუჩაში გასვლა 21:00 საათის შემდეგ დილის 5 საათამდე, არ მუშაობს საზოგადოებრივი ტრანსპორტი, დაკეტილია სავაჭრო ცენტრები, სპორტდარბაზები, რესტორნები, კაფე–ბარები და ა.შ. საქართველოში შეზღუდვების ეტაპობრივი მოხსნა 1 თებერვლიდან დაიწყება.

მინისტრის განცხადებით, სავაჭრო სექტორის შემდეგ  განიხილება განათლების სექტორის გახსნა.

„ჩვენ ვიცით, რამდენად მნიშვნელოვანია ბავშვების უშუალო დასწრება სკოლებში. არ მინდა გავასწრო მოვლენებს და შევქმნა ცრუ მოლოდინები. განათლების სფეროში განვიხილავთ სხვადასხვა მოდელს, ეს იქნება ან ჰიბრიდული მოდელი, ან შეიძლება უბრალოდ დავყოთ შედარებით მაღალი და დაბალი რისკის მატარებელ კლასებად. ჩვენ ვიქნებით მაქსიმალურად ჩართული, რომ სკოლებმა მოახერხონ ბავშვებისა და პედაგოგების დაცვა“, - განაცხადა ტიკარაძემ.
სავაჭრო ცენტრი Galleria Tbilisi  - Sputnik საქართველო
მოლების და ბაზრობების გახსნის მოლოდინში: თანამშრომელთა ტესტირების სქემა შემუშავებულია

მინისტრის განცხადებით, მთავრობას რეგიონები დაყოფილი აქვს წითელ, ყვითელ და მწვანე ზონებად, შესაბამისად, შეზღუდვების მოხსნაც ეტაპობრივად მოხდება.

ჯანდაცვისა და ეკონომიკის სამინისტროებს უკვე დაევალათ ეტაპობრივი გეგმის შემუშავება. შეზღუდვების შემსუბუქების შემდეგ სპეციალისტები ორი კვირის განმავლობაში ისეთ ინდიკატორებს დააკვირდებიან, როგორებიც არის დადებითობის და ინციდენტობის მაჩვენებელი, და ამ შედეგებზე დაფუძნებით გადაწყდება, რა შეზღუდვა მოიხსნება შემდეგ ეტაპზე.

ბოლო 24 საათში ქვეყნის მასშტაბით კორონავირუსის 469 ახალი შემთხვევა დაფიქსირდა და ინფიცირებულთა საერთო რიცხვმა 249.934 -ს მიაღწია.

საქართველოში კორონავირუსის პირველი შემთხვევა 2020 წლის 26 თებერვალს დაფიქსირდა.

ყველა ახალი ამბავი
0