ირანიდან ჩამოსულ საქართველოს მოქალაქეებს კარანტინში ან კლინიკაში ათავსებენ

© photo: Sputnik / Stringerწითელი ხიდის საბაჟო
წითელი ხიდის საბაჟო - Sputnik საქართველო
გამოწერა
რისკის ჯგუფის ქვეყნებიდან ჩამოსულ ყველა მგზავრს ეძლევა თვითიზოლაციის რეკომენდაცია, კონტაქტების შეზღუდვა და საცხოვრებელ მისამართზე ყოფნა მინიმუმ 14 დღის განმავლობაში.

თბილისი, 27 თებერვალი — Sputnik. საზღვაო პორტებში, აეროპორტებსა და სახმელეთო საბაჟო კონტროლის ზონებში სანიტარიულ-საკარანტინო კონტროლს ზოგადი პროფილის ექიმები, ეპიდემიოლოგები ან ექიმი ჰიგიენისტის კვალიფიკაციის მქონე პირები ახორციელებენ, ნათქვამია ფინანსთა სამინსიტროს შემოსავლების სამსახურის განცხადებაში.

ინფექციური საავადმყოფოს შესასვლელი - Sputnik საქართველო
ინფექციური საავადმყოფოს ბოქსირებულ განყოფილებას მალე ექვსი პაციენტი დატოვებს

უწყების  ცნობით, ამ ეტაპზე შემოსავლების სამსახურის საბაჟო დეპარტამენტს რისკ-ჯგუფის ქვეყნებში (ჩინეთი, ირანი, სამხრეთ კორეა, იტალია) ნამყოფი ყველა მგზავრის და საავტომობილო საშუალების მძღოლის თერმოსკრინინგი და საჭიროების შემთხვევაში მათ მიმართ მგზავრის სააღრიცხვო ბარათის შევსება ევალება.

დაწესდა გარკვეული შეზღუდვები იმ პირთა გადაადგილებაზე, რომლებიც ბოლო ორი კვირის მანძილზე იმყოფებოდნენ ირანში. იმ შემთხვევაში, თუ პირი არის საქართველოს მოქალაქე, მას არ ეზღუდება ქვეყანაში შემოსვლა. ასეთ შემთხვევაში მგზავრი/ მძღოლი ექვემდებარება თერმოსკრინინგს. ტემპერატურის ნორმაზე მეტის აღმოჩენის შემთხვევაში, ასეთი მოქალაქე ექვემდებარება კლინიკაში გადაყვანას, ხოლო თუ ტემპერატურა ნორმის ფარგლებშია, პირის მიმართ გავრცელდება სავალდებულო კარანტინი.

ამასთან, რისკის ჯგუფის ქვეყნებიდან ჩამოსულ ყველა მგზავრს ეძლევა თვითიზოლაციის რეკომენდაცია, კონტაქტების შეზღუდვა და საცხოვრებელ მისამართზე ყოფნა მინიმუმ 14 დღის განმავლობაში. ამ პერიოდის განმავლობაში მგზავრები იქნებიან ეპიდემიოლოგის მეთვალყურეობის ქვეშ.

საავადმყოფო - Sputnik საქართველო
აზერბაიჯანში ეჭვით კორონავირუსზე თითქმის 200 ადამიანია ჰოსპიტალიზებული

„ქვეყანაში შემოსული მგზავრის რისკის პირველადი შეფასების შემდეგ, ეპიდემიოლოგიური მდგომარეობის საეჭვოდ მიჩნევის შემთხვევაში მიღებული იქნება გადაწყვეტილება მგზავრის იზოლაციისა და სპეციალიზებულ კლინიკაში გადაყვანის თაობაზე“, - აღნიშნულია განცხადებაში.

განცხადებაში ასევე ნათქვამია, რომ კორონავირუსის გავრცელების რისკების მინიმალიზაციის პრევენციული ღონისძიებების ფარგლებში, საბაჟო გამშვებ პუნქტებში, შემოსავლების სამსახურის ეპიდემიოლოგების მიერ ხდება მგზავრთა (მათ შორის ტრანზიტულ მგზავრთა) ინდივიდუალური მონიტორინგი, რაც გულისხმობს მგზავრთან გასაუბრებას, ტემპერატურის გაზომვას, სათანადო კლინიკური ნიშნების შეფასებას და მიღებული ინფორმაციის საფუძველზე შესაბამისი დეტალური მოგზაურობის ანამნეზის შეკრებას.

ყველა საბაჟო გამშვებ პუნქტზე განთავსებულია ქართულ, ინგლისურ და ჩინურ ენებზე დამზადებული საინფორმაციო ბანერები, რომლებიც შეიცავენ რეკომენდაციებს კორონავირუსის გავრცელებისა და პრევენციის შესახებ.

ყველა ახალი ამბავი
0